ស៊ឹម ថៃណា ស្និតស្នាលប្លែកជាមួយ យុត្ថារ៉ា ឆានី
នេះជាលើកទីមួយហើយ បន្ទាប់ពីលោក យុត្ថារ៉ា ឆានី បានលែងលះជាមួយតារាសម្ដែង និងបង្ហាញម៉ូត រាងខ្ពស់ស្រលះអ្នកនាង ចន ច័ន្ទលក្ខណា ដែលគេបានឃើញលោកស្និតស្នាលជាមួយនារីដ៏ទៃ។ ដំណឹងដែលបានបែកធ្លាយ និងកំពុងល្បីសុះសាយ នៅក្នុងបណ្តាញទំនាក់ទំនងសង្គមហ្វេសប៊ុកនោះ បានបង្ហាញឲ្យឃើញថា លោក យុត្ថារ៉ា ឆានី និងកញ្ញា ស៊ឹម ថៃណា តែងតែទៅណាមកណា ជាមួយគ្នាថែមទៀតផង។
តាមរយៈរូបថត ដែលត្រូវបានបង្ហោះជាសាធារណៈ និងចែកចាយគ្នាយ៉ាងព្រោងព្រាត នៅលើបណ្តាញសង្គមហ្វេសប៊ុក លោក យុត្ថារ៉ា ឆានី និងកញ្ញា ស៊ឹម ថៃណា ម្ចាស់បទ«បេះដូងឆ្កួត» ត្រូវបានមើលឃើញប្រៀបដូចជាគូរស្នេហ៍ដ៏ផ្អែមល្ហែមមួយគូរ ដែលកំពុងប្រលោមនែបណិតគ្នា។ ពួកគេអង្គុយញ៉ាំបាយជាមួយគ្នា យ៉ាងកៀកកិតគ្នា ស្អិតល្មួត ដែលខុសប្លែកពីពាក្យថា«មិត្តភក្តិ» [...]