Posts in ‘គ្រប់អត្ថបទជាខេមរភាសា’ Category

បណ្តាញទំនាក់ទំនងសង្គមដ៏ធំ ហ្វេសប៊ុក (Facebook) បានធ្វើការកែប្រែប្រភេទកម្មវិធីទំនាក់ទំនងសង្គមដ៏ល្បីរបស់ខ្លួន ដែលមានឈ្មោះថា ហ្វេសប៊ុក ម៉េស៊ីងចឺ (Facebook Messenger) ឬប្រព័ន្ធ «ផ្ញើរសារដោយផ្ទាល់» ឡើងដល់ស៊េរី ២.៤ ហើយ សម្រាប់ប្រភេទទូរស័ព្ទ អាយហ្វូន (iPhone) និងអាយផដ (iPod) របស់ក្រុមហ៊ុន អ័បផល (Apple)។

កម្មវិធី«ផ្ញើរសារដោយផ្ទាល់» នៅលើអាយហ្វូន។

ក្រុមហ៊ុនបានដាក់ឲ្យប្រើប្រាស់ជាផ្លូវការ នូវជំនាន់ថ្មីនេះ កាលពីថ្ងៃច័ន្ទ ទី០៧ ខែឧសភា។ ម៉េស៊ិងចឺ ២.៤ នេះ អាចដំណើរ​ការកាន់តែរលូនជាងមុន បន្ទាប់ពីមានការកែប្រែនូវកំហុសឆ្គងមួយចំនួន នៅលើជំនាន់ចាស់។

ជាមួយនឹងកំណែប្រែមួយចំនួនថ្មីនេះ វារឹតតែផ្តល់ភាពទាក់ទាញ ជាមួយនឹងរូបភាពស្អាតៗ ដែលបង្ហាញពីអារម្មណ៏ និង​ពាក្យពេចន៏របស់អ្នក [...]

នាយករដ្ឋមន្ត្រីកម្ពុជា លោកហ៊ុន សែន ដែលកាន់តំណែងនេះតាំងពីឆ្នាំ១៩៨៥មកនោះ បានប្រកាសសារជាថ្មី ស្ដីពីអាយុ​ចូលនិវត្តន៍របស់លោក ដែលទំនងជាផ្ដល់ក្ដីសង្ឃឹមកាន់តែតិចទៅៗ ទៅក្រុមប្រឆាំង។ បន្ទាប់ពីបានប្រកាសពីពេលមុនថា លោកនឹងចូលនិវត្តន៍នៅអាយុ៩០នោះមក លោកទើបនឹងបានប្រកាសសាជាថ្មីថា លោកនឹងនៅកាន់តំណែងនេះ រហូត​អាយុ៧៤ឆ្នាំ។

លោក ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។

«អាយុ៣២ ខ្ញុំធ្វើជានាយករដ្ឋមន្ត្រី។ អញ្ចឹងខ្ញុំធ្វើពីក្មេង ដល់ឥឡូវខ្ញុំមានទាល់ចាស់ពីអង្កាល គ្រាន់តែធ្វើយូរទេតើ ហើយ​ធ្វើយូរ វាមានទៅទាស់ខុសអី?» នេះជាពាក្យសម្ដីរបស់លោកហ៊ុន សែន បុរសខ្លាំងរបស់ប្រទេសកម្ពុជា នៅក្នុងពិធីបើក​ការដ្ឋានសាងសង់កំណាត់ផ្លូវជាតិ លេខ ៨៨ ក្រោមហិរញ្ញប្បទានរបស់ប្រទេសចិន [...]

ភ្នំពេញ៖ គ.ជ.ប បានចេញនូវសេចក្តីប្រកាសព័ត៌មាន ជាផ្លូវការមួយ ច្រានចោលនូវសំណើរ របស់សង្គមស៊ីវិល ដែលស្នើរ​សុំឲ្យមានការ«បិទផ្សាយបញ្ជីឈ្មោះបោះឆ្នោតនៅតាមភូមិ» កាលពីថ្ងៃទី៦ ខែមេសា ម្សិលម៉ិញនេះ។ សេចក្តីប្រកាស​ព័ត៌មាន បានលើកឡើងថា ការបិទផ្សាយបញ្ជីឈ្មោះបោះឆ្នោត នៅតាមភូមិ មិនអាចធ្វើបានទេ ព្រោះច្បាប់ បទបញ្ជា និង​នីតិវិធី មិនបានចែងពីការបិទផ្សាយបញ្ជីឈ្មោះបោះឆ្នោតនៅតាមភូមិនោះទេ។

