ក្រោយពីបានឆ្លងកាត់ ជាច្រើនវគ្គរួចមក បេក្ខនារី យ៉ង់ នីតា បានឈានដល់វគ្ គLive show សប្តាហ៍ទី៣ ដែល​មានបេក្ខជន និងបេក្ខនារីសរុបចំនួន១០នាក់ ប្រកួតក្នុងវគ្គវនេះ ហើយក៏ជាវគ្គ ដែលបេក្ខនារីរូបនេះ ត្រូវចាក​ចេញ​ទាំងខកបំណង និងស្ទើតែនិយាយមិនរួច នៅបន្ទាប់ពីបានដឹងលទ្ធផល ហើយពិធីករ បានប្រគល់មេក្រូ ដើម្បី​ឲ្យនាងនិយាយ ទៅកាន់បងប្អូនទស្សនិកជន។

នៅក្នុងវគ្គនេះ កម្មវីធីតម្រូវឲ្យបេក្ខជន និងបេក្ខនារីទាំងអស់ ជ្រើសរើសបទចម្រៀង សម័យដើម (សត្សវត្តទី៦០ ឬ៧០) មកបកស្រាយ។ ចំណែកបេក្ខនារី នីតា ដែលវ័យ១៩ ឆ្នាំ បានបកស្រាយបទចម្រៀងមួយបទ មាន​ចំណង​ជើងថា «ទុំមុនស្រគាល» ឬ«ស្តាយភាពក្រមុំ» ដែលជាសំនៀងដើម របស់អ្នកចម្រៀងជំនាន់ដើម នាង រស់ សេរីសុទ្ធា។

បន្ទាប់ពីបានវឹកហាត់ អស់រយះជាងបីខែ បេក្ខនារីរូបនេះបានប្រឹងប្រែង ច្រៀងអស់ពីសមត្ថភាពដើម្បី អាច​ឈាន​ទៅវគ្គបន្ត តែគួរឲ្យសោកស្តាយ ព្រោះបេក្ខនារីរូបនេះបានធ្លាក់ចេញ ពីការជ្រើសរើសរបស់ទស្សនិកជន និង​តម្រូវ​ឲ្យនាងបញ្ចប់ដំណើរការ ជាមួយកម្មវិធី «Cambodian Idol» ជាស្ថាពរ។ ប៉ុន្តែយ៉ាងណាក៏ដោយ ក៏ការ​ខិត​ខំ​របស់បេក្ខនារីនេះ មានការទទួលស្គាល់ និងការគាំទ្រលើកទឹកចិត្ត ពីសំណាក់គណះកម្មការ និងទស្សនិកជន ជា​ច្រើន​ផងដែរ៕