រៀបចំ​ឲ្យ​សម្លាប់​ប្ដី​ពិការ​របស់​ខ្លួន រួច​រួមរ័ក​ជា​មួយ​ឃាតករ​ទាំង​ពីរ

ស្ត្រីមួយរូប ត្រូវបានផ្ដន្ទាទោសឲ្យជាប់ពន្ធនាគារ២៥ឆ្នាំ ពីបទរៀបចំចាត់ចែកឲ្យមានឃាតកម្ម ទៅ លើ​ស្វាមី​ពិការ​របស់​ខ្លួន។ បន្ទាប់ពីហេតុការណ៍ឃាតកម្ម ស្ត្រីរូបនេះបានប្រគល់ខ្លួនប្រាណ ឲ្យឃាតករទាំងពីររូបរួមរ័កភិសម័យ។
Loading...
  • ដោយ: សេក មនោរកុមារ ដោយ សេក មនោរកុមារ (ទាក់ទង៖ [email protected]) - ប៉ារីស​ ថ្ងៃទី១៦ វិច្ឆិកា ២០១៤
  • កែប្រែចុងក្រោយ: November 17, 2014
  • ប្រធានបទ: ឧក្រិដ្ឋកម្ម
  • អត្ថបទ: មានបញ្ហា?
  • មតិ-យោបល់

ជា​សំនុំរឿងក្ដីដ៏ហួសចិត្ត​មួយ ដែល​បាន​ដាក់​ទីក្រុង អ៊ុលស្ទីន (Olszty - ភាគ​ខាង​ជើង​នៃ​ប្រទេស​ប៉ូឡូញ) ទាំង​មូល ទៅ​ក្នុង​សភាព​តក់​ស្លុក​ឥត​ឧបមា។ ស្ត្រី​ម្នាក់​ត្រូវ​បាន​ផ្ដន្តា​ទោស​ឲ្យ​ជាប់​ពន្ធនាគារ​២៥ឆ្នាំ នៅ​ក្នុង​ពន្ធនាគារ ពី​បទ​បាន​រៀបចំ​ឲ្យ​មាន​ឃាតកម្ម ទៅ​លើ​ស្វាមី​ពិការ​ដ៏​អភ័ព​របស់​ខ្លួន។ សំនុំ​រឿង​មិន​ចប់​ត្រឹម​​ប៉ុណ្ណឹង​ទេ ព្រោះ​ស្ត្រី​ជាប់​ចោទ​រូប​នេះ ថែម​ទាំង​បាន​ប្រគល់​ខ្លួន​ឲ្យ​ឃាតករ​ទាំង​ពីរ បាន​រួមរ័ក​ភិសម័យ​យ៉ាង​រំភើយ នៅ​បន្ទាប់​ពី​ឃាតកម្ម​ត្រូវ​បាន​ធ្វើ​សម្រេច។

អ្នកស្រី ជ័នណា (Joanna) ស្ត្រី​ដែល​ធ្លាប់​មាន​កូន​៥នាក់​រួច​ហើយ  បាន​​ជួប​ស្គាល់​ជា​មួយ ពីអ័រ ហ្គ្រាបូស្គី (Piotr Grabowski) តាំង​ពី​ប៉ុន្មាន​ឆ្នាំ​មុន ហើយ​បាន​រៀបការ​ជា​មួយ​គ្នា​នៅ​ពេល​បន្តិច​ក្រោយ​មក។ បុរស​ម្នាក់​នេះ ដែល​ជា​ជន​ពិការ ធ្វើ​ដំណើរ​ទៅ​ណា​មក​ណា តែ​ជា​មួយ​រទេះ​រុញ​នោះ ត្រូវ​បាន​គេ​ស្គាល់​ថា ជា​ឪពុក​ចុងគំរូ​ដែល​មាន​ការ​គិត​គូរ ដល់​កូន​ដើម​របស់​ខ្លួន ហើយ​ជា​បុរស​ដែល​មាន​សកម្មភាព​ជា​ច្រើន នៅ​ក្នុង​សង្គម។

