Posts tagged as "Tsunami"

យុវជន «Anthonius Gunawan Agung» អាយុ២១ឆ្នាំ បានពលីជីវិតរបស់ខ្លួន ប្រកបដោយវីរភាព បន្ទាប់ពីបានបំពេញការងាររបស់ខ្លួន រហូតចប់ចុងចប់ដើម នៅខណៈពេល ដែលមានការរញ្ជួយដី ដ៏ខ្លាំងក្លា (កម្រិត ៧,៥រិចឆ្ទ័រ) កាលពីថ្ងៃសុក្រ នៅលើកោះ «Sulawesi ឬជាភាសាបារាំង Célèbes» នៃប្រទេស​ឥណ្ឌូនេស៊ី។

នៅពេលនោះ រាល់បុគ្គលិកទាំងអស់ នៅក្នុងបន្ទប់ត្រួតពិនិត្យការហោះហើរ បានភៀសខ្លួនចេញ ទៅរកទីសុវត្ថិភាព ដែលផ្ទុយពីយុវជនខាងលើ ដែលបដិសេធមិនចាកចេញ រហូតលុះត្រាយន្ដហោះមួយគ្រឿង របស់ក្រុមហ៊ុនអាកាសចរណ៍ «Batik Air» ដែលភ្ជាប់ជើងហោះហើរលេខ «៦២៣១»​ បាន​ហោះ​​ងើបខ្លួន​​ដោយសុវត្ថិភាព ចេញពីព្រលានយន្ដហោះ «Mutiara SIS Al-Jufrie» នៃក្រុង «Palu»។

» បន្ទប់ត្រួតពិនិត្យការហោះហើរ នៅមុនគ្រោះរញ្ជួយដី៖

[...]

បួនថ្ងៃក្រោយគ្រោះរលកយក្ស តុល្យភាពនៅតែបន្តបង្ហាញតួលេខ ធ្ងន់ធ្ងរឡើងៗ។ មនុស្សប្រមាណជា ២០០ ០០០នាក់ កំពុងត្រូវការជំនួយមនុស្សធម៌ជាបន្ទាន់ ខណៈជនរងគ្រោះដល់ជីវិត ត្រូវបានរកឃើញបន្ថែម ជាបន្តបន្ទាប់ ដែលធ្វើឲ្យតុល្យភាព នៅពេលនេះកើនឡើង ដល់ចំនួន ១២៣៤នាក់។ នេះ គេនៅមិនទាន់និយាយដល់ផងទេ ពីជនបាត់ខ្លួនជាច្រើនសិបនាក់ទៀត។

អ្នកភូមិមួយរូប ឈ្មោះ «Muzair» បានថ្លែងប្រាប់ទីភ្នាក់ងារព័ត៌មានបារាំង «AFP» ថា៖ «ក្នុងគ្រួសារខ្ញុំ មានសមាជិកបាត់ខ្លួន ៥នាក់។ ខ្ញុំត្រូវការស្នើទៅរដ្ឋាភិបាល ឲ្យជួយរកពួកគេ។»។

ក្នុងភូមិ «Poboya» ដែលស្ថិតនៅលើតំបន់កូនភ្នំ នៃក្រុង «Palu» ក្រុមអ្នកជួយសង្គ្រោះ ចាប់ដើម្បីបញ្ចុះសពជនរងគ្រោះ ទៅក្នុងរណ្ដៅកប់សពរួមដ៏ធំមួយ ដែលអាចដាក់សពបានរហូតដល់ទៅ ១៣០០០នាក់។ រថយន្ដដឹកសពជាច្រើន បាននាំយកសព ដែលរំដោយកំណាត់ផ្លាស្ទិកពណ៌ទឹកក្រូច ពណ៌លឿង និងពណ៌ខ្មៅ យកមកដាក់នៅទីបញ្ចុះ [...]

រលកសមុទ្រ ដែលមានកំពស់៦ម៉ែត្រ បានបោកបក់ទៅលើតំបន់ឆ្នេរ នៃក្រុង «Palu» ស្ថិតនៅលើកោះ «Sulawesi ឬជាភាសាបារាំង Célèbes» ភាគកណ្ដាល នៃប្រទេសឥណ្ឌូនេស៊ី បន្ទាប់ពីការរញ្ជួយដីដ៏ខ្លាំង ក្នុងកម្រិត ៧,៥រិចឆ្ទ័រ បានកើតឡើង កាលពីថ្ងៃសុក្រម្សិលម៉ិញ។ រហូតមកដល់ព្រឹកថ្ងៃសៅរ៍នេះ តំបន់រងគ្រោះទាំងនេះ នៅទទួលរងការរញ្ជួយដីនេះ នៅឡើយ។

