Posts in ‘ស្រាវជ្រាវ អត្ថាធិប្បាយ វិភាគ’ Category

សេចក្ដីប្រកាសរបស់លោក ហ៊ុន សែន ដែលបានថ្លែងថា កូនសិស្ស និស្សិត ជនពិការ និងព្រះសង្ឃ នឹងជិះរថយន្ត​ក្រុងសាធារណៈ ដោយមិនគិតថ្លៃសេវានោះ អាចនឹងផ្ដល់ការលើកទឹកចិត្ត ឲ្យមនុស្សកាន់តែច្រើនឡើង ងាកទៅ​ប្រើ​ប្រាស់មធ្យោបាយដឹកជញ្ជូនសាធារណៈវិញ។ ការថ្លែងនេះ ត្រូវបានធ្វើក្នុងន័យផ្ដល់ក្ដីសង្ឃឹមដែរថា នឹងអាចកាត់​បន្ថយការកកស្ទះចរាចរណ៍ នៅរាជធានីភ្នំពេញបានមួយកម្រិត។ តែសម្រាប់ពលរដ្ឋ និងអ្នកជំនាញមួយចំនួន បាន​យល់ផ្សេង​ពីលោក ហ៊ុន សែន ទៅវិញ។

សេវារថយន្ដក្រុង ដែលបានដាក់ឲ្យប្រើប្រាស់ពេញមួយខែ នៅរាជធានីភ្នំពេញ។ (រូបថត AP)

ចរាចរណ៍ - បញ្ហាដែលសំខាន់បំផុត សួរថា តើការជំរុញ និងការផ្ដល់ទឹកចិត្ត ដើម្បីឲ្យពលរដ្ឋងាកមកប្រើប្រាស់ [...]

ក្នុងគម្រោងជាច្រើនរបស់រដ្ឋាភិបាល ក្នុងការអភិវឌ្ឍន៍រាជធានីភ្នំពេញសព្វថ្ងៃ ដែលរួមមាន ទាំងការកាត់ស្រុក និង​ឃុំខ្លះ ពីខេត្តកណ្ដាល ដើម្បីយកមកដាក់បញ្ចូល និងពង្រីកផ្ទៃកក្រឡាទីក្រុង បានសរអោយឃើញថាចំនួន​ប្រជាជន អ្នករស់នៅ អ្នកធ្វើការ និងអ្នករកទទួលទាន មានចំនួនកាន់តែច្រើនឡើងៗ ពីមួយថ្ងៃទៅមួយថ្ងៃ។

នៅក្រោយពេលប្រទេសកម្ពុជា បានប្រែក្លាយជារាជាណាចក្រប្រកាន់របបទីផ្សារសេរី រាជធានីភ្នំពេញ ក៏បានក្លាយជា កន្លែងប្រមូលផ្ដុំ នូវគ្រប់ស្ថាប័នជាតិ រដ្ឋ ឬឯកជន ហាងលក់ទំនិញ យាន្ដដ្ឋាន ឬឃ្លាំងផ្ទុកទំនិញ សព្វគ្រប់បែបយ៉ាង។ ទាំងនេះហើយ ដែលរាជធានីភ្នំពេញសព្វថ្ងៃ បានកំពុងនឹងប្រឈមយ៉ាងខ្លាំងក្លា នូវបញ្ហាការកកស្ទះចរាចរណ៍ ដែល កើតមានសឹងជារៀងរាល់ថ្ងៃ ជាពិសេសនៅពេលម៉ោងដែលមនុស្សម្នា នាំគ្នាចេញទៅ [...]

គ្រោះថ្នាក់យន្ដហោះចំនួនបីផ្ទួនៗគ្នា នៅចុងខែកក្កដានេះ បានធ្វើឲ្យគេយល់ថា ឆ្នាំ២០១៤នេះ ជាឆ្នាំដ៏ខ្មៅងងឹត នៃ​វិស័យអាកាសចរណ៍ពិភពលោក។ បើគេរាប់ចំនួនជនរងគ្រោះ ដែលបានស្លាប់ នៅក្នុងព្រឹត្តិការណ៍ធ្លាក់យន្ដហោះ ក្នុងឆ្នាំនេះ មានចំនួនដល់ទៅ ៧៦២នាក់។

