Posts in ‘គ្រប់អត្ថបទជាខេមរភាសា’ Category

អាជ្ញាធរអប្សរាមិនបានដាក់គោលការណ៍ ឬ គម្រោងណាមួយ ដើម្បីបំផ្លិចបំផ្លាញ តំបន់អង្គរ ដែលជាព្រលឹង​ជាតិខ្មែរ​នោះ​ទេ គឺមានតែគោលការណ៍អភិរក្ស និងកែលំអរ តាមការសិក្សារបស់អ្នកជំនាញច្បាស់លាស់ មិនមានដូចជាអ្វី ដែលអ្នក​មិន​បានយល់ច្បាស់ពីអង្គរ និយាយនោះទេ។ នេះជាការថ្លែងអះអាង របស់អ្នកស្រី ចៅ ស៊ុនកិរិយា អ្នកនាំពាក្យអាជ្ញាធរ​ជាតិ​អប្សរា ប្រតិកម្មទៅនឹង ពាក្យចចាមអារាមមួយចំនួន ក្នុងពេលកន្លងមកថ្មីៗ ដែលចោទអាជ្ញាធរជាតិមួយនេះ ថាបានលក់​ដូរ វត្ថុមានតម្លៃ នៅក្នុងតំបន់អង្គរ និងមិនបានយកចិត្តទុកដាក់ ក្នុងការអភិរក្ស វត្ថុបុរាណទាំងនោះ ជាមរតកជាតិខ្មែរ។

នៅក្នុងកិច្ចសម្ភាសតាមទូរស័ព្ទ ជាមួយនឹងទស្សនាវដ្តីមនោរម្យ.អាំងហ្វូ កាលថ្ងៃទ២៨ ខែមេសា ឆ្នាំ២០១៥ អ្នកស្រី ចៅ ស៊ុនកិរិយា បានពន្យល់ថា ចំពោះកំណាយ ដែលបានរកឃើញ កាលពីឆ្នាំ២០១២ នៅប្រាសាទតាព្រហ្ម ជាវត្ថុមានតម្លៃ ក្នុង​នោះមានដូចជា ម្កុដ ឬភ្នួងសក់ធ្វើពីមាស [...]

កាលពីរសៀលថ្ងៃទី២៨ ខែមេសាឆ្នាំ២០១៥ ប៉ូលិសប៉ុស្តិ៍នគរបាល រដ្ឋាបាលផ្សារដេប៉ូទី៣ ដែលស្ថិតក្នុងខណ្ឌទួលគោក រាជធានីភ្នំពេញ បានចាប់ខ្លួនជនសង្ស័យ ជាអ្នកប្រព្រឹត្តល្បែងស៊ីសង (បើនិយាយតាមទិដ្ឋភាពច្បាប់) ឬជាមេឆ្នោត​កន្ទុយ​លេខ (បើនិយាយតាមទិដ្ឋភាពជាក់ស្ដែង) ចំនួន១២នាក់ ក្នុងនោះមានស្រ្តី៤នាក់ និងបុរស៨នាក់។

ជនសង្ស័យដំបូងគេ ត្រូវបានស្គាល់ឈ្មោះថា ម៉ាច បច្ចុប្បន្នរស់នៅផ្ទះលេខ ២៧៦ ក្រុមទី៨ ផ្លូវលេខ២២៥ ក្នុង​សង្កាត់​ផ្សារ​ដេប៉ូទី៣ ខណ្ឌទួលគោក រាជធានីភ្នំពេញ។ សមត្ថកិច្ច បានរឹបអូស ពីជនសង្ស័យរូបនេះ នូវប្រាក់ដុល្លា ចំនួន១០០០ដុល្លា លុយខ្មែរ១លានរៀល។  ចំណែកឯអ្នកទាំង១១នាក់ទៀត មិនត្រូវបានឲ្យស្គាល់អត្តសញ្ញាណទេ នៅក្នុងពេលភ្លាមៗ។

ក្រុមមេកន្ទុយលេខឆ្នោតខាងលើ ត្រូវប៉ូលិសប៉ុស្តិ៍ សហការជាមួយមន្ត្រីនគរបាលខណ្ឌ បានបញ្ជូនទៅកាន់​ព្រហ្មទណ្ឌ​រាជធានីភ្នំពេញ ដើម្បីកសាងសុំនុំរឿង បញ្ជូនទៅតុលាការ នារសៀល [...]

«ក្លឹបអ្នកការសែតកម្ពុជា មិនបានភ្លេចទេ ពីបេក្ខភាពនារី។ យើងបានប្រកូសប្រកាស ហើយបានបញ្ចុះបញ្ចូល បេក្ខភាពជា​ស្រ្តីនោះ យ៉ាងច្រើន ដើម្បីឲ្យគាត់ មកជួយឈរឈ្មោះ។ ប៉ុន្តែជាលទ្ធផលយើង គួឲ្យសោកស្តាយ ដោយសារយើង មិន​បាន​ទទួលបេក្ខនារី មកឈរឈ្មោះ ជាសមាជិកគណៈនាយក។» នេះ ជាការលើកឡើងរបស់លោក ប៉ែន បូណា ក្នុងកិច្ច​សម្ភាស ជាមួយអ្នកសារព័ត៌មាន បន្ទាប់ពីលោកជាប់ឆ្នោត ធ្វើជាប្រធានក្លឹបអ្នកកាសែតកម្ពុជា អាណត្តិទីប្រាំ ពីឆ្នាំ២០១៥ ដល់២០១៨។

