រដ្ឋាភិបាល​ថៃ​ព្រមាន​ចាប់​ស្ត្រី​ដែល​ថត​បង្ហាញ ពី​សុដន់​មួយ​កំណាត់​ក្រោម

ដោយការថតបង្ហាញ ពីសាច់សុដន់ មួយកំណាត់ក្រោម នៅក្នុងប្រទេសថៃ កាន់តែទទួលបាន នូវការពេញនិយម ពីក្រុមនារីទាំងឡាយនោះ រដ្ឋាភិបាលយោធាថៃ បានប្រកាសព្រមានចាប់ខ្លួន នារីទាំងឡាយណា ដែលហ៊ានថតមិនសមរម្យទាំងនោះ បង្ហោះនៅក្នុងបណ្តាញសង្គម។
Loading...
  • ដោយ: ប្រាថ្នា ដោយ៖ប្រាថ្នា ([email protected]) -ភ្នំពេញថ្ងៃទី១៧ មីនា ២០១៥
  • កែប្រែចុងក្រោយ: March 17, 2015
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

ក្នុងប្រទេសថៃឥឡូវនេះ មិនមែនឲ្យតែមានសាច់ពីរដុំ ដ៏ទ្រលុកទ្រលន់ អាចបញ្ចេញស្រេចនឹងចិត្តបានទេ ជា​ពិសេស​ការបញ្ចេញសាច់ មួយកំណាត់ខាងក្រោម។ ព្រោះពួកនាងៗស៊ិចស៊ីទាំងនោះ អាចប្រឈមមុខ ជាទោសរហូតដល់៥ឆ្នាំ នៅក្នុងពន្ធនាគារ ប្រសិនបើរដ្ឋាភិបាលយោធាថៃ រកឃើញថា ពួកនាងបានថតបង្ហាញ ពីសាច់សុដន់មួយកំណាត់ ខាង​ក្រោម បង្ហោះនៅលើបណ្តាញសង្គម។ នេះគឺជាការប្រមានរបស់

រដ្ឋាភិបាលយោធា របស់ប្រទេសដែលល្បីល្បាញ ខាងទេសចរណ៍មួយនេះ បានប្រកាសព្រមានយ៉ាងដូច្នេះ កាលពី​ពេល​ថ្មីៗ បន្ទាប់ពីការថតបែបនេះ ចេះតែមានចំនួនច្រើនឡើងៗ ហាក់បានក្លាយជា កាយវិការកំពុងពេញនិយម នៅក្នុង​ចំណោមយុវតីក្មេងៗ។

អាជ្ញាធរថៃបានចាត់ទុកថា ទង្វើនៃការថតរូប បង្ហាញពីសាច់សុដន់មួយកំណាត់ក្រោម ជារឿងមិនសមរម្យ ខុសទៅនឹង​ប្រពៃណីថៃ។ ស្ត្រីល្មើស នឹងប្រឈមនឹងការចាប់ខ្លួន យកមកកាត់ទោស ក្រោមច្បាប់ព្រហ្មទណ្ឌ ដែលចែងទាក់ទង នឹង​វិស័យវិទ្យាសាស្ត្រ កុំព្យូទ័រ ដ៏តឹងរ៉ឹងបំផុត របស់ប្រទេស។

អ្នកនាំពាក្យក្រសួងវប្បធម៌ របស់ប្រទេសថៃ លោកអានាន់ដា ឈូឆូទី (Anandha Chouchoti) បានប្រាប់សារព័ត៌មាន រ៉យធើរ (Reuters) ថា៖ «នារីទាំងនោះ បានថតរូប បង្ហាញផ្នែកខាងក្រោមនៃ សុដន់ តែមិនបានបង្ហាញមុខពួក​គេនោះ​ទេ ដូច្នេះ អ្នកផ្សេងទៀត មិនបានដឹងថា តើនោះ គឺជារូបរបស់អ្នកណាឡើយ ដែលនេះ វាបានជំរុញឱ្យនារីឯទៀត ធ្វើ​តាម។ ដូច្នេះពួកយើង មានតែប្រឹងប្រែង ហាមឃាត់ និងព្រមាន ទៅដល់នារីទាំងអស់ កុំឲ្យធ្វើបែបនេះទៀត ព្រោះវាជា​ទង្វើ​មួយ មិនសមរម្យ»។

លោក បន្តថា៖ «ខ្ញុំសុំមិនបង្ហាញ អំពីវិធី ដែលរដ្ឋាភិបាលអាចរកឃើញថា តើអ្នកណាដែលបានថតបែបនេះខ្លះ ហើយ​រូបថតនោះ ជារបស់អ្នកណាខ្លះ តែខ្ញុំអាចប្រាប់បានថា អ្នកដែលធ្វើ ទង្វើមិនសមរម្យនេះ អាចនឹងជាប់ពន្ធនាគារ ចាប់ពី​៥ឆ្នាំឡើងទៅ»។

ការថតរូបពាក់កណ្តាលទ្រូង បង្ហោះរូបភាពលើបណ្តាញសង្គម បានក្លាយជាល្បែងកំសាន្ត ដ៏ពេញនិយមកាន់តែខ្លាំង នៅ​ក្នុងប្រទេសអាស៊ីភាគខាងកើត ភាគខាងត្បូង ជាពិសេសប្រទេសថៃ។ ការថតរូប បញ្ចេញសាច់ខាងក្រោម នៃ​សុដន់ ត្រូវបានមហាជនទូទៅ ធ្វើការរិះគន់យ៉ាងចាស់ដៃ និងបានចាត់ទុកថា ទង្វើនេះ គឺជាការចម្លងវប្បធម៍ ពី​បរទេស។ ជាពិសេសក្រុមអ្នករិះគន់ថៃ បានលើកឡើងថា ការថតរូបបែបនេះ វាបានធ្វើឲ្យប៉ះពាល់យ៉ាងខ្លាំង ដល់តម្លៃ​នៃ​ប្រពៃណី និងទំនៀមទំលាប់របស់ប្រទេសថៃ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...