តូរ៉ូមួយក្បាលធ្វើអត្តឃាត ព្រោះភ័យនឹងភ្លើងឆេះស្នែង
នៅពេល ដែលភាពសប្បាយរីករាយរបស់មនុស្ស បានឈានដល់ដំណាក់កាលមួយ... តូរូ (Toro ឬគោឡើងក) មួយក្បាល បានបោលយកក្បាល បុកនឹងបង្គោលឈើដ៏មាំ បណ្ដាលឲ្យសត្វពាហនៈ បានស្លាប់នៅនឹងកន្លែងយ៉ាងខ្លោចផ្សារ ដោយសារជ្រួលភ័យ នឹងភ្លើងដែលត្រូវបានដាក់ដុតបញ្ឆេះ នៅចុងស្នែងទាំងសងខាងរបស់វា។
ហេតុការណ៍បានកើតឡើង កាលពីថ្ងៃទី២២ ខែកក្កដានេះ នៅក្នុងក្រុង «Foios» (ក្បែរក្រុង «Valence») ខណៈមនុស្សច្រើនរយនាក់ កំពុងប្រារព្ធ លេងល្បែងប្រពៃណីប្រចាំតំបន់ ឈ្មោះ «Toro Embolado»។ ជាថ្មីម្ដងទៀត ហេតុការណ៍ដ៏អាណោចអាធម បានបង្កឲ្យផ្ទុះ ការរិះគន់យ៉ាងខ្លាំងក្លា ពីសំណាក់ក្រុមអ្នកការពារសត្វ។
សមាគមការពារសត្វគោឡើងក ហៅជាភាសាអង់គ្លេស «Bulls Defenders United» [...]
