ទារកអាយុ១០ខែ ត្រូវបង្ខំឲ្យស្រោចទឹកកកពីលើ ដើម្បីចូលរួម Ice Bucket Challenge
តើយុទ្ធនាការ «Ice Bucket Challenge» កំពុងធ្វើដំណើរទៅហួសព្រំដែនរបស់វាឬ? នៅក្នុងប្រទេសកម្ពុជា មនុស្សមួយចំនួនបានគិតថា និមិត្តរូបនៃការចាក់ទឹកនេះ អាចជាការខ្ជះខ្ជាយមួយ។ ហើយមនុស្សមួយចំនួនទៀត ដែលមិនសូវជា«បរទេសនិយម» ក៏បានច្រានចោលនូវយុទ្ធនាការ ដែលកំពុងបង្អើលពិភពលោក ឲ្យធ្វើតាមគ្នាតៗនោះដែរ។
ដោយឡែក លោក រ៉ឺជី ស្តេវ៉ា (Reggie Stewart) ជនជាតិអាមេរិកាំងមកពីរដ្ឋតិចសាស បានបង្ហោះតាំងពីប៉ុន្មានថ្ងៃហើយ នូវវីដេអូមួយនៅលើបណ្ដាញសង្គមហ្វេសប៊ុក ដោយបានបង្ហាញឲ្យឃើញថា លោកបានចាក់ទឹកកកយ៉ាងត្រជាក់ ពីក្នុងធុងដ៏ធំមួយ ស្រោចទៅលើចៅស្រីរបស់លោក ដែលទើបនឹងមានអាយុ១០ខែប៉ុណ្ណោះ។ បើទោះជាលោកបានអះអាងថា លោកបានធ្វើនៅក្នុងរង្វង់ នៃយុទ្ធនាការ «Ice Bucket Challenge» នេះក៏ដោយ តែទង្វើរបស់លោក បានបង្កឲ្យផ្ទុះជាសង្គ្រាមសម្ដីឡើង ពីសំណាក់អ្នកប្រើប្រាស់បណ្ដាញសង្គម។
លោក រ៉ឺជី ស្តេវ៉ា អាចជាសកម្មជនមិនចេះរាថយមួយ [...]
