ចៅក្រម ដែលទទួលបន្ទុក វិន្និច្ឆ័យទោស ជនសង្ស័យទីពីរ ជ័កហារ ត្សាណី ក្នុងសំនុំរឿងភេវរកម្ម បំផ្ទុះគ្រាប់បែក កាល​ពី​ថ្ងៃទី១៥ខែមេសា នៅក្បែរទីផ្ដាច់ព្រ័ត្រ នៃកីឡារត់ម៉ារ៉ាតុន ក្នុងទីក្រុងប៊ូស្តុន សហរដ្ឋអាមេរិក បានទស្សនាវីដេអូទាំងនេះ ដែលបង្កឲ្យមានការរញ្ជួលចិត្តខ្លាំងឡើង។

វីដេអូទាំងនេះ ប្រមូលបានមក ពីវីដេអូត្រួតពិនិត្យសុវត្ថិភាព ដែលម្ចាស់ហាងជាច្រើន នៅតាមដងផ្លូវនោះ បានដាក់បំពាក់​សម្រាប់ហាង ឬភោជនីយដ្ឋានរបស់ពួកគេ។ ហើយគឺភ្នាក់ងារស៊ើបអង្កេតអាមេរិក ជាអ្នកយកវីដេអូទាំងអស់ មកចងក្រង ជាវីដេអូទាំងមូលនេះឡើង។

វីដេអូទីមួយ បង្ហាញពីជនសង្ស័យទាំងពីរ កំពុងដើរដូចគេឯង នៅក្នុងចំណោមមនុស្សម្នា ជាមួយនឹងសាកាដូ (កាបូប​ស្ពាយ​ពីលើខ្នង) ម្នាក់មួយ ដែលនៅក្នុងកាបូបនោះ មានផ្ទុកទៅដោយ គ្រាប់បែកឆ្នៃ។ បន្ទាប់មកទៀត គេឃើញជន​សង្ស័យ​ម្នាក់ បានដាក់កាបូបនេះ នៅក្បែរភេោជនីយដ្ឋានមួយ មុននឹងដើរចេញពីទីនោះ។

ប៉ុន្តែមុននឹងដើរចេញ គេឃើញមនុស្សនាំគ្នាឆោឡោឡើង ដោយទំនងជាគ្រាប់ទីមួយបានផ្ទុះ។ តែបន្ទាប់ពីជនសង្ស័យ បានដើរចេញ បានប្រមាណជា ជាង១០ម៉ែត្រ ហើយគ្រាប់បែកទីពីរ ក៏បានផ្ទុះឡើងទៀត។ រូបភាពដ៏រន្ធត់!

» សូមអានពីព្រឹត្តិការណ៍នេះឡើងវិញ ដោយចុចនៅលើទីនេះ។

វីដេអូរបាយការណ៍មួយផ្សេង របស់ស្ថានីយទូរទស្សន៍ អេប៊ីស៊ី របស់អាមេរិក៖