ភ្ញាក់​ផ្អើល ព្រោះ​តារា​សម្តែង​ស្ត្រី​ដើរ​ស្រាត ដើម្បី​ហាត់​សម​សម្តែង​រឿង (vdo)

តារាសម្តែងស្រីម្នាក់វ័យ៤៥ឆ្នាំ របស់ប្រទេសអ៊ុយក្រែនបានបង្កឱ្យមានការភ្ញាក់ផ្អើល ស្ទើរតែមួយចំហៀង ទីក្រុង Kiev ព្រោះតែតារាសម្តែងស្រីរូបនេះ បានដើរពេញផ្លូវ ក្នុងលក្ខណៈ អាក្រាតកាយ និង មានយកឆ្នាំងមកគ្របក្បាល ព្រម​ទាំង​កាន់​កាំបិត​ចិត​បន្លែ និងកាំបិតប៉័ងតោនៅក្នុងដៃ។
រូបថតផ្តិតពីវីដេអូ របស់អ្នកដំណើរ ដែលថតពីអ្នក អេឡេណា យ៉េហ្គោរ៉ូវ៉ា។
Loading...
  • ដោយ: ប្រាថ្នា អត្ថបទ និងយកការណ៍៖ ប្រាថ្នា ([email protected]) - ភ្នំពេញ ថ្ងៃទី២៩ ធ្នូ ២០១៤
  • កែប្រែចុងក្រោយ: December 30, 2014
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

សកម្មភាព​នៃ​ការ​ហាត់​សម​ក្នុង​ការ​សម្តែង របស់​តារា​សម្តែង​ស្រី​ម្នាក់ បាន​ធ្វើ​ឱ្យ​ប្រជាជន​ក្នុង​ទីក្រុង គៀវ (Kiev) នៃ​ប្រទេស​អ៊ុយក្រែន​ជា​ច្រើន មាន​ការ​ភ្ញាក់​ផ្អើល​គ្រប់ៗ​គ្នា។ មូល​ហេតុ​ដែល​ធ្វើ​ឱ្យ​គេ​ភ្ញាក់​ផ្អើល​នោះ ដោយ​សារ​តែ​ស្រ្តី​ជា​តារា​សម្តែង​ម្នាក់​នោះ ដើរ​ពាស​វាល​ដោយ​គ្មាន​សម្លៀក​បំពាក់ ព្រម​ទាំង​យក​ឆ្នាំង​មក​គ្រប​ក្បាល​ ហើយ​មាន​កាន់​កាំបិទ​នៅ​នឹង​ដៃ។

តារា​សម្តែង​ម្នាក់​នោះ ត្រូវ​បាន​គេ​ស្គាល់​ថា​ ជា​អ្នកស្រី អេឡេណា យ៉េហ្គោរ៉ូវ៉ា (Elena Yegorova) អាយុ​៤៥ឆ្នាំ ត្រូវ​បាន​គេ​ប្រទះ​ឃើញ ដើរ​ដោយ​គ្មាន​សម្លៀក​បំពាក់។ អ្នក​ស្រី​បាន​ចុះ​ពី​លើ​ផ្ទះ ដោយ​​គ្មានសម្លៀក​បំពាក់ ហើយ​​ដើរ​តាម​ផ្លូវ មួយ​នៅ​ក្នុង​សង្កាត់​ដែល​អ្នកស្រី​រស់​នៅ កណ្ដាល​រដ្ឋធានី​ប្រទេស​អ៊ុយក្រែន ។

បន្ទាប់ពីបានឃើញស្រ្តី ដើរអាក្រាតកាយដោយមានគ្របឆ្នាំង និងកាន់កាំបិតក្នុងដៃទាំងសងខាង អ្នក​ជិត​ខាង​បានរាយការណ៍ ទៅខាងប៉ូលីស។ ក្រោយពីប៉ូលីសមកដល់ និងបានសាកសួរអ្នកស្រី អេឡេណា យ៉េហ្គោរ៉ូវ៉ា អំពីមូលហេតុ ដែលធ្វើឲ្យអ្នកស្រីដើរស្រាតពេញផ្លូវនេះ អ្នកស្រីបានប្រាប់ប៉ូលីសថា នេះគឺជាការ​ហាត់​សម​នៅ​ក្នុងឈុតសម្តែង នៃរឿងមួយដែលមានឈ្មោះថា «Dawn of the Dead» ប៉ុណ្ណោះ។

បើតាមសម្តី របស់អ្នកនាំពាក្យនៃកងកម្លាំងប៉ូលីស របស់ប្រទេសអ៊ុយក្រែន បានឱ្យដឹងថា៖ «តារាសម្ដែងបាន​ពន្យល់ប្រាប់ប៉ូលីសថា រឿងថ្មីដែលនាងប្រុងនឹងសម្តែងនោះ មានឈុតមួយចំនួន ដែលនិយាយអំពី ខ្មោចឆៅ Zmobie ដែលមិនអាចមើលឃើញ មនុស្សបានឡើយ តែវាអាចហិតក្លិនដឹងថាមនុស្ស នៅទីកន្លែងណា ដូច្នេះ​ហើយទើបបានជានាងហាត់សម ដោយការដើរស្រាត និងយកឆ្នាំងគ្របក្បាលក្នុងបំណង សម្តែងរឿង​មួយ​នោះ និងធ្វើឱ្យកាមើលឃើញរបស់នាងមានការលំបាក។»

អ្នកនាំពាក្យរូបនេះបន្តថា៖ «ម្យ៉ាងវិញទៀត អ្នកស្រីក៏បាននិយាយថា អ្នកស្រីបានឲ្យតួសម្តែងផ្សេងៗទៀត ធ្វើបែបនេះដូចនាងអញ្ចឹងដែរ ដើម្បីឲ្យការសម្តែងរបស់ពួកគេ ក្នុងរឿងថ្មីនេះកាន់តែល្អ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...