Posts in ‘សម្រាំងជាខេមរភាសា’ Category

ការប្រលងជាប់ ទទួលបានជ័យលាភី ជាបវរកញ្ញា នៅឆ្នាំនេះ បានបញ្ចប់ទៅ ក្រោមការតិះទៀន រិះគន់ និងចំងល់ច្រើន​រាប់មិនអស់។ យុវតី អារីយ៉ាណា មីយ៉ាម៉ូតូ ទើបនឹងត្រូវបានជាប់ជាបវរកញ្ញា ប្រចាំប្រទេសជប៉ុន ហើយកំពុងត្រៀមខ្លួន ទៅប្រលងបវរកញ្ញាចក្រវាឡ ឆ្នាំ២០១៥ បន្តទៀត។ សម្រាប់ប្រទេសជាច្រើនផ្សេងទៀតក្នុងលោក ប្រហែលជាមិន​ជា​ចាប់អារម្មណ៍ប៉ុន្មាន ឬទំនងជាស្ងើចសរសើរ ពីសម្រស់ស្ត្រីមួយរូប ដែលត្រូវតំណាង ឲ្យសម្ផស្សឲ្យស្ត្រី ក្នុងប្រទេស​នោះ បាន​ចេញ​ទៅប្រលងជាមួយនឹងបេក្ខនារី នៃប្រទេសដទៃទៀត។

ប៉ុន្តែ នៅជប៉ុន គំនិតជាតិនិយម ឬការស្រឡាញ់តែជាតិសាសន៍ខ្លួន នៅតែចាក់ឫសនៅឡើយ។ ជាពិសេស យុវតីកូន​កាត់ អាយុ២០ ដែលមានម្ដាយជាតិជប៉ុន និងឪពុកជាតិអាមេរិកាំងស្បែកខ្មៅម្នាក់ មិនត្រូវបានបណ្ដាជនជប៉ុន គិតថា​ជា​ពលរដ្ឋ​ពិសេស មានវប្បធម៌ដល់ទៅពីរនោះទេ តែនាងគឺជាផ្ទាំងស៊ីបមួយ សម្រាប់ការរិះគន់ ក្រោមពាក្យហៅថា «ជប៉ុន​មិន​ជប៉ុន» [...]

ដោយមានការសម្របសម្រួល ពីលោក សយ សុភាព នាយកមជ្ឈមណ្ឌលព័ត៌មានដើមអម្ពិល បានធ្វើឲ្យមានការជួបគ្នា លើតុប្រជុំ ក្នុងនាមជាអ្នកទទួលយក ការស្រុះស្រួលគ្នារៀងៗខ្លួន។ ក្នុងការប្រជុំ នៅរសៀលថ្ងៃទី១៦ខែមិនា ឆ្នាំ២០១៥​នេះ មានតំណាងសមាគម រួមគ្នាអភិវឌ្ឃន៍កម្ពុជា លោក ឯ សុភាស់ តំណាងសមាគម សេដ្ឋកិច្ចក្រៅប្រព័ន្ធ លោក វ៉ន ពៅ  អភិបាលខណ្ឌដូនពេញ លោក គួច ចំរើន និងអ្នកសម្របសម្រួល លោក សយ សុភាព។ អ្នកចូលរួមទាំង​អស់​ខាង​លើ បានលើកឡើង ពីបញ្ហា ដែលបានកើតទាំងអស់ ដោយបើកចំហ។

ប្រធានសមាគមសេដ្ឋកិច្ចក្រៅប្រព័ន្ធ លោក វ៉ន ពៅ បានលើកឡើងថា លោកមិនដែលចង់បង្កបញ្ហាទាំងនេះឡើងទេ ដូចដែលបានឃើញស្រាប់ ព្រោះលោក តែងតែឲ្យសមាជិករបស់ខ្លួនចាកចេញ នៅពេលដែលដឹងថា ប្រុងនឹងមាន​ជម្លោះ​កើតឡើង។ ព្រោះលោកមិនចង់ ឲ្យភាគីខាងណាមួយ មើលមុខគ្នាមិនចំនោះទេ ព្រោះសុទ្ធតែជាខ្មែរដូចគ្នា។ លោក​បញ្ជាក់ថា ជម្លោះទាំងនេះ កើតចេញពីសមាជិក និងសមាជិកបញ្ចើចបញ្ចើដាក់គ្នា [...]

តើអ្នកមានសម្ភារៈល្មមៗ ត្រឹមតែម៉ូតូមួយគ្រឿង ខ្សែរក ឬទូរស័ព្ទ ដែលរស់នៅក្នុងរាជធានីភ្នំពេញ នឹងត្រូវនៅតែក្នុង​ផ្ទះ​រហូត ឬយ៉ាងណា? ចម្លើយខ្លីបំផុត ហើយស្រួលយល់ទៀត៖ ទេ! គ្រាន់តែនៅពេលចេញក្រៅ ត្រូវយ៉ាងហោច​មាន​អង្គរក្ស ឆ្វេងស្ដាំ ដើម្បីតាមការពារ និងបន្លាចគេឯងផង! ព្រោះបើមិនអញ្ចឹងទេ មិនដឹងថា តើយប់ស្អែក ឬខានស្អែក នឹង​ដល់វេន ប៉ះចំលើនរណាទៀតឡើយ។