ផ្សែងត្របាញ់ឡើងលើ ព្រោះយន្ដហោះរបស់អេស៊ីយ៉ាណា អ៊ែរឡាញ ចុះចតមិនស្រួលបណ្ដាលឲ្យឆេះ។

គ្រោះថ្នាក់យន្ដហោះ - គ្រាន់តែនៅក្នុងរវាងមួយសប្ដាហ៍ប៉ុណ្ណោះ គ្រោះថ្នាក់ធ្លាក់យន្ដហោះបីគ្រឿង បានកើត​ឡើង​យ៉ាងរន្ធត់។ នៅថ្ងៃទី១៧ ខែកក្កដា យន្ដហោះនៃជើងហោះហើរ MH17 របស់ក្រុមហ៊ុន ម៉ាឡេស៊ីអ៊ែរឡាញ (Malaysia Airlines) ត្រូវបានបាញ់ទម្លាក់ បណ្ដាលឲ្យមនុស្ស២៩៨នាក់ស្លាប់។ [...]

បើទោះជាការទទួលខុសត្រូវ របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ មិនមាននៅក្នុងហេតុការណ៍ ធ្លាក់​យន្ដហោះ MH17 នៅប្រទេសអ៊ុយក្រែននោះក៏ដោយ តែក្រុមហ៊ុនអាកាសចរណ៍ នៃប្រទេសអាស៊ានមួយនេះ មិន​អាចគេចផុតពីការរិះគន់បានឡើយ ជាពិសេសនៅក្នុងការគ្រប់គ្រងគ្រោះមហន្តរាយទាំងឡាយ របស់ខ្លួន។ បន្ថែមពី​លើនេះ នៅមានជម្រើសយុទ្ធសាស្ត្រ និងគម្រោងផ្លូវហោះហើរនោះទៀត ក៏មានចោទឡើងជាបញ្ហាដែរ។ បូករួម​នឹង​ហេតុការណ៍បាត់ខ្លួន នៃយន្ដហោះ MH370 និងវិបត្តិសេដ្ឋកិច្ចដែលកំពុងរួមរឹតក្រុមហ៊ុននេះស្រាប់ផង អ្នកវិភាគបាន​សម្ដែងការព្រួយបារម្ភថា ម៉ាឡេស៊ីអ៊ែរឡាញ អាចនឹងឈានដល់ទីបញ្ចប់របស់ខ្លួន។

សាច់ញាតិរបស់ជនរងគ្រោះ នៅជិតរូបយន្ដហោះរបស់ក្រុមហ៊ុនម៉ាឡេស៊ីអែឡាញ។ (រូបថត straitstimes.com)

អភ័យឯកសិទ្ធតំណាងរាស្ត្រ - លើក​លែង​តែ​បទ​ល្មើស​ព្រហ្មទណ្ឌ​ជាក់​ស្ដែង ដូច​ជា​«ចោរ​កម្ម បង្ក​របួស​ស្នាម ឃាតកម្ម ឬ​ការ​បំពារ​បំពាន​​ដោយ​​ផ្ទាល់ (ចាប់​រំលោភ ...)» តំណាង​រាស្ត្រ​មួយ​រូប នឹង​មិន​ត្រូវ​បាន​តុលាការ ធ្វើ​ការ​​ចោទ​ប្រកាន់ ឬ​មន្ត្រី​នគរបាល​យុត្តិធម៌ ធ្វើការ​ចាប់​ចង​ស្រេច​នឹង​ចិត្ត​នោះ​ទេ។ ប៉ុន្តែ​​ក្នុង​ករណី​មួយ​ចំនួន ដូច​ជា​​តំណាង​​​រាស្ត្រ​​នោះ មាន​ជាប់​ទាក់​ទង​នឹង​ការ​​រត់​គ្រឿង​ញៀន ឬ​ការ​លាង​សម្អាត​លុយ​កខ្វក់​ជា​ដើម (ដែល​ជា​បទល្មើស​​មិន​ផ្ទាល់) តុលាការ​អាច​បើក​ការ​​ស៊ើប​​អង្កេត ប៉ុន្តែ​នៅ​តែ​មិន​អាច​ចាត់​និតិវិធី ចោទ​ប្រកាន់ ឬ​ចាប់​ចង​តំណាង​​រាស្ត្រ​​រូប​នោះ បាន​ឡើយ។

ច្បាប់រដ្ឋធម្មនុញ្ញ ដែល​ជា​ច្បាប់​កំពូល​របស់​ប្រទេស​កម្ពុជា មាត្រា​៨០ បាន​ចែងថា៖

«តំណាង​រាស្ត្រ មាន​​អភ័យ​ឯកសិទ្ធិ​សភា។ [...]