សម្ភាសលុច ចន្ថា៖ គុណ​សម្បត្តិ និង​គុណ​វិបត្តិ នៃ​ការ​ចាក់​បញ្ចាំង​ភាពយន្ត​ថៃ

តើគុណសម្បត្តិ និងគុណវិបត្តិ នៃការចាក់បញ្ចាំងភាពយន្ដថៃឡើងវិញ មានអ្វីខ្លះ? សូមអានការបកស្រាយ របស់លោក លុច ចន្ថា អ្នកនិពន្ធឯករាជ្យមួយរូប ជុំវិញបញ្ហានេះ។
Loading...
  • ដោយ: ប្រាថ្នា ដោយ ចាន់នីតា (ទាក់ទង៖ [email protected] ) - ភ្នំពេញ ថ្ងៃទី២៩ កញ្ញា ២០១៤
  • កែប្រែចុងក្រោយ: October 06, 2014
  • ប្រធានបទ: សិល្បៈទី៧
  • អត្ថបទ: មានបញ្ហា?
  • មតិ-យោបល់

បន្ទាប់​ពី​ស្ថានីយ៍​ទូរទស្សន៍​មួយ​ចំនួន បាន​ចាប់​ផ្តើម​ចាក់​បញ្ចាំង​ភាពយន្ត​ថៃ​ឡើង​វិញ​នោះ ប្រតិកម្ម​ជា​ច្រើន​បាន​ផ្ទុះ​ឡើង ប្រឆាំង​នឹង​ការ​បើក​ចំហរ​នេះ។ ប្រជាពលរដ្ឋ​មួយ​ចំនួន បាន​សម្តែង​ក្តី​បារម្ភ ខ្លាច​ក្រែង​វិស័យ​ភាពយន្ត​ខ្មែរ ដាំ​ក្បាល​ធ្លាក់​ចុះ​ដូច​មុនៗ​ទៀត។

ក្នុង​កិច្ច​សម្ភាស​ជាមួយ​ទស្សនាវដ្ដី​មនោរម្យ.អាំងហ្វូ លោក លុច ចន្ថា ជា​អ្នក​និពន្ធ​ឯករាជ្យ និង​ជា​ម្ចាស់​ជ័យ​លាភី​ស្នាដៃ នូហាច ផ្នែក​និពន្ធ​កំណាព្យ​បែប​ទំនើប​និយម នៅ​ឆ្នាំ២០១១ និង​ឆ្នាំ​២០១៣ បាន​ថ្លែង​ឡើង​ថា៖ «ការ​ដែល​ខ្មែរ​យើង​ប្រតិកម្ម​នេះ វា​អាច​មក​ពី​មាន​គំនុំ រឿង​អី​ក៏​មិន​សប្បាយ​ចិត្ត ពាក់ព័ន្ធ​អតីតកាល​កន្លង​មក»។

លោកយល់ថា ការដែលអនុញ្ញាតឱ្យបញ្ចាំងខ្សែភាពយន្តថៃនេះ វាក៏មានផលប្រយោជន៍ផងដែរ ទី១. យើង​អាច​រៀនសូត្រពីរបៀបនៃការនិពន្ធ ការដឹកនាំរឿងរបស់គេ ទី២. យើងអាចដឹងកាន់តែជ្រៅ អំពីវប្បធម៌ និង​ការ​ឆ្នៃ​ប្រឌិត និងចំណុចទី៣ យើងក៏អាចដឹងវិការវិវត្ត នៃសង្គមរបស់ប្រទេសថៃផងដែរ។

ទន្ទឹមគ្នាចំណុចគុណសម្បត្តិខាងលើ លោកអះអាងថា វានឹងផ្តល់គុណវិបត្តិយ៉ាងច្រើនចំពោះសង្គមខ្មែរ ជា​ពិសេសសម្រាប់យុវជនខ្មែរ។ លោកបានពន្យល់ថា៖ «ជួនកាលនាំរឿងយកមក គឺពង្វួកឱ្យយុវជនយើង​ភ្លើត​ភ្លើនបន្តិច ទៅតាមរឿងរបស់គរអញ្ចឹងទៅ។ ទីពីរ គេអាចនាំនូវវប្បធម៌មិនល្អ ចូលដល់ស្រុកខ្មែរយើង។ ទីបី យើងអាចនឹងពិបាកប្រកួតប្រជែងជាមួយគេ ពីព្រោះទឹកដៃគេល្អជាងយើង តាមដែលខ្ញុំធ្លាប់ចូលរួមជាមួយ​អ្នកនិពន្ធថៃ»។

