Posts by "ក. សោភណ្ឌ"

ហេតុការណ៍ដ៏សោកសង្រេងនេះ បានកើតឡើង កាលពីវេលាម៉ោង៩ និង៥០នាទីព្រឹក ថ្ងៃទី០៤ ខែកញ្ញា ឆ្នាំ​២០១៥ នៅភូមិឈូក ឃុំសន្លុង ស្រុកខ្សាច់កណ្តាល ខេត្តកណ្តាល។ ក្មេងប្រុសរងគ្រោះឈ្មោះ ណាត វណ្ណៈ អាយុ២ឆ្នាំ បានស្លាប់ នៅពេលកំពុងបង្ហោះខ្លែងលេង នៅក្រោយភូមិ រួចរត់ភ្លេចខ្លួន ជ្រុលជើងធ្លាក់ចូល ក្នុង​ស្រះទឺកនៅទីនោះ បណ្តាលឱ្យលង់ទឹកស្លាប់ភ្លាម មួយរំពេច។

ឪពុកក្មេងរងគ្រោះ លោក ថា ណាត អាយុ៣១ឆ្នាំ ដែលមានមុខរបរ ជាកម្មកសំណង់ និងម្តាយឈ្មោះ ថេង មេត្តា អាយុ២៦ឆ្នាំ ដែលជាកម្មកររោងចក្រ រស់នៅភូមិឃុំ កើតហេតុខាងខាងលើ មិនបាននៅកន្លែង​កើត​ហេតុ​ទេ ពេលកូនរបស់ខ្លូនមានគ្រោះថ្នាក់ ដោយអ្នកទាំងពីរ ទៅបំពេញការងារដូចរាល់ដង ហើយបានផ្ញើរ​កូន​ប្រុស ជាមួយយាយតានៅផ្ទះ។ ក្រោយពីធ្លាក់ចូល ក្នុងទឹកស្រះភ្លាម មានក្មេងៗពីនាក់ បានរត់ទៅប្រាប់អ្នក​ភូមិ​ថា មានក្មេងលង់ទឹកស្រះ។ ប៉ុន្តែបានហួសពេលទៅហើយ ព្រោះទម្រាំអ្នកភូមិ បាននាំគ្នាចុះទៅរាវរកនោះ [...]

ហេតុការណ៍ភ្ញាក់ផ្អើល បានកើតឡើង កាលពីវេលាម៉ោង ៤ និង៣០ នាទីទៀបភ្លឺថ្ងៃទី ០៤ ខែកញ្ញា ឆ្នាំ២០១៥ នៅតាមបណ្តោយផ្លូវ២០០៥ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ នោះ គឺស្ត្រីម្នាក់ បាន​សម្រាល​បុត្រ នៅលើរ៉ឺម៉កកង់បីមួយ យ៉ាងអណោចអធ័ម។ ទារកតូច ដែលទើបនឹងកើត ត្រូវអ្នកម្តាយប្រាប់ថា ជា​កូនស្រី ហើយនេះជាកូនទីបី សម្រាប់អ្នកស្រី ជាមួយនឹងស្វាមី ដែលជាកម្មករសំណង់ រកព្រឹកខ្វះល្ងាច។ បន្ទាប់​ពីដឹង ពីហេតុការណ៍នេះ អ្នកដំណើរនៅជិតរ៉ឺមកកង់បី បានរូតរះជួយស្រ្តីជាម្តាយ យកទៅសង្គ្រោះភ្លាមៗ នៅ​មណ្ឌល​សុខភាព ទឹកថ្លា។

តាមប្រសាសន៍ របស់អនុប្រធានមណ្ឌលសុខភាពទឹកថ្លា លោក ប៉ាន ជ្រឹង ប្រាប់នៅថ្ងៃទី០៤ ខែកញ្ញានេះថា ស្ត្រីជាម្តាយ និងទារកដែលទើបនឹងកើត បានឆ្លងផុតពីគ្រោះថ្នាក់ហើយ នៅក្នុងពេលនេះ។ លោកថា អ្វីជាបញ្ហា គឺគ្រួសារដែលមាន តែពីរនាក់ប្ដីប្រពន្ធនេះ គ្មានប្រាក់ សម្រាប់បង់ថ្លៃសេវា មើលសុខភាពឡើយ សូម្បីតែសេវា​សម្រាល [...]

ហេតុការណ៍បានកើតឡើង នៅវេលាយប់រំលងអាធ្រាត ថ្ងៃទី០២ ចូលមកថ្ងៃទី០៣ ខែកញ្ញានេះ ក្នុងភូមិ​ទួលគោក សង្កាត់ទួលសង្កែរ ខណ្ឌឬស្សីកែវ រាជធានីភ្នំពេញ។ បុរសម្នាក់ ឈ្មោះ ប៉ុន ថន អាយុ២៦ឆ្នាំ និង​មាន​ស្រុក​កំណើត នៅខេត្តកំពង់ចាម បានសម្រេចចិត្តបញ្ចប់ជីវិតខ្លួនឯង បន្ទាប់ពីមានទំនាស់ ជាមួយភរិយា​ខ្លួន​បន្តិចបន្តួច។

