សម រង្ស៊ី៖ ជនឧក្រិដ្ឋពីរនាក់នេះ អត់ហ៊ានប្ដឹងខ្ញុំរឿង ក៥ ទេ
សង្គ្រាម«ពាក្យសំដី» ដែលអាចផ្ទុះឡើង ខ្លាំងជាងភ្នំភ្លើងផ្ទុះ។ នៅចំពោះការព្រមាន របស់លោកនាយករដ្ឋមន្ត្រី ហ៊ុន សែន ជុំវិញការរឹបអូសទ្រព្យសម្បត្តិ និងការបិតបញ្ចប់ជីវិតនយោបាយ របស់មេដឹកនាំប្រឆាំង នៅក្នុងប្រទេសកម្ពុជានោះ លោក សម រង្ស៊ី នៅតែបន្តសរសេរវាយប្រហារបន្ថែមទៀត ទៅលើលោក ហ៊ុន សែន និងមេដឹកនាំគណបក្សប្រជាជនមួយរូបទៀត គឺលោក ហេង សំរិន ដោយបានហៅមេដឹកនាំទាំងពីររូប ថាជា«ជនឧក្រិដ្ឋ» ដែលមិនហ៊ានប្ដឹងរូបលោក ទាក់ទងនឹងព្រឹត្តិការណ៍ «ផែនការ ក៥ (រវាងពីឆ្នាំ១៩៨៤ មកទល់នឹងឆ្នាំ១៩៨៨)» នោះទេ។ ផ្ទុយទៅវិញ លោក សម រង្ស៊ី បានអះអាងថា លោក ហ៊ុន សែន និងលោក ហេង សំរិន បានប្ដឹងលោក តែពី«រឿងកំប៉ិចកំប៉ុក អត់បានការ»ប៉ុណ្ណោះ។
លោក សម រង្ស៊ី បានសរសេរដូច្នេះ នៅលើទំព័រហ្វេសប៊ុករបស់លោក កាលពីល្ងាចម្សិលម៉ិញ ថា៖ «បន្ទាប់ពីខ្ញុំបានចោទពួកគាត់ថា ជាជនឧក្រិដ្ឋ [...]
