Posts in ‘គ្រប់អត្ថបទជាខេមរភាសា’ Category

ប្រទេសកូរ៉េខាងជើង បាននិយាយសារជាថ្មី នៅថ្ងៃអង្គារទី២៣ខែមេសានេះ ពីការទាមទាររបស់ខ្លួន ដែលចង់អោយមាន​ការទទួលស្គាល់ ថាខ្លួនជាមហាអំណាចនុយក្លេអ៊ែរ ពីសំណាក់សហគមន៍អន្តរជាតិ មុននឹងឈានជើងចូលទៅអង្គុយ​ចរចា​ឡើងវិញ ជាមួយ​នឹងសហរដ្ឋអាមេរិក និងសម្ព័ន្ធមិត្ត។

របបក្រុងព្យុងយ៉ាង បានដាក់ប្រទេសខ្លួន ទៅក្នុង«ស្ថានភាពសង្គ្រាម»។

ទិនានុប្បវត្តិផ្លូវការរបស់ប្រទេសកូរ៉េខាងជើង បានប្រកាសអោយដឹងថា ការចាប់ផ្ដើមអោយមានកិច្ចសន្ទនាឡើងវិញនេះ នឹងត្រូវ«ធ្វើក្នុងនាមរដ្ឋដែលមានអាវុធនុយក្លេអ៊ែរ»ដូចគ្នា ឬបើមិនអញ្ចឹងទេ នឹង«គ្មានការចរចា» ណាមួយទាំងអស់។ ទិនានុប្បវត្តិ​ដដែលបានបន្ថែមថា លក្ខខ័ណ្ឌដែលកំណត់ឲ្យទីក្រុងព្យុងយ៉ាងបោះបង់ចោល នូវគម្រោងនុយក្លេអ៊ែររបស់​ខ្លួន មុនទៅអង្គុយនៅក្នុងតុចរចានោះ [...]

មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) បានចេញសេចក្តីប្រកាសព័ត៌មាន នាថ្ងៃទី២៣នេះ ដើម្បីសម្ពោធ​យុទ្ធនាការ​«សម្លេងសេរីភាព» គាំទ្រសកម្មជនសិទ្ធិដីធ្លី អ្នកស្រី យ៉ោម បុប្ផា ដែលកំពុងជាប់ពន្ធនាគារ និងស្នើសុំឲ្យមានការដោះលែង​ជាបន្ទាន់។

រូបភាពថតពីអេក្រង់នៃគេហទំព័ររបស់មជ្ឈមណ្ឌលសិទ្ធិមនុស្ស។

សេចក្តីប្រកាសព័ត៌មានបន្តថា ប្រជាពលរដ្ឋទាំងអស់ អាចផ្ញើរសារជាសម្លេង ឬហៅតាមទូរសព្ទ័ មកកាន់ ម.ស.ម.ក ដើម្បី​ចូលរួមគាំទ្រអ្នកស្រីយ៉ោម បុប្ផា។ សម្លេង ឬសារទាំងនោះ នឹងត្រូវបានចាក់ផ្សាយ លើរលកធាតុអាកាសវិទ្យុ អែហ្វអឹម ១០៥ វេលាម៉ោង១១.០០ ដល់ម៉ោង១២.០០ថ្ងៃត្រង់ ពីថ្ងៃអង្គារ ដល់ថ្ងៃព្រហស្បតិ៍ រហូតអ្នកស្រីត្រូវបានដោះលែង។

ជាមួយគ្នានេះដែរ ក៏មានការដាក់បង្ហាញផ្ទាំងបដា រាប់ចំនួនថ្ងៃនៃការជាប់ពន្ធនាគារ [...]

កីឡាករប្រធានក្រុម ម៉ែនឆេស្ទើ យូណៃធីត (Manchester United) ផាទ្រិក អេវរ៉ា (Patrice Evra) បានបញ្ចេញកាយវិការ​ឌឺដងឲ្យ កីឡាករ ល្វីស ស្វារែស (Luis Suarez) ដែលជាសត្រូវចាស់របស់ខ្លួន បានឃើញកាលពីយប់ម៉ិញ ដោយធ្វើជា​«ខាំដៃ»ក្លែងក្លាយ។

