មន្ត្រីសង្គមស៊ីវិល ថាពលរដ្ឋពឹងទូតបរទេស ព្រោះអស់ជំនឿលើតុលាការ (vdo)
បន្ទាប់ពីគ្មានជំនឿចិត្តលើតុលាការ និងទំនុកចិត្តពីរដ្ឋាភិបាលកម្ពុជានោះ ក្រុមជនរងគ្រោះមានតែងាកមករកបណ្តាស្ថានទូតបរទេសមួយចំនួន ដែលតំណាងឲ្យប្រទេសកាន់លទ្ធិប្រជាធិបតេយ្យ ជាប្រទេសមហាអំណាច និងជាប្រទេសម្ចាស់ជំនួយ និងធ្លាប់ជាម្ចាស់ជំនួយរបស់កម្ពុជា ដើម្បីឲ្យស្ថានទូតទាំងនោះប្រើប្រាស់ឥទ្ធិពលរបស់ខ្លួន ឲ្យតុលាការកាត់ក្ដីដោយយុត្តិធម៌វិញ។ នេះជាការថ្លែងឡើងរបស់ ប្រធានផ្នែកបច្ចេកទេសស៊ើបអង្កេត របស់អង្គការការពារសិទ្ធិមនុស្សលីកាដូ លោក អំ សំអាត នៅក្នុងកិច្ចសម្ភាសមួយ ជាមួយអ្នកសារព័ត៌មាន។
លោកបានថ្លែងដូច្នេះ កាលពីព្រឹកថ្ងៃទី១៥ ខែមករា ឆ្នាំ២០១៥នេះ នៅក្នុងឱកាសនៃការប្រមូលគ្នាដាក់ញត្តិរបស់ក្រុមសកម្មជនដីធ្លី ពីសហគមន៍បឹងកក់ បុរីកីឡា និងព្រះសង្ឃប្រមាណជាង១០០នាក់ នៅតាមស្ថានទូតបរទេសចំនួន១០ [...]