Posts in ‘នយោបាយ’ Category

ក្រុមអ្នកការទូតបរទេស ដែលមានទីស្នាក់ការនៅទីក្រុងព្យុងយ៉ាង ទំនងជាបានសម្រេចចិត្ត កាលពីថ្ងៃសៅរ៍ទី០៦​ខែមេសា​នេះ ថានឹងបន្តបេសកកម្មការទូតរបស់ខ្លួនទៅទៀត បើទោះជារបបកុម្មុយនីស បានស្នើអោយមានការជម្លៀសពួកគេចេញ យ៉ាងណាក៏ដោយ។

ព្យុះហយាត្រា បង្ហាញពីរថយន្ដបាញ់កាំជ្រួចម៊ីលស៊ីល របស់ប្រទេសកូរ៉េខាងជើង។

ចំណែកឯក្រុងវ៉ាស៊ីនតោនវិញ ក៏ទំនងជាចង់អោយស្ថានភាពស្ងប់ស្ងៀមដែរ ដោយបាន«លើកថ្ងៃ»នៃការសាកល្បង​កាំជ្រួចអន្តរទ្វីបបញ្ជាពីចម្ងាយ ដែលជាធម្មតា បានកំណត់ធ្វើក្នុងរដ្ឋកាលីហ្វ័នីរសប្ដាហ៍ក្រោយ ដោយសារតែភាពតានតឹង​ចេះតែកើនឡើង នៅក្នុងឧបទ្វីបកូរ៉េនេះ។ សូមអានអត្ថបទដែលទាក់ទងនឹងការ«លើកថ្ងៃ»នៃការសាកល្បងកាំជ្រួច របស់អាមេរិក

ដើម្បីកុំអោយទម្ងន់បន្ថែម ទៅលើវិបត្តិដែលកំពុងតែឆេះឆួលស្រាប់ នៅក្នុងឧបទ្វីបកូរ៉េ មន្ទីរប៉ង់តាហ្គោនរបស់អាមេរិក នៅ​ថ្ងៃសៅរ៍ទី០៦ខែមេសានេះ បានសម្រេចលើកថ្ងៃសាកល្បង កាំជ្រួចអន្តរទ្វីបបញ្ជាពីចម្ងាយ ដែលធម្មតា នឹងត្រូវ​កំណត់​ធ្វើ​ក្នុងរដ្ឋកាលីហ្វ័រនី សប្ដាហ៍ក្រោយ។

មេដឹកនាំវ័យក្មេងរបស់កូរ៉េខាងជើង គីម ជុង-អ៊ុន ក្នុងដំណើរត្រួតកងទ័ពជើងគោក របស់ខ្លួន។ រូបថត KNS / Scanpix / AFP។

អាមេរិក បានសម្រេចលើកថ្ងៃសាកល្បង កាំជ្រួចអន្តរទ្វីបបញ្ជាពីចម្ងាយមួយ ដែលត្រូវបានកំណត់ធ្វើនៅក្នុងរដ្ឋកាលីហ្វ័នីរ សប្ដាហ៍ក្រោយ ដោយសារមូលហេតុនៃភាពតានតឹង ដែលបានកំពុងកើតមាន នៅក្នុងបញ្ហានុយក្លេអ៊ែរ​ ជាមួយប្រទេស​កូរ៉េខាងជើង។ នេះជាការអោយដឹងរបស់ អ្នកទទួលខុសត្រូវមួយរូប នៅក្រសួងការពារជាតិអាមេរិក [...]

ប្រមុខតំណាងការទូត នៃបណ្ដាប្រទេសអ៊ឺរ៉ុបដែលមានស្ថានទូតរបស់ខ្លួន ប្រចាំនៅទីក្រុងព្យុងយ៉ាង បានជួបប្រជុំគ្នា​នៅថ្ងៃ​សៅរ៍នេះ ដើម្បីសម្រេចយកនូវ«គោលជំហររួម»មួយ នៅក្រោយពេលដែលកូរ៉េខាងជើង បានជូនដំណឹងមកពួកគេ អោយ​ជម្លៀស​មន្ត្រីការទូតចេញ ចាប់ពីថ្ងៃទី១០ខែមេសាខាងមុខ។ ដោយឡែក សហរដ្ឋអាមេរិកថា មិន«ភ្ញាក់ផ្អើល» តែបាន​ត្រៀមលក្ខណៈ​សំខាន់ៗ​បន្ថែម​ទៀត នៅក្រោយដំណឹងដែលផ្សាយថា កូរ៉េខាងជើង បានបញ្ជូនទៅកាន់តំបន់ឆ្នេរខាងកើត នូវកាំជ្រួចម៊ីលស៊ីល សម្រាប់បាញ់​ក្នុងចម្ងាយមធ្យម នោះមក ។

មេដឹកនាំវ័យក្មេងរបស់កូរ៉េខាងជើង គីម ជុង-អ៊ុន ក្នុងដំណើរត្រួតកងទ័ព ផ្លូវទឹករបស់ខ្លួន។ រូបថត KNS / Scanpix / AFP។

សហរដ្ឋអាមេរិក មិនភ្ញាក់ផ្អើលនឹងឃើញកូរ៉េខាងជើងប្រតិកម្មធ្វើអ្វីមួយ នោះទេ

ប្រទេសកូរ៉េខាងជើង បានប្រាប់ទៅរ៉ូស្សី អោយ«ត្រៀម» ជម្លៀសអ្នកការទូតចេញពីស្ថានទូត នៅថ្ងៃសុក្រនេះ។ ក្នុងថ្ងៃនេះ ដដែល ប្រទេសកុម្មុយនីសបានពង្រាយ កាំជ្រួចចម្ងាយមធ្យមមួយគ្រឿងទៀត នៅឆ្នេរខាងកើតរបស់ខ្លួន និងនិយាយថា បានត្រៀមខ្លួនរួចស្រេច ក្នុងការ«សម្ដែងរិទ្ធ»។

កាំជ្រួចមូស៊ូដង់ របស់ប្រទេសកូរ៉េខាងជើង ក្នុងព្យុះហយាត្រាកងព័ទរបស់ខ្លួន។

អ្នកនាំពាក្យ ស្ថានទូតរ៉ូស្សី ប្រចាំទីក្រុងព្យុងយ៉ាងបានថ្លែងអោយដឹងថា ប្រទេសកូរ៉េខាងជើង បានស្នើសុំអោយរ៉ូស្សី «ត្រៀម» ជម្លៀសអ្នកការទូតចេញពីស្ថានទូត។ លោកឌឺនីស សំសូនូវ (Denis Samsonov) បាននិយាយទៅកាន់ ភ្នាក់ងារ ព័ត៌មានរ៉ូស្សីថា «តំណាងម្នាក់ មកពីក្រសួងការបរទេសកូរ៉េខាងជើង បានស្នើសុំនៅថ្ងៃទី០៥ខែមេសានេះ មកភាគីរ៉ូស្សី [...]