ជួន សុវណ្ណ ថាឧកញ៉ា ឈាង ប៉ាក់សួរ ថា​ជា​អ្នក​បន្លំ​ឯកសារ​លក់​ដីវត្ត

ស្នងការនគរបាល​រាជធានីភ្នំពេញ​លោក ជួន សុវណ្ណ បានថ្លែងកាន់ជើងម្ចាស់បូរី ប៉េង ហួត សូរិយោដី និងសាលា​រាជធានីភ្នំពេញ ទាក់ទងនឹងជម្លោះដីធ្លីមួយ នៅក្នុងវត្តកោះពោធិវង្ស ថាបើគ្មាន​ប្លង់ទេនោះ ខាងសូរិយោដី​ក៏មិន​វាស់​វែងឲ្យ ហើយសាលាក្រុងក៏មិនចេញច្បាប់ឲ្យសាងសង់នោះដែរ។ ផ្ទុយទៅវិញ លោក ស្នងការរូបនេះ បានអះអាងថា គឺអ្នកដែលបង្កើតឲ្យមានប្លង់កម្មសិទ្ធិនោះទៅវិញទេ ដែលជាអ្នកបង្កើតទំនាស់។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី២៧ មិថុនា ២០១៤
  • កែប្រែចុងក្រោយ: June 27, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ស្នងការនគរបាល​រាជធានីភ្នំពេញ​ លោក ជួន សុវណ្ណ បានថ្លែងកាន់ជើងម្ចាស់បូរី ប៉េង ហួត សូរិយោដី និងសាលា​រាជធានីភ្នំពេញ ទាក់ទងនឹងជម្លោះដីធ្លីមួយ នៅក្នុងវត្តកោះពោធិវង្ស ថាបើគ្មាន​ប្លង់ទេនោះ ខាងសូរិយោដី​ក៏មិន​វាស់​វែងឲ្យ ហើយសាលាក្រុងក៏មិនចេញច្បាប់ឲ្យសាងសង់នោះដែរ។ ផ្ទុយទៅវិញ លោក ស្នងការរូបនេះ បានអះអាងថា គឺអ្នកដែលបង្កើត ឲ្យមានប្លង់កម្មសិទ្ធិនោះទៅវិញទេ ដែលជាអ្នកបង្កើតទំនាស់។


ជំនួបដើម្បីដោះស្រាយជម្លោះដីធ្លីនៅវត្ត កោះពោធិវង្ស។ (រូបថត MONOROOM.info/ O. Vary)

វិបត្តដីសាសនា - ជុំវិញជម្លោះដីធ្លីនៅវត្ត កោះពោធិវង្ស ដែលព្រះចៅអធិការ ព្រះតេជគុណ ពឿយ មេត្តា ទាមទារ​ដាច់ខាត​នូវការវាយកម្ទេចអាគារជាច្រើនល្វែង និងច្រើនជាន់នោះ  អភិបាលរងសាលារាជធានីភ្នំពេញលោក ឃួង ស្រេង ទាំងស្នងការនគរបាលរាជធានីភ្នំពេញលោក ជួន សុវណ្ណ បានចូលខ្លួនមកស្របសម្រួល ពីការទាមទារ​របស់​ព្រះចីអធិការ ដោយជំនួសមកវិញ នូវការដោះដូរទីតាំងដីថ្មីទៅឲ្យវត្ត ឬសាងសង់សំណង់នានាក្នុងវត្តជាដើម។

រីឯជំហររបស់ព្រះតេជគុណ ពឿយ មេត្តា វិញ នៅតែទទូចឲ្យវាយកម្ទេចអាគារទាំងនោះ បើករណីណាម្ចាស់បូរី​មិន​ព្រមប្រគល់ដីនៅជាប់វត្ត ដែលមានទំហំដីស្មើនឹងដីដែលបានបាត់បង់ និងមិនព្រមសាងសង់ផ្លូវចូល រួមទាំង​ក្លោង​ទ្វា​វត្តឡើងវិញនោះទេ។

ជំនួបដោះស្រាយវិបត្តដីវត្តថ្ងៃទី២៧ ខែមិថុនា ឆ្នាំ២០១៤នេះ អាចប្រព្រឹត្តទៅបាន ក្រោយពីមាន ព្រឹត្តិការណ៍​នៃ​ការ​វាយកម្ទេច របងហ៊ុំព័ទ្ធបូរីប៉េងហួត កាលពីព្រឹកថ្ងៃទី១៥ ខែមិថុនា ឆ្នាំ២០១៤ មួយថ្ងៃមុនដំណើរចាកចេញទៅប្រទេស​បង់ក្លាដេស របស់លោក​នាយករដ្ឋមន្រ្តី ហ៊ុន សែន។ ទាំងព្រះចៅអធិការវត្ត ទាំងពុទ្ធបរិស័ទ បានចោទលោកឧកញ៉ា ឈាង ប៉ាក់សូរ និងលោក ជា ខេមា អភិបាលរងខណ្ឌសែនសុខ បានឃុបឃិតគ្នាយកដីវត្ត៣០ម៉ែត្រគុណ១៧០ម៉ែត្រ មក​សាងសង់បូរីលក់សម្រាប់ប្រយោជន៍ផ្ទាល់ខ្លួន។

ដោយមានការគាំទ្រពីលោក ឃួង ស្រេង អភិបាលរងរាជធានីភ្នំពេញនោះផង លោក ជា ខេមា បានបដិសេធចំពោះ​ការចោទ​ប្រកាន់នោះ ថាមិនមានជាប់ពាក់ព័ន្ធ និងកាន់ជើងភាគីក្រុមហ៊ុនឡើយ។ លោកបានបញ្ជាក់ថា លោកធ្វើការ ក្នុងនាមអាជ្ញាធរ ហើយត្រឹមតែជាអ្នកសម្របសម្រូលណ្ណោះ។

សូមទស្សនាវីដេអូ ជំនួបដោះស្រាយវិបត្តិដីវត្តដូចខាងក្រោម៖

វីដេអូផ្សេងទៀត សូមចុចទស្សនា៖ http://monoroom.info/tv

សូមរម្លឹកថា វត្តកោះពោធិវង្សនេះ បានទទួលសេចក្តីសម្រេចពីក្រសួងធម្មការ និងសាសនាឲ្យបើកវត្តនៅឆ្នាំ២០០៦។ មានចំណារជាពីសម្តេចសង្ឃរាជ ទេព វង្ស ពីអតីតអភិបាលរាជធានីលោក កែប ជុតិមា ពីអាជ្ញាធរមូលដ្ឋាន និងការ​ឯកភាព គាំទ្រឲ្យបង្កើតវត្តនេះពីប្រជាពលរដ្ឋជិត៥០០គ្រួសារ។ ដីវត្តដែលបានបាត់បង់នោះចំនួន ៣០ម៉ែត្រគុណ​១៧០ ម៉ែត្រ ក្នុងទំហំដីសរុប១០០ម៉ែត្រគុណ១៧០ម៉ែត្រ និងបាត់ផ្លូវ​ចូលទំហំ១២ម៉ែត្រគុណ២៤៨ម៉ែត្រ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...