ករណីប្លន់ ឬសង្ស័យថា ជាករណីប្លន់ យ៉ាងហោចចំនួន៣បានកើតឡើង នៅក្នុងថ្ងៃទី១៧ ខែមីនា ម្សិលម៉ិញនេះ។ ករណី​ទីមួយ បានកើតឡើង កាល​ពី​​វេ​លា​​ម៉ោង ២​​និង​៣​០ នា​ទី រំ​ល​ង​អ​ធ្រា​ត្រថ្ងៃទី១៦ ឈា​ន​ចូល​​ថ្ងៃ​ទី​​១៧ ខែ​មី​នានេះ ទៅ​លើ​មនុស្សមួយក្រុម ដែលមានគ្នាដល់ទៅ៤នាក់ ជិះម៉ូតូស្គូពី ពីរគ្រឿង នៅតាមបណ្តោយ​ផ្លូវ​លេខ​១៤១ ស្ថិតក្នុង​សង្កាត់ ​បឹង​ព្រលិត ខណ្ឌ​៧​មករា​។​ ជន​រងគ្រោះទាំងបួន ប្រុសម្នាក់ និងស្រីបីនាក់ ដែល​ត្រឡប់មកពី​ដើរលេង នៅ​កោះ​ពេជ្រ​វិញ មកដល់​មុខផ្ទះ [...]

ក្នុងប្រទេសថៃឥឡូវនេះ មិនមែនឲ្យតែមានសាច់ពីរដុំ ដ៏ទ្រលុកទ្រលន់ អាចបញ្ចេញស្រេចនឹងចិត្តបានទេ ជា​ពិសេស​ការបញ្ចេញសាច់ មួយកំណាត់ខាងក្រោម។ ព្រោះពួកនាងៗស៊ិចស៊ីទាំងនោះ អាចប្រឈមមុខ ជាទោសរហូតដល់៥ឆ្នាំ នៅក្នុងពន្ធនាគារ ប្រសិនបើរដ្ឋាភិបាលយោធាថៃ រកឃើញថា ពួកនាងបានថតបង្ហាញ ពីសាច់សុដន់មួយកំណាត់ ខាង​ក្រោម បង្ហោះនៅលើបណ្តាញសង្គម។ នេះគឺជាការប្រមានរបស់

រដ្ឋាភិបាលយោធា របស់ប្រទេសដែលល្បីល្បាញ ខាងទេសចរណ៍មួយនេះ បានប្រកាសព្រមានយ៉ាងដូច្នេះ កាលពី​ពេល​ថ្មីៗ បន្ទាប់ពីការថតបែបនេះ ចេះតែមានចំនួនច្រើនឡើងៗ ហាក់បានក្លាយជា កាយវិការកំពុងពេញនិយម នៅក្នុង​ចំណោមយុវតីក្មេងៗ។

អាជ្ញាធរថៃបានចាត់ទុកថា ទង្វើនៃការថតរូប បង្ហាញពីសាច់សុដន់មួយកំណាត់ក្រោម ជារឿងមិនសមរម្យ ខុសទៅនឹង​ប្រពៃណីថៃ។ ស្ត្រីល្មើស នឹងប្រឈមនឹងការចាប់ខ្លួន យកមកកាត់ទោស ក្រោមច្បាប់ព្រហ្មទណ្ឌ ដែលចែងទាក់ទង នឹង​វិស័យវិទ្យាសាស្ត្រ កុំព្យូទ័រ ដ៏តឹងរ៉ឹងបំផុត [...]

តើវត្ថុនេះ ពិតជាគ្រឿងប្រដាប់ប្រដា របស់យន្ដហោះប៊ូអីង (Boeing 777) ដែលបានបាត់ខ្លួន តាំងពីជាងមួយឆ្នាំមកនោះ មែនឬ? វត្ថុនោះ ជាកន្សែងជូតដៃ របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ ដែលបានអណ្ដែងមកទើរ នៅលើ​ឆ្នេរភាគខាងលិច នៃកោះអូស្ត្រាលី។

វត្ថុនេះ ត្រូវបានរកឃើញ ដោយពីរនាក់ប្ដីប្រពន្ធចូលនិវត្តន៍មួយគូ ខណៈពេលដែលអ្នកទាំងពីរ បានដើរកំសាន្ដ នៅលើ​ឆ្នេរ នៃទីក្រុង សែវេន (Cervantes)។ អ្នកទាំងពីរបានទូរស័ព្ទហៅនគរបាល ឲ្យមកយករបស់នេះភ្លាម ដើម្បីធ្វើការ​វិភាគ។ បើតាមស្ថានីយទូរទស្សន៍  9news ក្នុងស្រុក ដែលបានរាយការណ៍ ពីហេតុការណ៍នេះ បានយោងតាមការ​បញ្ជាក់​របស់អ្នកជំនាញ ហើយថ្លែងពន្យល់ថា វាអាច​ជា​កំណាត់ជូតដៃ របស់យន្ដហោះ MH370 ដែលអណ្ដែត​ច្រើន​សិប​ថ្ងៃខែ នៅលើផ្ទៃមហាសមុទ្រ ឥណ្ឌា មុននឹងមកទើរ នៅលើទីឆ្នេរ នៃប្រទេសអូស្ត្រាលីនេះ។

សម្រាប់អ្នកស៊ើបអង្កេតវិញ ស្ថិតក្នុងសភាពស្ងាត់ស្ងៀមនៅឡើយ ប៉ុន្តែបាននិយាយ [...]