នៅចំពោះការទាត់បញ្ចូលទី ដែលទាត់ដោយកីឡាករអន្តរជាតិ គ្រីស្ទៀណាដូ រ៉ូណាល់ដូ (Cristiano Ronaldo) តើ​អ្នក​ចាំទីណាមួយ ដែលថាមិនព្រឺរោមនោះ? តែនៅក្នុងវីដេអូនេះ អ្នកនឹងយល់ ពីថ្វីជើងដ៏អស្ចារ្យមួយទៀត របស់កីឡាករ​មកពីប្រទេសព័រទុយហ្គាលរូបនេះ ... តែជាកីឡាករ គ្រីស្ទៀណាដូ រ៉ូណាល់ដូ ម្នាក់ផ្សេងទៀត!!!

រូបផ្តិតពីវីដេអូ បង្ហាញពីកីឡាករអន្តរជាតិដ៏ល្បី គ្រីស្ទៀណាដូ រ៉ូណាល់ដូ។

ពីនេះពីនោះ - បើនិយាយពីការទាត់បញ្ចូលទី កំពូលកីឡាករបាល់ទាត់ គ្រីស្ទៀណាដូ រ៉ូណាល់ដូ ធ្លាប់សម្រេចថ្វីជើង របស់ខ្លួន ដោយទាត់ទម្លាយសំណាញ់របស់គូរប្រកួត រាប់រយគ្រាប់រួចមកហើយ។ ប៉ុន្តែនៅលើកនេះ តារាសម្ដែង 3D នៃកីឡាករអន្តរជាតិ របស់ប្រទេសព័រទុយហ្គាល់ម្នាក់នេះ បានធ្វើឲ្យឃើញកាន់តែអស្ចារ្យ នូវការទាត់បញ្ចូលទី​ដ៏ខ្លាំង​ថែមទៀត។

វីដេអូនេះ ត្រូវបានផលិតឡើង ដើម្បីជាស្ប៉តផ្សាយពាណិជ្ជកម្មឲ្យក្រុមហ៊ុនសម្ភារៈកីឡា ណៃឃី (Nike) ដោយយក​តួអង្គនៃកីឡាករដ៏ល្បី មកសម្ដែងជារូបភាព 3D មានចលនា មកទាត់បាល់ពិន័យ នៅពីមុនរបាំងការពារ (ជារូប​តំណាងឲ្យកីឡាករប្រជែង) ចំនួន៤របាំង។ ប៉ុន្តែថ្វីជើងដ៏អស្ចារ្យរបស់តួសម្ដែងមួយនេះ បានទាត់បាល់កោង​បញ្ឆិត​ពីខាងស្ដាំ រួចបង្ហួសមកខាងឆ្វេងវិញ មុននឹងចូលទៅទម្លាយរបាំងការពារមួយទៀត របស់អ្នកចាំទី។

តាមពិតទៅ វាជាសំណាងរបស់អ្នកចាំទីទាំងឡាយ ដែលកីឡាករ គ្រីស្ទៀណាដូ រ៉ូណាល់ដូ មែនទែន នៅមិនទាន់​មាន​សមត្ថភាព អាចទាត់បញ្ចូលទីដូចនេះបាននៅឡើយ៕

ទស្សនាវីដេអូ៖