Posts in ‘អត្ថបទមានវីដេអូ’ Category

បាតុភូតធម្មជាតិមួយនេះ មានលក្ខណៈគួរឲ្យចាប់អារម្មណ៍ណាស់។ អន្លង់ទឹកគួចមួយ ទើបនឹងពន្លេច​ខ្លួន​ឡើង នៅក្នុងបឹង តិសូម៉ាូ ដែលមានទីតាំងស្ថិតនៅលើព្រំប្រទល់ រវាងរដ្ឋអូក្លាអូម៉ា និងរដ្ឋតិចសាស សហរដ្ឋ​អាមេរិក។

វីដេអូខាងលើ ដែលត្រូវបានដាក់បង្ហោះលើ យូធូប និងថត ដោយក្រុមវិស្វកម្ម នៃកងទ័ពអាមេរិកនោះ បាន​បង្ហញថា អន្លង់ទឹកគួចមានអង្កត់ផ្ចិតប្រមាណជា ២,៥ម៉ែត្រ។ បើតាមអ្នកជំនាញ បាននិយាយថា អន្លង់​ទឹក​គួចនេះ មានកម្លាំងខ្លាំងណាស់ រហូតមានលទ្ធភាពអាចស្រូបយកនាវាតូចមួយបាន។ ដោយសារតែ​ហេតុនេះ​ហើយ ទើបអាជ្ញាធរបានបង្កើតឡើង នូវតំបន់ហាមឃាត់មួយ នៅជុំវិញអន្លង់នោះ ដើម្បីការពារឲ្យ​នរណា​ម្នាក់ ឬទូកកាណូតណាមួយ អាចចូលទៅជិតបាន។

បើតាមបុគ្គលិករក្សាបឹង ដែលត្រូវបានស្រង់សម្ដី ដោយ«Business Insider» បានឲ្យដឹងថា៖ «អន្លង់នេះ​កើត​ឡើង ដូចអ្នកបង្ហូទឹកចេញ ពីចានងូតទឹកមួយ ដែលមានទឹកពេញអញ្ចឹង»។ បុគ្គលិករូបនោះ បានពន្យល់ថា [...]

បើដកដាវចេញ មកសួររកស្នេហ៍ ដូចនៅក្នុងភាពយន្ដកាប់ដាវ នោះមិនជាអ្វីទេ។ តែនេះ ជាការដកដាវចេញ ដើម្បីយកមកកាប់ឪឡឹក។ មហាបុរស កំពូលក្បាច់គុនម្នាក់នេះ ឈ្មោះ អាលី បានដកដាវកោង ចេញពីស្រោម ដើម្បីបង្ហាញសន្ធឹកដាវមរណៈ ដែលខ្លួនបានហាត់ ជាយូរណាស់មកហើយ ទៅលើផ្លែឪឡឹកមួយ។

ជាការប៉ាន់ស្មានមួយដែលខុស ព្រោះនៅក្នុងភាពយន្ដកាប់ដាវ គេមិនដាក់តុធ្វើពីកញ្ចក់ នៅពីក្រោមផ្លែឪឡឹក ដូច្នេះទេ។ ករណីនេះ អាចបណ្ដាល មកពីប្រតិកម្មវិជ្ជាគុន ឬបណ្ដាលមកពីនរណាម្នាក់ យកខ្លាញ់មក​លាប​ពី​លើ​ផ្លៃឪឡឹក ព្រោះមួយដាវរបស់មហាបុរស អាលី ដែលមានពាក់អាវ «Like a Boss (ដូចអ្នកជំនាញ)» បានរអិល ជ្រុល​ទៅកាប់តុកញ្ចក់ បែកខ្ចាត់ខ្ចាយ!

វីដេអូនេះ ត្រូវបានយកមកបង្ហោះ ដាក់នៅលើគេហទំព័រ ចែករំលែកវីដេអូ យូធូប កាលពីថ្ងៃទី២៧ ខែមិថុនា កន្លង​មកនេះ ហើយមានអ្នកចុចចូលមកទស្សនា ជាង១លានដងហើយ៕

នាង រេដា អាលហ្វូលី (Reda al-Fouly) ត្រូវបានឃាត់ខ្លួនកាលពីថ្ងៃទី២៥ ខែឧសភាកន្លងទៅ ប៉ុន្មានថ្ងៃ​បន្ទាប់​ពីវីដេអូឃ្លីបមួយ ត្រូវបានបង្ហោះ នៅលើគេហទំព័រ ចែករំលែកយូធូប ដែលមានចំណងជើងថា៖ «Seeb Idy (មានជាខេមរភាសាថា ទុកដៃខ្ញុំឲ្យធ្វើ)»។ នៅក្នុងវីដេអូនោះ នាង អាលហ្វូលី បានរាំ ជាមួយនឹង​សម្លៀក​បំពាក់​អាវរ៉ូបដ៏ខ្លី បញ្ចេញគល់សុដន់ យ៉ាងទ្រលុកទ្រលន់ ខណៈមានរូបភាពជាច្រើន បានថតយកតែដើមទ្រូង និង​ដង​ជើងរបស់នាង មកធ្វើការកាត់ត។

អ្នករាំរូបនេះ ត្រូវបានតុលាការនៃរដ្ឋធានី កែរ ប្រទេសអេហ្សីប ផ្ដន្ទាទោស ពីបទ«បានបង្កភាពត្រេកត្រអាល» ដោយសារការបញ្ចេញសាច់ នៅក្នុងឃ្លីបមួយនេះ។ នេះបើតាមការបញ្ជាក់ របស់អ្នកទទួលខុសត្រូវមួយរូប នៃតុលាការ ប្រាប់មកអ្នកសារព័ត៌មាន។ យ៉ាងណាក៏ដោយ ក៏នាង អាលហ្វូលី នៅមានសិទ្ធិនឹងធ្វើការប្ដឹង​ឧទ្ទរណ៍ ទៅតុលាការជាន់ខ្ពស់ជាបន្តទៀត។

សម្រាប់សមិទ្ធិករ ដែលផលិតវីដេអូ លោក វ៉ាអែល អេលសេដេគី (Wael [...]