ផ្ទះ​ថ្ពក់​ខ្លួន​នឹង​ជញ្ជាំង​ភ្នំ បែរ​មុខ​ទៅ​រក​សមុទ្រ

សង់ផ្ទះតាមបែបធម្មជាតិ និងយកគំនិតតាមសត្វសមុទ្រ ដែលអាចតោងវារ ឡើងតាមជញ្ជាំងថ្ម ឬបង្អោងងើបពីទឹក ... តើមនុស្សអាចធ្វើបានឬទេ? នេះជាអ្វីដែលស្ថាបត្យករមួយរូប បានសម្រេចធ្វើបាន នាមាត់សមុទ្រនៃប្រទេសអូស្ត្រាលី។
Loading...
  • ដោយ: ដ. កែវ ដោយ ដ. កែវ (ទាក់ទង៖ [email protected]) - ប៉ារីស ថ្ងៃទី១១ កញ្ញា ២០១៤
  • កែប្រែចុងក្រោយ: September 11, 2014
  • ប្រធានបទ: ស្ងាបត្យកម្មចម្លែក
  • អត្ថបទ: មានបញ្ហា?
  • មតិ-យោបល់

ស្ថាបត្យករមួយក្រុម ដែលដាក់ឈ្មោះខ្លួនឯងថា ម៉ូដស្កេប (Modscape) ក្នុងក្រុងមែលប៊ន ប្រទេសអូស្ត្រាលី បានរកឃើញពីគំនិតនេះ ហើយបានផ្ដល់គម្រោងនេះ ទៅឲ្យអតិថិជនរបស់ខ្លួន ដែលចង់បានលំនៅ​ដ្ឋាន​នៅ​ក្នុងតំបន់ឆ្នេរ។ ស្ថាបត្យករទាំងនោះ បាននិយាយថា ខ្លួនបានសាងសង់ផ្ទះនោះ ដោយដកស្រង់តាម «កាយ​វិការរបស់សត្វបង្កងសមុទ្រ តោងឡើងគែមកាណូត»។

លំនៅដ្ឋានបែបថ្មី ដែលមានប្រាំជាន់នេះ មិនបានសង់ឡើងនៅពីលើកូនភ្នំនោះទេ តែវាត្រូវបានសង់ឡើង ដោយថ្ពក់ខ្លួននឹងជញ្ជាំង បែរមុខទៅរកសមុទ្រដ៏ល្វឹងល្វើយ។ ក្រុមស្ថាបត្យករបានថ្លែងទៀតថា៖ «សំណង់​ផ្ទះ ដែលពួកយើងបានសង់ ជាការបណ្ដុះបន្ថែមទិដ្ឋភាពរបស់ជញ្ជាំងសមុទ្រ ប៉ុន្តែមិនបានប៉ះពាល់អ្វីទៅលើ​ទេសភាពធម្មជាតិទេ។ រស់នៅដោយផ្ទាល់ជាមួយសមុទ្រ ជាអ្វីដែលយើងចង់បាន។»

ច្រកចូលរបស់ផ្ទះ ធ្វើនៅផ្ទៃខាងលើនៃកូនភ្នំ ដែលជាដំបូលនៃអាគារទាំងមូល ហើយក៏អាចចតរថយន្ដ​បាន​ពីរ​គ្រឿងដែរ។ គេបានបង្កើតឡើង នូវទោងយន្ដមួយ ដើម្បីចុះឬឡើងនៅតាមជាន់នីមួយៗ ដោយមិន​បាន​ភ្លេចផងទេ ពីជណ្ដើរដើរដោយជើង។ ផ្នែកខាងក្នុងនៃលំនៅដ្ឋាន គេនៅមិនទាន់ឃើញការរៀបចំលំអរអ្វី ឲ្យ​បានប្រសើរខ្លាំងនៅឡើយ តែបានបំពាក់នូវសម្ភារៈដែលសំខាន់ៗជាច្រើន បូករួមនឹងទិដ្ឋភាពបែរទៅ​រក​សមុទ្រ តាមបង្អួចកញ្ចក់ធំៗ នៅគ្រប់ជាន់។

ក្រុមស្ថាបត្យកររបស់ ម៉ូដស្កេប មិនបាននិយាយឲ្យដឹងពីតម្លៃ ដែលត្រូវសាងសង់ផ្ទះនេះ ថាអស់ប៉ុន្មាន​នោះ​ទេ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...