ស្រ្តីជាប្រពន្ធ អ្នកស្រី សែម ថេង ដែលធ្វើការជាមួយប្ដី ជាកម្មករផលិតជីធម្មជាតិដូចគ្នានោះ បានប្រាប់​ទស្សនាវដ្តី​មនោរម្យ.អាំងហ្វូថា ដំបូងឡើយប្តីអ្នកស្រី និងក្រុមកម្មករផ្សេងទៀត ប្រមាណ៣នាក់ កំពុងស៊ី​ផឹក​នៅក្នុងរោងចក្រ ជិតកន្លែងស្នាក់នៅ ព្រោះជាថ្ងៃបើកប្រាក់ខែ។ ក្រោយពីផឹកស៊ីបន្តិចបន្តួចនេះ នាងជាប្រពន្ធ បានមកតាមប្តី នៅកំឡុងម៉ោងប្រមាណ ជា២៤យប់  ឱ្យចូលសម្រាក ព្រោះយប់ជ្រៅហើយ។ អ្នកស្រី បាន​និយាយ​ថា៖ «ឈប់ផឹកស្រា ល្មមចូលដេក ហើយបង»។

ក្រោយពីប្រពន្ធមកហៅ លោក ប៉ុន ថន មិនបានទៅ [...]

ករណីប្លន់ប្រដាប់អាវុធនេះ បានកើតឡើង នៅវេលាម៉ោង២៣ និង៣០នាទី យប់ថ្ងៃទី ០១ ខែកញ្ញាឆ្នាំ២០១៥ នៅសង្កាត់ស្ទឺងមានជ័យ ខណ្ឌមានជ័យ រាជធានីភ្នំពេញ ត្រង់ចំណុចខាងលិចស្ពានអាកាស ស្ទឺងមានជ័យ តាមបណ្តោយផ្លូវមុន្នីរ៉េត។ តាមប្រភពព័ត៍មាន ពីយុវជនរងគ្រោះបានប្រាប់ឱ្យដឹងថា ខ្លួនមានឈ្មោះ សៀ សុខឡេង អាយុ២១ឆ្នាំ ជានិស្សិតស្នាក់នៅសង្កាត់ស្ទឺងមានជ័យ ខណ្ឌមានជ័យ រាជធានីភ្នំពេញ។

ជនរងគ្រោះបានរៀបរាប់ថា មុនពេលកើតហេតុ ខ្លូនបានជិះម៉ូតូមួយ គ្រឿងម៉ាក់ហុងដា MSX១២៥ ស្លាក​លេខ​ភ្នំពេញ១CO-៧៣៥២ ធ្វើដំណើរ ពីទួលសង្កែរមកផ្ទះ។ នៅពេលជនរងគ្រោះ ជិះម៉ូតូជិតដល់ផ្ទះរបស់ខ្លួន ស្រាប់​តែលេចមុខក្រុមចោរ ០៤នាក់ចេញមក ដែលកំពុងជិះម៉ូតូ២គ្រឿង ធ្វើសកម្មភាពភ្ជង់កាំភ្លើង ប្លន់​យក​ម៉ូតូ​របស់ខ្លួន។ ជនរងគ្រោះ ដែលគ្មានអ្វីតតាំងបាន នៅពេលឃើញកាំភ្លើងភ្ជង់បែបនេះ ក៏បានប្រគល់ម៉ូតូរបស់ខ្លូន ឱ្យ​ក្រុមចោរតាមសម្រួល។

ក្រោយពីកើតហេតុ យុវជនរងគ្រោះ [...]

ការផ្លាស់ប្ដូរទម្លាប់មនុស្ស មិនជាពិបាកប៉ុន្មានទេ។ តែការផ្លាស់ប្ដូរផ្នត់គំនិត ទើបជាការលំបាក ជាពិសេស​នៅ​ពេលដែលគ្រប់គ្នា តែងតែគិតថា នៅចិញ្ចើមថ្នល់ ក៏ជាផ្នែកមួយ ឬជាកម្មសិទ្ធិ នៃលំនៅដ្ឋាន ឬ​ការិយាល័យ​របស់ខ្លួនដែរ​នោះ។ ការហួងហែង យកចិញ្ចើមផ្លូវ ជាកម្មសិទ្ធិផ្ទាល់ខ្លួននេះ បានបង្កឲ្យមានការកក​ស្ទះយ៉ាង​ច្រើន សម្រាប់​ការធ្វើចរាចរណ៍ ក្នុងដងផ្លូវមួយចំនួន នារាជធានីភ្នំពេញ។

ដោយសារហេតុផល សណ្ដាប់ធ្នាប់សាធារណៈនេះហើយ ទើបអាជ្ញាធរខណ្ឌដូនពេញ ដឹកនាំដោយលោក គួច ចំរើន អភិបាលខណ្ឌ បានចុះធ្វើការ បង្ក្រាបអ្នកយកចិញ្ចើមថ្នល់ មកធ្វើអាជីវកម្ម កាលពីព្រឹកថ្ងៃទី០២ ខែកញ្ញា​ឆ្នាំ២០១៥ កន្លងទៅនេះ។ នេះជាអ្វី ដែលគេអាចដឹងបាន នៅលើគណនីហ្វេសប៊ុកផ្ទាល់ខ្លួន របស់លោក។

ក្នុងឱកាសនោះ លោក គួច ចំរើន បានសរសេរឲ្យដឹងថា៖ «ការប្រើប្រាស់ចិញ្ចើមថ្នល់ នៅមានស្ថានភាព​ស្មុគ​ស្មាញ​នៅឡើយុ។ ខ្លះប្រើសម្រាប់ ចតមធ្យោបាយ [...]