All Articles of MONOROOM.info

ហេតុការណ៍ឆាបឆេះ ទាំងពីរករណី ស្ទើរនៅក្នុងថ្ងៃតែមួយនេះ ត្រូវបានប្រភពព័ត៌មាន ប្រាប់ឲ្យដឹងថា ករណី​មួយ​សង្គ្រោះបាន តែករណីមួយទៀត សង្គ្រោះមិនបាន ហើយត្រូវឆេះរហូតអស់ មួយរយភាគរយ។

ហេតុការណ៍ទីមួយ ដែលសង្គ្រោះមិនបាននោះ បានកើតឡើង នៅវេលាម៉ោង០៩ យប់ថ្ងៃទី១៩ ខែកញ្ញា ឆ្នាំ​២០១៥ ទៅលើរោងចក្រសិប្បកម្ម ផលិតគ្រឿងបូជាមួយកន្លែង នៅក្នុងសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

ការឆាបឆេះនេះ បណ្តាលមកពីការឆ្លងចរន្តអគ្គីសនី នៅក្នុងរោងសិប្បកម្ម ដែលក្នុងនោះ គ្មានមនុស្សណាម្នាក់ រងគ្រោះថ្នាក់ដល់ជីវិតនោះទេ តែសម្ភារៈ និងរបស់របរផ្សេងៗ នៅក្នុងរោងចក្រ មិនអាចសង្គ្រោះបានឡើយ។ ប្រភពបញ្ជាក់ថា ភ្លើងបានឆាបឆេះខ្លាំង តាំងពីម៉ោងប្រមាណ៩ យប់ រហូតដល់ម៉ោង ប្រមាណ២ជិតភ្លឺ ថ្ងៃទី២០ ខែកញ្ញា ទើបពន្លត់បានសម្រេច។ ក្នុងនោះ ប្រើប្រាស់ឡានទឹកពន្លត់អគ្គីភ័យ អស់ចំនួន៣២គ្រឿង។

ក្រុមអ្នកនៅក្នុងហេតុការណ៍នេះ [...]

តំណាងគណបក្សប្រជាជនកម្ពុជា អ្នកស្រី គឹម សេដ្ឋានី និងជារដ្ឋលេខាធិការ ក្រសួងអប់រំ យុវជន និងកីឡា បាន​លើកឡើងថា យុវជនម្នាក់ ឬច្រើននាក់ ដើម្បីក្លាយជាយុវជនសកម្មបាន ត្រូវបង្ហាញនូវសកម្មភាពជាក់ស្តែង ដែល​មិនមែនជាការចំណារតតឬ ក្នុងក្រដាសនោះឡើយ។ អ្នកស្រីបានបន្តថា យ៉ាងទៀតយុវជនសកម្មទាំងនោះ មិនអាចពឹងផ្អែក តែលើការបណ្តុះបណ្តាល របស់ក្រសួងអប់រំ តែម្នាក់ឯងនោះដែរ ត្រូវមានការជ្រោមជ្រែង តាម​យុទ្ធសាស្រ្ត និងយន្តការរបស់រដ្ឋាភិបាល ដែលមានការចូលរួម ពីគ្រប់ស្ថាប័ន្ធពាក់ព័ន្ធ គួបផ្សំនឹងការប្រឹង​ប្រែង ដោយយុវជនខ្លួនឯងថែមទៀង។

អ្នកស្រី សេដ្ឋានី បានលើកឡើងថា បច្ចុប្បន្ននេះ រដ្ឋាភិបាលកំពុងដាក់ចេញ នូងផែនការ«គោលនយោបាយ អភិវឌ្ឍន៍​យុវជន» ធ្វើយ៉ាងណា ដើម្បីឲ្យយុវជនទាំងនោះ ក្លាយជាយុវជនដ៏សកម្មពិតប្រាកដ។ អ្នកស្រីបាន​ថ្លែងទៀតថា៖ «មានគោលនយោបាយអភិវឌ្ឍន៍យុវជនហើយ... វាគ្រាន់តែជាក្រដាស វាត្រូវមានយន្តការ អនុវត្ត​គោលនយោបាយ [...]