ម៉ូតូ​ស្កុបពី ជល់​ម៉ូតូ​សង់​ឌ្រីម របួស​ធ្ងន់​ទាំង​ព្រឹក

ម៉ូតូស្កូបពីនិងម៉ូតូទ្រីម បានជល់គ្នាមួយទំហឹង នៅកណ្តាលផ្លូវ៥៩៨ ជិតផ្សារទួលសង្កែ បង្កឲ្យអ្នកបើកបរទាំងសងខាង រងរបួសធ្ងន់ស្រាល។ ហេតុការណ៍នេះ មិនបានបញ្ចប់នៅនឹងកន្លែងទេ តែបានបន្តប្តឹង ដល់​ប៉ុស្ត៍​នគរបាល​ទួលសង្កែ​បន្ថែម​ទៀត។
Loading...
  • ដោយ: ក. សោភណ្ឌ ដោយ ក. សោភ័ណ្ឌ (ទាក់ទង៖ [email protected])-ភ្នំពេញ ថ្ងៃទី១៧ វិច្ឆិកា ២០១៤
  • កែប្រែចុងក្រោយ: November 17, 2014
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

នៅម៉ោង៦នឹង៣០នាទី ព្រឹក​ថ្ងៃ​ច័ន្ទ​ទី១៧​ ខែ​វិច្ឆិកា ឆ្នាំ២០១៤​នេះ មាន​ករណី​គ្រោះថ្នាក់​ចររាចរណ៍​មួយ បាន​កើត​ឡើង​នៅ​ផ្លូវ​៥៩៨សង្កាត់​ទួល​សង្កែ ខណ្ឌ​ឬស្សីកែវ រាជធានី​ភ្នំពេញ រវាង​ម៉ូតូ​និង​ម៉ូតូ បណ្តាល​ឲ្យ​អ្នក​បើកបរ​រង​របួស​ធ្ងន់ និង​ស្រាល។

តាមប្រភពពត័មាន នៅ​កន្លែង​កើត​ហេតុ​បាន​ឲ្យ​ដឹង​ថា មុន​ពេល​កើត​ហេតុ​គេ​ឃើញ​ម៉ូតូ​ស្កូបពី ពណ៍​ផ្កា​ឈូក​ពាក់​ស្លាក​លេខ​ ភ្នំពេញ1AV-1835 បាន​បើកបរ​យ៉ាង​លឿន ក្នុង​ទិស​ដៅ​ពី​ជើង​ទៅ​ត្បូង​ដែល​បញ្ច្រាស​ទិស​ដៅ​ពី​គេ។ រំពេច​នោះ​ម៉ូតូ​ស្កូបពី បាន​បត់​ចូល​គ្លីនិក​ព្យាបាល​មួយ​យ៉ាង​លឿន ដោយ​មិន​បាន​ប្រើ​ភ្លើង​សញ្ញា​អ្វី​ទាំង​អស់ ហើយ​បានបុក​ជា​មួយ​នឹង​ម៉ូតូឌ្រីម ពណ៍​ខ្មៅ​ពាក់​ស្លាក​លេខ ក្រចេះ​1B-0663 ដែល​កំពុង​បើកបរ​ក្នុង​ទិស​ដៅ​បញ្ច្រាស​គ្នា​​ពេញ​ទំហឹង បណ្តាល​ឲ្យ​អ្នក​បើកបរ​ម៉ូតូឌ្រីម​បាក់​ជើង​ខាង​ស្តាំ ចំនែក​ឯ​ម្ចាស់​ម៉ូតូ​ស្កូបពី​រង​របួស​ស្រាល។

បន្ទាប់ពីរកើតហេតុ រថយន្តសង្រ្គោះបន្ទាន់ បានដឹកអ្នករបួសទៅកាន់មន្ទីពេទ្យ ប៉ុន្តែនៅមានការប្រកែកគ្នា ដោយម្ចាស់ម៉ូតូ ទ្រីម ទាមទារសំណងពីម្ចាស់ម៉ូតូស្កូបពី ប៉ុន្តែម្ចាស់ម៉ូតូនេះបដិសេធន៍ មិនព្រមចេញថ្លៃ​ព្យាបាល​នឹងថ្លៃខូចខាតឡើយ។ រឿងហេតុនេះ បានបន្តប្តឹងទៅកាន់ប៉ុស្ដ៍នគរបាលទួលសង្កែ ដើម្បីធ្វើការ​ដោះស្រាយទៅតាមច្បាប់។

យុវជន ម៉ៅ សាក្សីដែលជាអ្នកធ្វើដំណើរនៅលើផ្លូវនេះ បានឲ្យទស្សនាវដ្តីមនោរម្យ.អាំងហ្វូ ដឹងថា ពេលនោះ លោកបានឃើញម៉ូតូស្កូបពីនោះ បើកលឿនពេក លោកក៏បានជិះកង់គេច បណ្តាលឲ្យកង់ដួលចូល​ក្រហុក​អែបផ្លូវ តែមិនមានរងរបួសអ្វីទេ តែលោកមិននឹកស្មានថា ម៉ូតូនេះបង្ករគ្រោះថ្នាក់ចររាចរណ៍ បន្ទាប់​ពី​ខ្លួន​ជៀសផុតនោះទេ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...