Posts in ‘យុត្តិធម៌ សណ្ដាប់ធ្នាប់’ Category

នាង គ្រីស្តែន លីនសី (Kristen Lindsey) បានបង្កឲ្យភ្នំភ្លើង ប្រឆាំងនឹងការរើសអើង ចំពោះសត្វផ្ទុះឡើង ហើយ​មនុស្ស​ជាច្រើន ដែលបានឃើញរូបថតរបស់នាង បានផ្ញើរសារព្រមាន ត្រឡប់ទៅនាងវិញយ៉ាងច្រើន។ នោះគឺដោយសារ​តែ​រូបថត របស់នាង បានបង្ហាញពីស្នាមញញឹម កាន់ព្រួញមួយក្បាល ដែលដោតជាប់ ក្នុងក្បាលឆ្មារស្លាប់ មួយក្បាល សម្បុរ​សក្រហម។

នៅជាមួយនឹងរូបថត ដែលនាងបង្ហោះ នៅលើបណ្ដាញសង្គម ស្ត្រីពេទ្យសត្វវ័យក្មេង បានសរសេរថា៖ «ងាប់តាំង​ពី​ព្រួញទីមួយ ឡុល (lol)។ សត្វឆ្មារចង្រៃអញ្ចឹង បានតែមួយព្រួញចំកណ្ដាលក្បាល! ពានរង្វាន់សម្រាប់ពេទ្យសត្វ ប្រចាំឆ្នាំ (...) ដែលគួរឲ្យទទួលបាន ការយល់ព្រម ដោយរីករាយ។» ប៉ុន្តែសំណេរនេះ​ ត្រូវបានលប់ចោល ក្នុងពេលក្រោយមក មុននឹងគណនីហ្វេសប៊ុក របស់នាង គ្រីស្តែន ត្រូវបានបិទ លែងមានដំណើរការទៀត។

ប្រព័ន្ធផ្សព្វផ្សាយ ក្នុងស្រុក បាននិយាយថា ឆ្មារនេះ ជារបស់ប្ដីប្រពន្ធវ័យចំណាស់ម្នាក់ [...]

យុវជន ដេវីដ អាយុ២៦ឆ្នាំ បានចាប់ផ្ដើមរៀបរាប់ ប្រាប់សារព័ត៌មាន 20Minutes របស់ប្រទេសស្វីសថា៖‍ «ក្នុងយន្ដហោះ ខ្ញុំបានអង្គុយ នៅជិតបុរសម្នាក់ ដែលមានមាឌមាំជាងខ្ញុំ។ នៅពេលយន្ដហោះ បានហោះដល់កំពស់ និងមានល្បឿន​ធម្មតា​រួច បុរសនោះ បានសួរខ្ញុំ ក្រែងលោខ្ញុំអាចដាក់ភ្នាក់ដៃ របស់កៅអីរបស់ខ្ញុំ ចុះបាន។»

ប៉ុន្តែរឿងដែលនឹកស្មានមិនដល់ នៅពេលដែល ដេវីដ បានយល់ព្រម ហើយដាក់ភ្នាក់ដៃកៅអីនោះ ចុះ ស្រាប់តែដាវីដ មានអារម្មណ៍ ដូចជាញាក់ទាំងដៃទាំងខ្លួន ហើយដូចជាបានលឺ សម្លេងអ្វីមួយយ៉ាងចម្លែក​។ របៀបនេះ គឺជាសភាព​«ឆក់​ខ្សែរភ្លើង» ហើយអ្នកដែលធ្លាប់ឆក់ ប្រាកដជាដឹង។ តែសំនួរច្បាស់ជាឆ្ងល់ឡើង ថាហេតុអីបាននៅក្នុងយន្ដហោះនេះ មាន​រឿងដ៏ចម្លែកបែបនេះ?

យ៉ាងណា ក៏ ដេវីដ ដឹងភ្លាមដែរថា ប្រាកដជាមិនស្រួល។ ព្រោះការឆក់នេះ បណ្ដាលមកពីប្រអប់ បញ្ជាល្បែង ឬបញ្ជា​ទូរទស្សន៍ របស់យន្ដហោះ នៅនឹងកៅអីរបស់ ដេវីដ បានរបើកផ្នែកផ្លាស្ទីក [...]

ជនសង្ស័យឈ្មោះ ថោង សារ៉ាត់ ក្នុងសម្លៀកបំពាក់ពណ៌ទឹកក្រូច បានបន្តរដំណើររបស់ខ្លួន ដោយមិនខ្វល់នឹង​ការចោទ​សួរ ពីអ្នកសារព័ត៌មានណាម្នាក់ ដូចឪពុកម្តាយ របស់លោកឡើយ។ លោកក៏ត្រូវបានសមត្ថកិច្ច នាំបញ្ចូលក្នុងឡាន ស្លាក​លេខ «ន.ប» ដែលឈប់រង់ចាំ ក្បែរជណ្តើរតុលាការស្រាប់ និងបញ្ជូនទៅឃុំខ្លួន បន្តទៀត នៅពន្ធនាគារ​ព្រៃស​វិញ​ភ្លាម។