ជាមួយនឹងការសម្តែងក្តីព្រួយបារម្ភ នៃការវិលត្រលប់មកវិញនូវរឿងភាគថៃ ដែលស្ថានីយ៍ទូរទស្សន៍​មួយ​ចំនួន បានចាក់បញ្ចាំង និងមួយចំនួនទៀតត្រៀមនឹងបញ្ចាំដែរនោះ មតិប្រជាពលរដ្ឋខ្លះ បានលើកឡើងថា ភាពយន្ដ​ថៃ​ទាំងនោះនឹងធ្វើឱ្យភាពយន្តកម្ពុជា អស់ទីផ្សារ និងធ្លាក់ចុះហៅលែងលឺ ខណៈដែលផលិតករ​នៅ​ក្នុងស្រុក មុជមិនជ្រៅទៅមិនឆ្ងាយ ពីរឿងខ្មោច ឬរឿងបែបកំប្លែង ។

ចំពោះក្តីបារម្ភនេះ អ្នកនិពន្ធ លុច ចន្ថា បានអះអាងថា វិស័យភាពយន្តខ្មែរនឹងមិនធ្លាក់ចុះ វិលទៅរក​ស័មយ​អតីកាលដូចមុនទៀតឡើយ ប៉ុន្តែគ្រាន់តែកម្ពុជាពិបាក នឹងប្រកួតប្រជែងមួយគេ តែប៉ុណ្ណោះ ដោយសារតែ​គេឈានទៅចំដល់ចំណុចមួយ ដែលមានការទទួលស្គាល់រួចទៅហើយ។

លោកបន្តថា «វាអត់បាត់ ព្រោះថ្មីៗនេះវិស័យសិល្បៈរបស់យើង កំពុងតែត្រូវបានមជ្ឈដ្ឋានអន្តរជាតិ ក្នុង​តំបន់​អាស៊ីនេះ គេចាប់អារម្មណ៍។ មានយុវជនរបស់យើងហ្នឹង បានទទួលជ័យលោភីក្នុងថ្នាក់អាស៊ាន។ ហើយ​ក្នុង​ពេល​បច្ចុន្ននេះ ក្រសួងក៏កំពុងរៀបឱ្យមានកម្មសិទ្ធិបញ្ហា។ ដោយឡែករដ្ឋាភិបាល បានលើក​ទឹក​ចិត្តឱ្យ​ចាប់​ផ្តើម​គិតគូរ ពីគុណភាពក៏ដូចជាលើកកម្ពស់ វិស័យផលិតភាពយន្តនៅក្នុងស្រុកខ្មែរដែរ។»

លោកសង្កត់ធ្ងន់បន្ថែមថា លោកចង់ឱ្យក្រសួងវប្បធម៌ គួរតែពិនិត្យឱ្យបានល្អិតល្អន់ថា រឿងថៃដែល​គ្រោង​នឹង​ចាក់បញ្ចាំងនេះ មានអ្វីចំណេញទៅដល់សង្គមជាតិខ្មែរ និងវានឹងផ្តល់ផលអវិជ្ជមានអ្វី ទៅដល់​វប្បធម៌​ខ្មែរ។ ចំណុចមួយទៀត លោកចង់ឱ្យអ្នកនិពន្ធខ្មែរបើកចិត្ត ឱ្យបានទូលាយបន្តិច ដើម្បីយើងរៀនសូត្រពីគេ ឱ្យ​បាន​ច្រើន បើមិនដូច្នោះទេ វិស័យភាពយន្តកម្ពុជា នឹងមិនខ្លាំងដូចគេនោះឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...