ថ្លែងកាលពីព្រឹកថ្ងៃទី២៨ ខែមេសា ឆ្នាំ២០១៥ នេះ លោក ប៉ែន បូណា បានសម្ដែងនូវការសោកស្តាយ របស់លោក ចំពោះ​អវត្តមានរបស់ស្រ្តី ក្នុងអាណត្តិទីប្រាំនេះ។ លោកបាននិយាយញថា មុនការបោះឆ្នោតនេះបានមកដល់ ក្រុមការងារលោក បានប្រកាសព័ត៌មាន និងទទូចឲ្យស្រ្តី ដែលជាអ្នកកសារព័ត៌មានទាំងអស់ ចូលរូមដាក់ពាក្យ ដើម្បីឈរឈ្មោះ ជា​បេក្ខភាព​សមាជិក នៃគណកម្មាធិការ នៃក្លឹបអ្នកការសែតកម្ពុជា។ [...]

ជនរងគ្រោះដែលបានស្លាប់ ក្នុងហេតុការណ៍នេះ មានឈ្មោះ យួន ពេទ្យ អាយុ ១៩ ឆ្នាំ ធ្វើការនៅ ទីតាំងកើតហេតុ នៅ​តាម​បណ្តោយ ផ្លូវលេខ៣៧២ ផ្ទះលេខ ៤១២ ភូមិ ទី១០ ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។ ជនរងគ្រោះ បានធ្លាក់ពីសំណង់ ផ្ទះល្វែងជាន់ទី៦ កាលពីវេលា ម៉ោង៩ព្រឹក ថ្ងៃទី២៨ ខែមេសា ឆ្នាំ២០១៥នេះ។ តាម​ការ​ធ្វើកោសល្យវិច័យ របស់នគរបាល បានឲ្យដឹងថា ជនរងគ្រោះបានស្លាប់ភ្លាមៗ នៅនឹងកន្លែងកើតហេតុ ដោយសារដាច់​ខ្សែរក្រវ៉ាត់ សុវត្តិភាព ពេលធ្លាក់មកដល់ដី និងមានដាច់សាច់ដុំដៃខាងស្តាំ និងជង់ជាប់ដែក ខាងក្រោម។

បន្ទាប់ពីមន្ត្រីជំនាញ បានធ្វើកោសល្យវិច័យរួច សាកសពត្រូវបានបញ្ជូន ទៅឲ្យក្រុមគ្រួសារ ដើម្បីយកទៅធ្វើបុណ្យ តាម​ប្រពៃណី នៅភូមិដូនកែវ ឃុំទ្រា ស្រុកសំរោង ខេត្តតាកែវ។

តាមការឲ្យដឹងរបស់លោក យូ ងួន ម្ចាស់ផ្ទះល្វែង ដែលកំពុងសាងសង់នេះ បានឲ្យដឹងថា លោកបានជួល ម៉ៅផ្ទះរបស់​លោកទាំងមូល ឲ្យទៅមេម៉ៅការមួយរូប [...]

ជនសង្ស័យជាចោរដៃឆៅម្នាក់ ត្រូវបានក្រុមសមត្ថកិច្ចខណ្ឌ៧មករា សហការជាមួយនឹង កងរាជអាវុធហត្ថរាធានីភ្នំពេញ ដេញចាប់បាន និងបន្ទាប់មកត្រូវបាន មនុស្សម្នាមហាជន វាយដំយ៉ាងចាស់ដៃ នៅម្តុំផ្សារអូឬស្សី កាលពីរសៀលថ្ងៃទី ២៧ ខែមេសា ឆ្នាំ២០១៥នេះ។ សមត្ថកិច្ចបាននិយាយថា ជនសង្ស័យបានប្លន់ម៉ូតូ Scoopy មួយគ្រឿង ពីយុវតីម្នាក់ កាលពី​វេលា​ម៉ោង៣រសៀល នៅកោះពេជ្រ។ ប៉ុន្តែដោយសារវត្តមាន របស់កម្លាំងនគរបាលនៅទីនោះ ដែលបានធ្វើ​ប្រតិកម្ម​ភ្លាមៗ ជនសង្ស័យបានព្យាយាមរត់គេចខ្លួន។ តែមិនបានសម្រេច ក៏ចាប់នារីរងគ្រោះ ធ្វើជាចំណាប់ខ្មាំង ដើម្បី​គម្រាម​សមត្ថកិច្ច​វិញ។

តែនៅទីបំផុត ជនសង្ស័យត្រូវបានចាប់ខ្លួន កាលពីវេលាម៉ោង ប្រមាណជា៤ និង៣០នាទីរសៀល ថ្ងៃទី២៧ ខែមេសា នៅ​ជិតអតីតរោងភាពយន្តអង្គរ ម្តុំផ្សារអូឬស្សី ស្ថិតក្នុងសង្កាត់អូឬស្សី ខណ្ឌ៧មករា រាជធានីភ្នំពេញ។ សមត្ថកិច្ចខណ្ឌនេះ បាន​ឲ្យដឹងថា ជនសង្ស័យមានឈ្មោះ សឿន សុធា អាយុ២៤ឆ្នាំ [...]