រូបចម្លងពីអេក្រង់របស់គេហទំព័រគ.ជ.ប.។

ចំពោះបញ្ហាដែលគ.ជ.ប លើកឡើងខាងលើនេះ ប្រធានមជ្ឈមណ្ឌល ប្រជាពលរដ្ឋដើម្បីអភិវឌ្ឍន៍ និងសន្តិភាព(PDP) លោក យង់ គឹមអេង បានបញ្ជាក់មកវិញថា ទាំងនេះមិនមែន ជាមួលហេតុនោះទេ តែអ្វីដែលសំខាន់នោះ « តើគ.ជ.ប ចង់​ធ្វើឬអត់?»។ លោកបន្តថា គ.ជ.ប ចង់បង្ហាញខ្លួនឯងថា៖ « មានអំណាច បដិសេធ ចេះតែបដិសេធ [...]

ក្រុមបាល់ទាត់លីវើភូល (Liverpool) បានរាយការណ៏ថា ពួកគេសម្រេចចិត្តឲ្យកីឡាករប្រធានក្រុម ស្តេវ៉ិន ចឺរ៉ាដ (Steven Gerrard) ទៅធ្វើការវះកាត់របួសស្មា ជាជាងពន្យាពេលតទៅទៀត ព្រោះអាចនឹងប៉ះពាល់ដល់ការប្រកួតសំខាន់ៗ នៅរដូវ​កាលក្រោយ។

កីឡាករ ស្តេវ៉ិន ចឺរ៉ាដ ប្រធានក្រុមកីឡាករ របស់ក្រុមលីវើភូល។

ចឺរ៉ាដ បានទ្រាំនឹងការឈឺចាប់របួសស្មានេះ ជាច្រើនខែមកហើយ ប៉ុន្តែគាត់តែងតែចង់ពន្យាពេលការវះកាត់ ឲ្យដល់រដូវក្តៅ ដោយសារតែរបួសរបស់គាត់ មានសភាព មិនជាធ្ងន់ធ្ងរប៉ុន្មានផងនោះ។

កាសែតអង់គ្លេស ដឹសាន់ (The Sun) បានរាយការណ៏ថា បន្ទាប់ពីប្រកួត មឺសីសាយ ដឺប៊ី (Merseyside derby) ស្មើគ្នា ខណៈ​ដែលក្រុមហង្សក្រហម មិនអាចរកគ្រាប់បានក្នុងទឹកដីខ្លួនឯងនោះ លោកគ្រូបង្វឹក ប្រេដិន រ៉ដចឺ (Brendan Rodgers) [...]

វាជារឿងគួរឲ្យអស់សំណើចមួយ របស់កីឡាករក្រុម អេស៊ី មីឡាន (AC Milan) ខណៈដែលកីឡាករមួយរូប បានឆក់យក​កាត់លឿង ពីដៃអាជ្ញាកណ្តាល ទៅពិន័យមិត្តរួមក្រុមរបស់ខ្លួនឯង។

កីឡាករខ្សែប្រយុទ្ធ ម៉ារីយ៉ូ បាឡូតេលី នៅពេលទទួលកាតលឿងពីអាជ្ញាកណ្ដាលរួច។

ហេតុការណ៏នោះ បានកើតឡើង ខណៈពេលដែល ក្រុមយក្សរបស់អ៊ីតាលី អេស៊ី មីឡាន បានប្រកួតឈ្នះក្រុម តូរីណូ (Torino) ដោយលទ្ធផល ១-០ កាលពីថ្ងៃអាទិត្យ កន្លងទៅ។

កីឡាករខ្សែប្រយុទ្ធ ម៉ារីយ៉ូ បាឡូតេលី (Mario Balotelli) បានទាត់បាល់បញ្ចូលទីនៅវគ្គទី២ ចំនួន ១គ្រាប់គត់ ហើយក៏​គ្រាប់បាល់ជ័យជំនះ ជួយឲ្យក្រុម អេស៊ី មីឡាន ទទួលបាន ៣ពិន្ទុទៀតដែរ។

បន្ទាប់ពីទាត់បាល់បញ្ចូលទី បាឡូតេលី មានក្តីរីករាយយ៉ាងខ្លាំង ហើយគាត់បានអបអរ ដោយការដោះអាវចេញពីខ្លួន។ ហើយនរណាៗ [...]