បើតាមសារព័ត៌មានរបស់ប្រទេសអង់គ្លេសមួយ បានស្រង់ប្រភពនៅនឹងកន្លែង មករាយការណ៍ថា ក្ដីស្នេហ៍​របស់​អ្នកទាំងពីរបានឈានទៅដល់ភាពប្រេះឆា បន្ទាប់ពី ពីអ័រ បានបដិសេធមិនព្រមឲ្យបុរសម្នាក់ទៀត ឈ្មោះ ចាសេក ប៉ាវឡាក (Jacek Pawlak) អាយុ៤១ឆ្នាំ មកផ្ទះ។ បដិសេធ ព្រោះ​ ចាសេក ត្រូវបានសង្ស័យថាជា​សាហាយ​លួចលាច់របស់អ្នកស្រី ជ័នណា។ ឈានចេញពីការការបដិសេធនេះហើយ ទើបអ្នកស្រី ជ័នណា បាន​រៀបចំគម្រោងការដ៏ធំមួយ ដើម្បីកំចាត់ស្វាមីរបស់ខ្លួន។

អ្នកទទួលបន្ទុក ក្នុងការអនុវត្តន៍គម្រោងការនោះ មិនមាននរណាផ្សេង ក្រៅពីសាហាយរបស់អ្នកស្រី ជ័នណា គឺ​លោក ចាសេក ប៉ាវឡាក នោះទេ។ បុរសនេះ ដែលបានរួមការងារដ៏ពិសេស ជាមួយបុរសម្នាក់ទៀតឈ្មោះ លូកាស កាមីនស្គី (Lukasz Kaminski) បានមករងចាំ ពីអ័រ នៅក្នុងឧទ្យានសាធារណៈមួយនៃទីក្រុង ដើម្បីរឹតក ពីអ័រ នឹងខ្សែរក្រវ៉ាត់ រហូតដាច់ដង្ហើម ហើយបានទុកឲ្យរូបរាងស្ដូកស្ដឹងរបស់ជនរងគ្រោះ ចោលនៅនឹងទីកន្លែង​កើតហេតុនោះតែម្ដង។

គម្រោងការនេះ នៅមិនទាន់បានបញ្ចប់ទេ ព្រោះឃាតករទាំងពីរបានមកជួបម្ចាស់គម្រោង នៅនឹងគេហដ្ឋាន​របស់ប្ដីប្រពន្ធ (ពីអ័រ-ជ័នណា) ដើម្បីទៅយករង្វាន់ធំរបស់ពួកគេ នោះគឺការឡើងថានសួគ៌ប្រាំបីជាន់ ទាំងបី​នាក់​ព្រមគ្នា នៅលើគ្រែតែមួយ ជាមួយម្ចាស់គម្រោង។

ប៉ុន្តែជនទាំងបី មិនបានសប្បាយហោះហើរបែបនេះ បានយូរទេ។ ព្រោះនៅពេលដែល ភរិយាបីសាចរូបនេះ បានដឹងពីដំណឹងមរណភាពនៃស្វាមីរបស់ខ្លួន ឬកពាររបស់នាង បានធ្វើឲ្យក្រុមអ្នកស៊ើបអង្កេត​ចាប់ផ្ដើម​សង្ស័យ។ ភ្លាមៗនោះ ក្រុមអ្នកស៊ើបអង្កេត បានដាក់ខ្សែទូរស័ព្ទរបស់នាង ទៅក្នុងការលួចស្ដាប់ ហើយមិន​យូរឡើយ កិច្ចសន្ទនាររវាងជនទាំងបី បានបង្ហាញប្រាប់សំណាញ់ច្បាប់ ពីភាពគ្មានចន្លោះ​នៃអំពើដ៏ព្រៃផ្សៃ​របស់ពួកគេ។

ជនដៃដល់ទាំងពីរនាក់ មិនទាន់ត្រូវបានសម្រេចទោសនៅឡើយ ប៉ុន្តែកូនដើមទាំងប្រាំនាក់របស់ ពីអ័រ ត្រូវ​បានប្រគល់ទៅឲ្យផ្នែកសង្គ្រោះសង្គម របស់ប្រទសប៉ូឡូញ ជាអ្នកទទួលបីបាច់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...