ថត​ស្រាត​ដាក់​ផ្សាយ ត្បិត​ឈឺ​ចិត្ត​នឹង​អតីត​សង្សា​ទម្លាយ​រូប​ស្រាត​ពី​ក្មេង ​តាម​ហ្វេសប៊ុក

យុវតីជនជាតិដាណឺម៉ាកមួយរូបនាង អេម៉ា ហូលតេន (Emma Holten) បានរកឃើញរូបថតស្រាតរបស់នាង ត្រូវ​បាន​បង្ហោះ​ផ្សាយ​ពេញ​បណ្ដាញ​អ៊ិនធើណែត។ នាងនិយាយអ្វីក៏មិនត្រូវដែរ ព្រោះរូបទាំងនោះ ជាអតីតសង្សារបស់នាង ជា​អ្នក​បង្ហោះ ដើម្បី​ធ្វើការ​សងសឹក។
Loading...
  • ដោយ: ឈូករ័ត្ន អត្ថបទ៖ ឈូករ័ត្ន ( [email protected]) - ប៉ារីស ថ្ងៃទី៣១ មករា ២០១៥
  • កែប្រែចុងក្រោយ: February 02, 2015
  • ប្រធានបទ: រូបថត
  • អត្ថបទ: មានបញ្ហា?
  • មតិ-យោបល់

រូបថត​ស្រាត​មួយ​សន្លឹក ដែល​នាង​បាន​ថត​កាល​ពី​វ័យ​១៧ឆ្នាំ និង​រូប​សន្លឹក​ទៀត ថត​នៅ​ពេល​ក្រោយ​មក ត្រូវ​បាន​បង្ហោះ​តាម​បណ្ដាញ​អ៊ិនធើណែត យ៉ាង​គគ្រឹក​គគ្រេង។ ​រូប​ថត ដែល​បង្ហាញ​ពី​វ័យ​ស្រី​ជំទង់​ដ៏​ក្មេង​ខ្ចី​នោះ បាន​ធ្វើ​ឲ្យ​នាង អេម៉ា បែរ​ជា​បាន​ក្លាយ​ជា​ជនរង​គ្រោះ​ទៅ​វិញ យ៉ាង​ធ្ងន់​ធ្ងរ​ទៅ​វិញ។ មិន​ត្រឹម​តែ​រង​គ្រោះ​នឹង​ការ​ទម្លាយ​រូប​ភាព​ឯកជន ដោយ​សារស្នាដៃ​របស់​អតីត​សង្សា​នាង​ប៉ុណ្ណោះ​ទេ តែ​អ្នក​ដែល​បាន​មើល​ឃើញ​រូប​ទាំង​នោះ ថែម​ទាំង​និយាយ​ចំអក និង​ខ្លះ​ទៀត​បាន​គម្រាម​នោះ​ទៀត។

ខ្លះបានដៀលត្មិះនាងថា៖ «តើឪពុកម្ដាយរបស់នាងឯង ដឹងថានាងជាស្រីអាសបែបនេះឬទេ?» ខណៈឯ​មនុស្​ស​ខ្លះទៀត បានគម្រោមនាងថា៖ «ផ្ញើរឲ្យអញរូបថតផ្សេងទៀតមក បើមិនអញ្ចឹងទេ អញនឹងបញ្ជូន​រូប​ថត​​មុន​​ទាំង​នេះ ទៅ​ចៅហ្វាយ​នាយ នៅកន្លែងការងារនាងឯងជាមិនខាន»។

រឿងដែលអស្ចារ្យនោះ នៅក្នុងប៉ុន្មានថ្ងៃមុននេះ រូបភាពស្រាតជាច្រើនរបស់នាង អេម៉ា បានចេញ​ផ្សាយ​នៅ​លើគេហទំព័របន្ថែមទៀត។ ប៉ុន្តែលើកនេះ មិនមែនជាការទម្លាយរបស់នរណាម្នាក់ឡើយ គឺនាង អម៉ា ខ្លួន​ឯង​ជាអ្នកស្នើសុំឲ្យស្ត្រីអ្នកជំនាញថតរូបមួយរូប ជាអ្នកថតរូបទាំងនេះ ហើយយកមកផ្សាយ។ រូបថត​ថ្មីៗ​ទាំង​នោះ ត្រូវ​បានទស្សនាវដ្ដី Friktion យកមកផ្សាយមុនគេ ដោយទុកឲ្យគេឃើញ នាង អេម៉ា កំពុងរវល់​ធ្វើ​នេះ​ធ្វើ​នោះ នៅក្នុងផ្ទះធ្វើដូចហី។

តាមពិតទៅ នាង អេម៉ា ចង់បង្ហាញតាមរយៈរូបថតថ្មីៗទាំងនេះថា បើគ្រាន់តែឃើញរូបថត​ស្រាតរបស់​នាង​មួយ ឬពីរសន្លឹក កាលពីនាងនៅវ័យជំទង់ គេមិនគួរវាយតម្លៃលើរូបនាង ទៅតាមសម្ដីរបស់ក្រុម​មនុស្ស​«អគតិ» ឬទៅតាមកំហឹងសងសឹក របស់អតីតសង្សារបស់នាងឡើយ។ ជាពិសេស ស្រីស្រាត មិនមែន​សុទ្ធ​តែ​មានលក្ខណៈ គួឲ្យ«ត្រេកត្រអាល»ទាំងអស់នោះទេ តែនាងក៏ជាមនុស្សម្នាក់ ដូចប្អូនស្រី ម្ដាយរបស់អ្នក​ទាំងនោះដែរ៕

------------

-------------

-------------

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]oom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...