Posts by "ដ. កែវ"

សម្រាប់អាជ្ញាធរកម្ពុជា ការផ្ដល់ដំណឹងមួយ ដែលទទួលបានពីគណបក្សប្រឆាំង គឺជាការ«ផ្សាយព័ត៌មានបំផ្លើស និងបំប៉ោងតួលេខ»។ មូលហេតុអ្វី? ព្រោះអ្នកសារព័ត៌មានពីររូប របស់វិទ្យុអាស៊ីសេរី គឺលោក ហួត វុទ្ធី ហៅ ជុន ច័ន្ទបុត្រ និងលោក ថា កិត្យា (អ្នករាយការណ៍ផ្ទាល់កន្លែង) បានរាយការណ៍បន្ត ពីការលើកឡើង របស់គណបក្សសង្គ្រោះជាតិ ដែលថា សមាជិក និងអ្នកគាំទ្ររបស់គណបក្សនេះ បានចូលរួមដង្ហែ​ក្បួនឃោសនាបញ្ចប់ ក្នុងរាជធានីភ្នំពេញ កាលពីថ្ងៃម្សិលម៉ិញ មានចំនួន៥០ម៉ឺននាក់ (ស្មើនឹងកន្លះលាននាក់)។

ការលើកឡើងខាងលើនេះ ក៏ត្រូវបានអ្នករាយការណ៍ព័ត៌មាន នៅផ្ទាល់កន្លែង របស់ទស្សនាវដ្ដីមនោរម្យ.អាំងហ្វូ បញ្ជាក់អះអាងកាលពីម្សិលម៉ិញដែរ ដូចមានផ្សាយ នៅក្នុងអត្ថបទ៖ «ឃោសនា​បញ្ចប់៖ CPP អះអាង​ពី​ចំនួន​១៥ម៉ឺន ខណៈ CNRP លើក​ឡើង​ពី៥០ម៉ឺន»។

នៅកម្ពុជា មន្ត្រីប្រព្រឹត្តិល្មើស ទទួលរង្វាន់? លោក គ្រី ស៊ាងឡុង អតីត​មន្ត្រីក្រសួងអប់រំ យុវជន និងកីឡា និងជាតំណាងឲ្យកម្ពុជា ដែលបានប្រព្រឹត្តិការបៀតបៀនកេរ្ដិ៍ខ្មាស់ លើស្ត្រីអ្នកបកប្រែជាតិកូរ៉េម្នាក់ នៅក្នុងវេទិកា​ស្ដីពី​ការ​អភិវឌ្ឍ​ធនធាន​មនុស្ស​ អាស៊ាន​បូក​ ៣ ​នៅក្នុងប្រទេស​កូរ៉េ​ខាង​ត្បូង ​កាលពី​ឆ្នាំ​មុន​នោះ ត្រូវបានដំឡើងឋានៈ ពី​គ្រូបង្រៀន​កម្រិត​ឧត្តម​ដើម​ខ្សែ ​ថ្នាក់​លេខ​ ២ ​មក​គ្រូបង្រៀន​កម្រិត​ឧត្តម​ដើមខ្សែ ​ថ្នាក់​លេខ​ ១។ នេះបើតាងអនុក្រឹត្យ​ មួយ​ចុះ​ហត្ថលេខា ​ដោយ​លោក​នាយក​រដ្ឋមន្ត្រី ហ៊ុន សែន ចុះ​ថ្ងៃ​ទី​ ២២ មីនា ឆ្នាំ២០១៧ ដែលទើបនឹងធ្លាក់មកដល់ដៃអ្នកសារព័ត៌មាន កាលពីប៉ុន្មានថ្ងៃមុននេះ។

បន្ទាប់ពីផ្ទុះរឿងអាស្រូវ ដែលធ្វើឲ្យក្រសួង ចេញលិខិតប្រកាសព័ត៌មានដ៏ច្របូកច្របល់ កាលពីអំឡុង​ពេលនោះ លោក គ្រី ស៊ាងឡុង [...]

បើគ្រាន់តែ ដើម្បី​រក្សាសណ្ដាប់ធ្នាប់​សាធារណៈ លោក ហ៊ុន សែន បានព្រមានថា លោកសុខចិត្តឲ្យ​«សង្គ្រាម​ផ្ទុះ​ក៏​ផ្ទុះ​ទៅ​ចុះ» តែ​លោក​នឹងមិនសុខចិត្ត ឲ្យចលនាពលរដ្ឋ ដែលមាននិន្នាការប្រឆាំង ប្រព្រឹត្តិនូវ​អំពើ​ខុស​ច្បាប់ ដូច​ជា​ការ​«ដុតឡាន» ឬ​ការ​រារាំង​«ពលរដ្ឋ មិន​ឲ្យ​បោះ​ឆ្នោត» នោះ​ឡើយ។ នាយក​រដ្ឋមន្ត្រី​កម្ពុជា ដែល​មាន​អតីតភាព ជា​ទាហាន​ខ្មែរ​ក្រហម និង​ជា​ជន​កុម្មុយនីស ស្និត​នឹង​ប្រទេសវៀតណាម បានថ្លែង​ដូច្នេះ នៅព្រឹក​ថ្ងៃ​ទី១០ ខែ​ឧសភា​នេះ ក្នុងពិធី​អបអរសាទរ​​ខួប​១០ឆ្នាំ នៃទិវាអតីត​​យុទ្ធជនកម្ពុជា ដែល​​ធ្វើ​​ឡើង​ នៅ​​មជ្ឈ​មណ្ឌល​​​សន្និបាត និង​​ពិព័រណ៍​​កោះ​​ពេជ្រ កណ្ដាល​រាជធានី​ភ្នំពេញ។