បើតាមតួលេខដែលផ្ដល់ដោយអាជ្ញាធរ ទទួលបន្ទុកគ្រោះធម្មជាតិ របស់ប្រទេសឥណ្ឌូនេស៊ី បានឲ្យដឹងថា មនុស្ស៣៨៤នាក់ បានស្លាប់បាត់បង់ជីវិត។ អ្នកនាំពាក្យរបស់ស្ថាប័ននេះ លោក «Sutopo Purwo Nugroho» បានថ្លែងក្នុងសន្និសីទកាសែត ក្នុងថ្ងៃសៅរ៍នេះថា៖ «នៅពេលដែលមានការគម្រាម ដោយរលកយក្ស កាលពីម្សិលម៉ិញ មនុស្សម្នាកំពុងស្ថិត នៅលើឆ្នេរខ្សាច់នៅឡើយ។ ពួកគេមិនទាន់រត់ ភៀសខ្លួនភ្លាមទេ ហើយក៏រងគ្រោះ ព្រោះរលកយក្សទាំងនោះតែម្ដង។»

បើតាមស្ថាប័នដដែល បានអះអាងថា មនុស្ស៥៤០នាក់ផ្សេងទៀត បានរងរបួស [...]

បុរសអ្នកនេសាទលោក ហ៊ីរ៉ាសាកា ហីរ៉ូស៊ី (Hirasaka Hiroshi) បានបង្កការភ្ញាក់ផ្អើល​យ៉ាងខ្លាំង នៅលើ​បណ្ដាញសង្គម។ ខណៈទូកនេសាទរបស់លោក ស្ថិតនៅចន្លោះកោះជប៉ុន «Hokkaido» និងឆ្នេរ​សមុទ្រនៃ​ប្រទេសរ៉ូស្ស៊ីនោះ លោក ហ៊ីរ៉ាសាកា ហីរ៉ូស៊ី បានចាប់បាន នៅក្នុងសំណាញ់របស់ខ្លួន នូវត្រីសមុទ្រ​ដ៏​ចម្លែក​មួយ។ សត្វត្រីនោះ ដែលមានលក្ខណៈមិនធម្មតា ប្រៀបបាននឹងសត្វមកពីភពដទៃនេះ តាមពិតទៅ ជាសត្វ​ត្រី-ចចកសមុទ្រមួយប្រភេទ។

ការនេសាទបានត្រីនេះ បានធ្វើឡើង តាំងពីចុងខែសីហាកន្លងទៅ ប៉ុន្តែរូបថតរបស់លោក ហ៊ីរ៉ាសាកា ហីរ៉ូស៊ី ទើបនឹងត្រូវបានគេ យកមកចុះផ្សាយ នៅលើបណ្ដាញសង្គម នៅរយៈពេលចុងក្រោយនេះប៉ុណ្ណោះ។ រូប​ភាព​ដែលធ្វើមនុស្សគ្រប់គ្នា បានភ្ញាក់ផ្អើលយ៉ាងខ្លាំង។ នេះបើតាមការអះអាង នៅក្នុងរបាយការណ៍មួយ របស់​សារព័ត៌មានអង់គ្លេស «Daily Telegraph»។ អ្នកខ្លះបានជឿជាក់ថា វាជាលទ្ធផលដ៏អាក្រក់ ដែលកើតចេញ ពីការផ្ទុះរោងចក្រ នុយក្លេអ៊ែរ ហ្វូគូស៊ីម៉ា [...]

ទឹកភ្នែកអ្នកស្រី ចាម៉ាឡា បានរមៀលធ្លាក់នៅតាមកញ្ចក់ទូរទស្សន៍ នៃប្រទេសឥណ្ឌូនេស៊ី ដោយក្ដីរំភើបឥតឧបមា ព្រោះអ្នកស្រីនិងស្វាមីទើបនឹងរកឃើញ ចាន់ណា កូនស្រីពេញជំទង់របស់អ្នកស្រីវិញ ដែលបានបែកព្រាត់ប្រាសគ្នា ក្នុងព្រឹត្តិការណ៍រលកសមុទ្រយក្ស ស៊ូណាមី កាលពីឆ្នាំ២០០៤។

កញ្ញា រ៉ូហាទីល ចាន់ណា (កណ្ដាល) ជួបជាមួយគ្រួសារវិញ។ (រូបថតផ្តិតពីវីដេអូ)

ខ្សែរជីវិត - នៅថ្ងៃទី២៦ ខែវិច្ឆិកា ឆ្នាំ២០០៤ ថ្ងៃដ៏រន្ធត់នៃព្រឹត្តិការណ៍រលកយក្ស ស៊ូណាមី ដែលបានបោកបក់​បំផ្លាញប្រទេសមួយចំនួន នៅអាស៊ីប៉ែកអាគ្នេយ៍ កុមារី រ៉ូហាទីល ចាន់ណា (Raudhatul Jannah) ទើបនឹងមាន​អាយុ​៤ឆ្នាំប៉ុណ្ណោះ។ នាងតូចនិងបងប្រុស ដែលមានអាយុ៧ឆ្នាំ [...]