ដោយឡែកមេធាវី ការពារក្ដីរបស់លោក ថោង សារ៉ាត់ ដែលមានវត្តមានក្នុងការសាកសួរនោះ ក៏បានព្យាយាមគេចចេញ ពីអ្នកសារព័ត៌មាន និងមិនបានធ្វើអត្ថាធិប្បាយ នៃការសួរដេញដោល របស់តុលាការឡើយ ហើយក៏មិនបានបញ្ជាក់ ពី​ការ​ចោទប្រកាន់ថា យ៉ាងណានោះដែរ។ តែមេធាវីម្នាក់ បានត្រឹមនិយាយថា តុលាការសាកសួរព័ត៌មានបន្ថែម លើ​ព័ត៌មាន​ចាស់ ដែលនៅសេសសល់ប៉ុណ្ណោះ។ សូមបញ្ជាក់ថា មេធាវីការពារលោក ថោង សារ៉ាត់ មានប្រាំរូប រួមមាន លោក គា អ៊ាវ, លោក ឈុន វីនីតា, លោក ស៊ី សត្យា, លោក លឹម វណ្ណា ដែលមានវត្តមាន ក្នុងការសាកសួរ នាថ្ងៃទី២៣ [...]

មកទល់ល្ងាច ថ្ងៃទី២៣ ខែមេសានេះ បើទោះជាសាលាដំបូងរាជធានីភ្នំពេញ បានធ្វើការសាកសួរ ជនជាប់ចោទ ថោង សារ៉ាត់ ជាលើកទីពីរ បន្ទាប់ពីបានចាប់ខ្លួន កាលពីថ្ងៃទី១៦ ខែមេសាមកក៏ដោយ តែលទ្ធផលយ៉ាងណានោះ នៅមិន​ទាន់​ឲ្យដឹង ឬស្ថិតនៅជាអាថ៌កំបាំងនៅឡើយ។

គេសង្កេតឃើញថា «ព័ត៌មាន» នៃសំណុំរឿង បាញ់សម្លាប់លោកឧកញ៉ា អ៊ឹង ម៉េងជឺ នៅកណ្ដាលរាជធានីភ្នំពេញនេះ ហាក់បីដូចជាមានការបិទបាំងច្រើន តាំងពីការចាប់ផ្តើមស៊ើបអង្កេតដំបូង រហូតមកទល់ពេលនេះ។ មិនថាអាជ្ញាធរ​មាន​សមត្ថកិច្ច មេធាវី ឬចៅក្រមស៊ើបសួរឡើយ ពួកគេបានបិទព័ត៌មានយ៉ាងជិត នូវមូលហេតុចំបងៗក្នុងសំនុំរឿង។

ចំពោះមេធាវីការពារក្ដី ឲ្យលោក ថោង សារ៉ាត់ ហាក់ដូចជាមិនចង់បំភ្លឺ ករណីកូនក្តីខ្លួន និងនីតិវិធីរឿងក្តីនៅរបស់​តុលាការ​ឡើយ។ ឯចៅក្រមស៊ើបសួរក្នុងរឿងនេះ ក៏មិនទាន់ប្រាប់នូវចំណុច នៃការចោទប្រកាន់ជាផ្លូវការថា យ៉ាងណា​នោះនៅឡើយដែរ។ ករណីដូចគ្នានេះ បន្ទាប់ពីការចាប់ខ្លួនឪពុកម្តាយលោក ថោង [...]

ដូចការធ្វើអត្ថាធិប្បាយ នៅក្នុងវីដេអូស្រាប់ យុវជន ទ្រី ដាលុច ដែលជាកូន របស់លោកឧកញ៉ា ទ្រី ភាព បានសម្លឹងមើល ដោយក្រសែភ្នែកឌឺដង ដាក់យុវជន ឌួង ឧត្តមឆវិន ហៅ ឌួង ឆាយ ឬ ជ្រូក ដែលជាកូនរបស់លោកឧកញ៉ា ឌួង ងៀប។ សកម្មភាពនេះ បញ្ជាក់ថាយុវជន ទ្រី ដាលុច ទំនងជាបានស្គាល់យុវជន ឌួង ឧត្ដមឆវិន រួចហើយ មុននឹងឈាន ទៅ​សម្លឹង​ឌឺដងគ្នា យ៉ាងដូច្នេះ។

ហេតុការណ៍បន្ទាប់ពីនេះ គេសង្កេតឃើញ ប្រព័ន្ធផ្សព្វផ្សាយ ដែលស្និតនឹងគណបក្សកាន់អំណាចជាច្រើន បានផ្សាយ​អត្ថបទ ឬបង្ហាញរូបភាពជាច្រើន ជារបាយការណ៍របស់អាជ្ញាធរ ក្នុងលក្ខណៈដាក់ទំងន់ ទៅលើតែម្ខាង គឺភាគីយុវជន ឌួង ឧត្តមឆវិន ហៅ ឌួង ឆាយ ឬ ជ្រូក ដូចជាប្រើពាក្យថា យុវជន ឌួង ឆាយ បានដើរចូលមក ដោយមាន«ដំណើរកាង» ឬយុវជននេះ បានសម្លឹងមុខ យុវជន ទ្រី ដាលុច ដើម្បីបង្ករឿងជាដើម។

មិនត្រឹមតែប៉ុណ្ណឹង ប្រព័ន្ធផ្សព្វផ្សាយទាំងនោះ មិនបានចេញផ្សាយឈ្មោះ លោកឧកញ៉ា ទ្រី ភាព សូម្បីតែមួយដងឡើយ [...]