នៅចំពោះអតីត​យោធិន​ជាច្រើន​រយ​នាក់ លោក ហ៊ុន សែន បានប្រើប្រាស់​ពេល​ជាច្រើន​ម៉ោង ក្នុង​នាម​ជា​នាយក​រដ្ឋមន្ត្រី និ​ងជា​អគ្គមេ​បញ្ជាការ​កងទ័ពជាតិ ដើម្បីរៀបរាប់​ពីគុណសម្បត្តិ នៃការដឹកនាំ​ច្រើន​​ទសវត្សន៍ របស់លោក [...]

ប្រទេសបារាំងមានប្រធានាធិបតីថ្មី គឺលោក អេម៉ានុយអែល ម៉ាក្រុង (Emmanuel Macron) ដែលនឹងមកជំនួស​តំណែងលោក ហ្វ្រង់ស៊័រ ហូឡង់ (François Hollande) ប្រធានាធិបតីផុតអាណត្តិ។ លោក ម៉ាក្រុង បេក្ខជននិយមកណ្ដាល មកពីគណបក្ស «En Marche!» ទទួលបានសម្លេង ៦៥,៥% ឈ្នះដាច់ពីលើអ្នកស្រី ម៉ារីន ឡឺពេន (Marine Le Pen) បេក្ខនារីស្ដាំនិយមជ្រុល មកពីគណបក្ស «Front National» ដែលទទួលបានសម្លេង ៣៤,៥% នៅក្នុងការបោះឆ្នោត ជ្រើសតាំងប្រធានាធិបតី ជុំទី២ ថ្ងៃទី៧ ខែឧសភានេះ។

បើតាមវិទ្យាស្ថានស្ទង់មតិ «Elabe» បានឲ្យដឹងថា អាត្រាពលរដ្ឋបារាំង ដែលមិនបានមកចូលរួមបោះឆ្នោត មានចំនួនដល់ទៅ ២៥,៨% ដែលបង្ហាញឲ្យឃើញ ពីការថយចុះ នូវចំនួនអាត្រា នៃអ្នកចូលរួមបោះឆ្នោត ក្នុងអាណត្តិនេះ បើប្រៀបធៀប​ទៅនឹងការបោះឆ្នោត ឆ្នាំ២០១២។ ក្នុងការបោះឆ្នោតជុំទី១ ថ្ងៃទី២៣ ខែមេសាកន្លងទៅ ចំនួនអាត្រា នៃពលរដ្ឋដែលមិនបានចូលរួម ក្នុងការបោះឆ្នោតមានចំនួន ២២,២៣%។

ជាថ្មីម្ដងទៀត ប្រទេសកម្ពុជា ក្រោមការដឹកនាំ របស់លោកនាយករដ្ឋមន្ត្រី ហ៊ុន សែន បានរងការរិះគន់ ពីសំណាក់របាយការណ៍ របស់អង្គការអន្តរជាតិមួយ ដែលអះអាងថាកម្ពុជា គឺជាប្រទេសដែល«គ្មានសរីភាព» ខាងសារព័ត៌មាន។ អង្គការនោះបានព្យាករណ៍ថា កម្ពុជា​អាច​នឹង​មាន «ការ​បង្ក្រាប» កាន់​តែ​ធ្ងន់ធ្ងរ​ថែម​ទៀត នៅមុន​ការ​បោះឆ្នោត ​ខិត​ជិត​មក​ដល់។ ប៉ុន្តែការលើកឡើងនោះ ត្រូវបានមន្ត្រី​​រដ្ឋាភិបាលច្រានចោល និងបរិហាររបាយការណ៍នេះ ថាចេះ​តែ​វាយ​ប្រហារ ទៅលើ​ប្រទេស​កម្ពុជា​ ទាំង​បិទ​ភ្នែក។

របាយការណ៍ ចេញផ្សាយកាលពីសប្ដាហ៍មុន របស់អង្គការ «Freedom House» បានហៅប្រទេសកម្ពុជា ថាជាប្រទេស «គ្មានសេរីភាព» សម្រាប់វិស័យសារព័ត៌មាន​ និងបានដាក់ចំណាត់ថ្នាក់យ៉ាងទាប ឲ្យដល់ប្រទេសមួយនេះ (ជាប់លេខទី៣៣ ពីក្នុងចំណោម៤០ប្រទេស នៅក្នុងតំបន់អាស៊ីប៉ាស៊ីភិក និងលេខទី១៥២ ពីក្នុងចំណោម១៥៨ប្រទេស នៅលើពិភពលោក)។ នៅក្នុងរបាយការណ៍ដដែល បានពន្យល់បន្តថា [...]