ឱក សុគន្ធកញ្ញា លំអៀងព្រោះរើសយក វង្ស ដ៉ារារតនា? (vdo)
- ដោយ: ប្រាថ្នា ដោយ ប្រាថ្នា (ទាក់ទង៖ [email protected] ) - ភ្នំពេញ ថ្ងៃទី២៧ តុលា ២០១៤
- កែប្រែចុងក្រោយ: November 03, 2014
- ប្រធានបទ: The Voice
- អត្ថបទ: មានបញ្ហា?
- មតិ-យោបល់
-
ក្រោយពី កញ្ញា ឱក សុគន្ធកញ្ញា ជ្រើសរើសកូនក្រុមម្នាក់ គឺលោក វង្ស ដារ៉ារតនា ក្នុងចំណោមកូនក្រុមទាំងពីររបស់នាង ដោយទម្លាក់កញ្ញា ស៊ូ ស៊ីរីកា នោះ ការរិះគន់ជាច្រើន ពីសំណាក់ទស្សនិកជន ដែលនិយមទស្សនាកម្មវិធីឌឹវយ្សន៍កម្ពុជា ក៏បានធ្លាក់ចុះមកជាបន្តបន្ទាប់ដែរ។ ពួកគេបានចោទប្រកាន់តារាចម្រៀងល្បី របស់ផលិតកម្មហង្សមាសរូបនេះ ថាមានចិត្តលំអៀងទៅបេក្ខជន ដារ៉ារតនា បើទោះបីជាបេក្ខនារីម្នាក់ទៀត មានសំនៀងពិរោះជាងយ៉ាងណាក៏ដោយ។
កាលពីយប់ថ្ងៃអាទិត្យ ទី២៦ ខែកក្កដា កន្លងមកនេះ ការប្រកួតវគ្គ LIVE SHOW របស់កម្មវិធីប្រលងចម្រៀង លំដាប់ពិភពលោក ឌឹវយ្សន៍ បានឈានចូលមកដល់សប្តាហ៍ទី៣។ គ្រូបង្វឹកទាំងបួន មានកូនក្រុម ត្រូវសម្តែងចំនួន៤រូប ពីររូបតម្រូវឱ្យទស្សនិកជនជាអ្នកបោះឆ្នោតឱ្យជាប់ មួយរូបទៀតត្រូវបានគ្រូបង្វឹកជាអ្នកជ្រើសរើសឱ្យឡើងទៅកាន់វគ្គបន្ត និងមានម្នាក់ត្រូវចាកចេញពីកម្មវិធី។
ក្នុងនោះដែរ កូនក្រុមរបស់កញ្ញា ឱក សុគន្ធកញ្ញា ទាំងបូន ក្នុងនោះបេក្ខជនពីរនាក់គឺលោក ឃុន វុត្ថា និង លី សុខណេត ត្រូវបានទស្សនិកជនបោះឆ្នោតឱ្យជាប់ដោយស្វ័យប្រវត្តិ។ ចំណែក វង្ស ដ៉ារារតនា និងស៊ូ ស៊ីរីកា មិនត្រូវបានទស្សនិកជនបោះឆ្នោតឱ្យជាប់ឡើយ ដោយទុកឱ្យកញ្ញា ឱក សុគន្ធកញ្ញា សម្រេចចិត្តម្នាក់ក្នុងចំណោមអ្នកទាំងពីរ។
ចំពោះការទម្លាក់កញ្ញា ស៊ូ ស៊ីរីការ ក្នុងវគ្គនេះ ត្រូវបានទស្សនិកជនម្នាក់បញ្ចេញមតិថា៖ «ខ្ញុំពិតជាសោកស្ដាយ ចំពោះ ស៊ីរីកា ណាស់ ដោយសម្ថភាពមាន តែត្រូវចាញ់ ដោយការជ្រើសរើសលំអៀង»។ រីឯទស្សនិកជនមួយរូបទៀត បន្ទរឡើងជាមួយដែរថា៖ «សូមជំរាបជូន ទៅអ្នករៀបចំកម្មវិធី ឲ្យមើលគ្រូបង្វឹក សុគន្ធកញ្ញា ផង បើគ្រូបង្វឹកបែបនេះ, លំអៀងបែបនេះ ឈប់ប្រើពាក្យថា កម្មវិធីនេះយកសំលេងជាចំបង គួរតែដូរទៅជាយកបក្ខពួក ជាចំបងវិញ»។
តែក៏មានប្រិយមិត្តមួយចំនួនទៀត បានយល់ស្របជាមួយកញ្ញា ឱក សុគន្ធកញ្ញា ដែរថា ការជ្រើសរើសរបស់នាងពិតជាត្រឹមត្រូវ ព្រោះថា ក្នុងសប្តាហ៍នេះ ស៊ូ ស៊ីរីកា ច្រៀងមិនសូវបានល្អនោះទេ។ ប្រិយមិត្តមួយរូប បាននិយាយថា៖ «បើស្តាប់ទៅគាត់ (វង្ស ដារ៉ារតនា) ធ្វើបានគ្រាន់ ល្អគ្រាន់បើជាមួយបទនេះ បើប្រៀបធៀបនឹង ស៊ូ ស៊ីរីកា។ គូរព្យាយាមស្តាប់ និងរកចំនុចល្អអោយគាត់ផង។»
រីឯប្រិយមិត្តម្នាក់ទៀត ដាក់ឈ្មោះ«O'pïggÿ Angëlzz» ដែលធ្លាប់គាំទ្រ ឱក សុគន្ធកញ្ញា យ៉ាងផ្កាប់មុខអស់រយៈពេលជាយូរមកហើយនោះ បានសរសេរដោយអស់ការជឿជាក់ យ៉ាងដូច្នេះថា៖ «ខ្ញុំស្រលាញ់អ្នកខ្លាំងណាស់ កញ្ញា ស្រលាញ់ តាំងពីអ្នកនៅផលិតកម្ម KH អ្នកទៅដល់ផលិតកម្មណា ក៏ខ្ញុំតាមគាំទ្រអ្នក។ តែអ្នកបានធ្វើឲ្យខ្ញុំអស់សង្ឃឹមខ្លាំងណាស់ ធ្វើអោយការស្រលាញ់ ដែលខ្ញុំមានចំពោះអ្នក មិនតិចជាង១០ឆ្នាំនោះ គ្មានសល់សូម្បីតែ១ភាគរយ (...) អ្នកមិនគួណា ធ្វើអោយខ្ញុំអស់ជំនឿ លើអ្នកទាល់តែសោះ។»៕