ឪពុកម្តាយ ថោង សារ៉ាត់ ពិតជាត្រូវបានដោះលែងដោយតុលាការ?
បណ្តាមន្ត្រីអង្គការសង្គមស៊ីវិលក្នុងស្រុកមួយចំនួន បានបង្ហាញនូវការមិនពេញចិត្ត បើសិនជាមានការដោះលែង ឪពុកម្តាយលោក ថោង សារ៉ាត់ ពិតមែននោះ។ ក្រុមអង្គការសង្កំស៊ីវិលទាំងនោះ បានយល់ស្របព្រមគ្នា ទាក់ទងនឹងករណីនៃការរក្សាអាវុធជាច្រើនដែល ដែលសុទ្ធសឹងជាអាវុធប្រភេទទំនើប និងស្វ័យប្រវត្តិ ដោយបានថ្លែងឡើងថា បើសិនជាមានការដោះលែងមែននោះ ប្រាកដណាស់ថា តុលាការកម្ពុជាកំពុងស្ថិតក្រោមអំណាច នៃការបញ្ជារពីបុគ្គលមានអំណាច ឬមានអំពើពុករលួយតាមរយៈស៊ី និងសូក។
តាមប្រភពព័ត៌មានមួយ ដែលយកមកចុះផ្សាយ ដោយមជ្ឈមណ្ឌលព័ត៌មានដើមអម្ពិល កាលពីយប់ថ្ងៃទី៦ ខែកុម្ភៈ ម្សិលម៉ិញនេះ បានសរសេរថា ចៅក្រុមស៊ើបអង្កេតសាលាដំបូងរាជធានីភ្នំពេញ លោក លី សុខឡេង បានសម្រេចចេញដីកាដោះលែងលោក ថោង ចំរើន និងអ្នកស្រី កែវ សារី ដែលជាឪពុកម្ដាយ របស់លោក ថោង សារ៉ាត់ ពីពន្ធនាគារទាំងយប់ថ្ងៃទី៦ ខែកុម្ភៈ ឆ្នាំ២០១៥ ដោយមិនដឹងពីមូលហេតុច្បាស់លាស់។
លោក នី ចរិយា [...]