កម្ពុជា​ទាមទារ​ឲ្យ​ថៃ​ផ្តល់​សំណង ដល់​គ្រួសារ​ពលករ​ខ្មែរ​ស្លាប់

តាមរយៈក្រសួងការបរទេសកម្ពុជា រដ្ឋាភិបាលកម្ពុជាកំពុងធ្វើការទាមទារ ដល់រដ្ឋាភិបាលយោធាថៃ ជួយអន្តរាគមន៍​ចំពោះក្រុមហ៊ុនធានារ៉ាប់រង ត្រូវផ្តល់សំណងសមរម្យ ដល់ក្រុមគ្រួសារពលករខ្មែរ ដែលបានស្លាប់​ក្នុងករណី​គ្រោះថ្នាក់​ចរាចរណ៍ ពេលចាប់បញ្ជូនមកកម្ពុជា។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]) - ភ្នំពេញ ថ្ងៃទី២៧ មិថុនា ២០១៤
  • កែប្រែចុងក្រោយ: June 27, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

តាមរយៈក្រសួងការបរទេសកម្ពុជា រដ្ឋាភិបាលកម្ពុជាកំពុងធ្វើការទាមទារ ដល់រដ្ឋាភិបាលយោធាថៃ ជួយអន្តរាគមន៍​ចំពោះក្រុមហ៊ុនធានារ៉ាប់រង ត្រូវផ្តល់សំណងសមរម្យ ដល់ក្រុមគ្រួសារពលករខ្មែរ ដែលបានស្លាប់​ក្នុងករណី​គ្រោះថ្នាក់​ចរាចរណ៍ ពេលចាប់បញ្ជូនមកកម្ពុជា។


ពលរដ្ឋកម្ពុជានៅក្នុងឡានទ្រុងគ្មានដំបូល ដឹកចេញពីថៃ។ (រូបថតសហការី)

យុត្តិធម៌ - លោក កុយ គួង អ្នកនាំពាក្យក្រសួងការបរទេសកម្ពុជា បានថ្លែងប្រាប់អ្នកសារព័ត៌មានឲ្យដឹង នៅថ្ងៃទី២៧ ខែមិថុនា ឆ្នាំ២០១៤ នេះថា រដ្ឋាភិបាលកម្ពុជា តាមរយៈក្រសួងការបរទេស និងស្ថានទូតកម្ពុជាប្រចាំប្រទេសថៃ នឹង​ទាមទារឲ្យក្រុមហ៊ុនធានារ៉ាប់រង ផ្តល់សំណងសមរម្យ ដល់ក្រុមគ្រួសារពលករខ្មែរ ដែលបានស្លាប់ អំឡុងពេលបញ្ជូន​មកកម្ពុជា។

គួរបញ្ជាក់ថា តាមរបាយការណ៍របស់ក្រសួងមហាផ្ទៃកម្ពុជាបានឲ្យដឹងថា រហូតមកដល់ពេលនេះ មានពលករខ្មែរ​យ៉ាងហោចណាស់ ជាង២៥ម៉ឺននាក់ហើយ ដែលត្រូវបានរដ្ឋាភិបាលយោធាថៃ ចាប់បញ្ជូនមកកម្ពុជាវិញ។ តាម​របាយការណ៍បានឲ្យដឹងទៀតថា ក្នុងនោះមានពលករ យ៉ាងតិច៨នាក់ស្លាប់ និងរបួស១៦នាក់ ក្នុងករណីគ្រោះ​ថ្នាក់​ចរាចរណ៍នៅប្រទេសថៃ។

មុនជួបតំណាងរបបយោធាថ្មីថៃ ដែលនឹងជួបនៅថ្ងៃទី០១ ខែកក្កដា ឆ្នាំ២០១៤ នៅរាជធានីភ្នំពេញ លោកនាយក​រដ្ឋមន្រ្តី ហ៊ុន សែន ថ្មីៗនេះបានថ្លែងថា ជំនួបនឹងផ្តោតសំខាន់ពីបញ្ហា រដ្ឋាភិបាលយោធាថៃ ចាប់បញ្ជូនពលករខ្មែរ ឲ្យវិលមកកម្ពុជាវិញ ប៉ុន្មានសប្តាហ៍មកនេះ។

ពាក់ព័ន្ធបញ្ហានេះលោក សូរិយា ប្រាសាទ ស៊ូប៊ែឌី អ្នករាយការណ៍ពិសេស របស់អង្គការសហប្រជាជាតិប្រចាំកម្ពុជា ស្តីពីបញ្ហាសិទិ្ធមនុស្ស ក្នុងដំណើរទស្សនកិច្ចមកកម្ពុជានៅគ្រាចុងក្រោយនេះ ក៏បានស្នើរដ្ឋាភិបាលយោធាថៃ គប្បី​ស៊ើបអង្កេតការ បញ្ជូនពលករខ្មែរមកកម្ពុជាវិញ ដែលមានអ្នកស្លាប់ និងស្វែងរកហេតុផល នៃការបញ្ជូនពលករ​ខ្មែរ​មកកម្ពុជាវិញ ព្រមទាំងស៊ើបអង្កេតករណីបាញ់សម្លាប់ប្រជាពលរដ្ឋខ្មែរ ក្នុងករណីកាប់ឈើតាមព្រំដែនផងដែរ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...