កីឡាករបារាំង ផាទ្រិក អេវរ៉ា កាន់ដៃក្លែងក្លាយ យកមកខាំ។

ខ្សែការពារអន្តរជាតិបារាំងរូបនេះ បានអបអរសាទរ ពានរង្វាន់ព្រីមែលីក (Premier League) របស់ខ្លួន ខណៈពេលដែល ស្វារែស កំពុងតែជួបរឿងសោកសៅ ដោយការខាំដៃកីឡាករ ប្រែនីស្លាវ អ៊ីវ៉ានូវីក (Branislav Ivanovic) របស់ក្រុមឆែលស៊ី (Chelsea) កាលពីថ្ងៃអាទិត្យ។

រឿងដែលគួរឲ្យអស់សំណើចនេះ បានកើតឡើងបន្ទាប់ពីក្រុម ម៉ែនឆេស្ទើ យូណៃធីត បានប្រកួតឈ្នះក្រុម អាស្តុន វីឡា (Aston Villa) ដោយលទ្ធផល ៣-០ នៅកីឡាដ្ឋាន [...]

ក្រុមបាល់ទាត់បីសាចក្រហម ម៉ែនឆេស្ទើ យូណៃធីត (Manchester United) បានអបអរសាទរនូវពានរង្វាន់ព្រីមែលីក (Premier League) លើកទី២០របស់ខ្លួន បន្ទាប់កីឡាករដែលពាក់អាវលេខ២០ រ៉ូបីន វ៉ាន់ផឺស៊ី (Robin van Persie) ទាត់​បញ្ចូលទីចំនួន ៣គ្រាប់តែម្នាក់ឯង ទៅលើក្រុម អាស្តុន វីឡា (Aston Villa) នៅឯកីឡាដ្ឋាន អូលត្រាហ្វដ (Old Trafford) កាលពីយប់ថ្ងៃច័ន្ទ។

កីឡាករដែលពាក់អាវលេខ២០ រ៉ូបីន វ៉ាន់ផឺស៊ី នៅពេលទាត់បញ្ចូលទីរួច។

គ្រាប់បាល់បញ្ចូលទី ៣គ្រាប់របស់ វ៉ានផឺស៊ី នៅវគ្គទី១ បានធ្វើឲ្យអ្នកគាំទ្រក្រុមបីសាចក្រហម ដែលចូលរួមទស្សនា​ផ្ទាល់​ប្រមាណជា ៧៥០០០នាក់ បានបន្លឺសម្លេងឡើងពេញពហុកីឡាដ្ឋាន។ ពួកគេស្រែក «ឆែមពាន! ឆែមពាន! លេខ២០! លេខ​២០!» ស្របពេលដែលតារាសំណព្វចិត្តរបស់ពួកគេ ដែលពាក់អាវលេខ២០ [...]

ភាពតានតឹងនៃខ្សែបន្ទាត់ព្រំដែនកម្ពុជា -ថៃ នៃប្រាសាទព្រះវិហារ ចេះតែកើតមានជាបន្តបន្ទាប់ ជាពិសេសនៅក្រោយ​ពេល​ដែល ប្រាសាទព្រះវិហារខ្មែរ ត្រូវបានដាក់ចូលទៅក្នុងបញ្ជីបតិកភ័ណ្ឌពិភពលោកនោះមក។ ការរំលោភពីសំណាក់​ប្រទេស​ថៃម្ដងហើយម្ដងទៀត ដែលកម្ពុជាតែងតែត្អូញត្អែរនោះ បានជម្រុញឲ្យប្រទេសដែលជាម្ចាស់ប្រាសាទមួយនេះ ដាក់ពាក្យ​បណ្តឹង ទៅតុលាការយុត្តិធម៌អន្តរជាតិ នៅទីក្រុងឡាអេ ប្រទេសហូឡង់ សុំឲ្យបកស្រាយឡើងវិញនូវសាលក្រមឆ្នាំ១៩៦២ ទាក់ទងនឹងទឹកដីដែលនៅជុំវិញប្រាសាទនេះ។

ប្រាសាទព្រះវិហារខ្មែរ។

សាលក្រមឆ្នាំ១៩៦២ បានបញ្ជាក់ថា ប្រាសាទព្រះវិហារ ស្ថិតនៅលើដែនដីកម្ពុជា ដូច្នេះជាអធិបតេយ្យភាពកម្ពុជា មានន័យ​ស្មើនឹង ប្រាសាទព្រះវិហារនៅលើទឹកដីកម្ពុជា ដែលបានកំណត់ជាមូលដ្ឋាន ដោយផែនទីឧបសម្ព័ន្ធ១ [...]