«បង្គោលគ្រាក់ សង្កត់វិញ្ញាណ» គ្រាន់តែចេញស្ពត ធ្វើឱ្យផ្ទុះសំណើចបាត់? (vdo)
- ដោយ: ប្រាថ្នា អត្ថបទ និងយកការណ៍៖ ប្រាថ្នា ([email protected]) - ភ្នំពេញ ថ្ងៃទី២៦ ធ្នូ ២០១៤
- កែប្រែចុងក្រោយ: December 29, 2014
- ប្រធានបទ: សំពត់ស
- អត្ថបទ: មានបញ្ហា?
- មតិ-យោបល់
-
«បង្គោលគ្រាក់សង្កត់វិញ្ញាណ» របស់ផលិតអ៊ិលឌីភិចឈ័រ ដែលគ្រោងនឹងដាក់បញ្ចាំងក្នុងរោង នៅថ្ងៃទី ៦ ខែ មករា ឆ្នាំ២០១៥ខាងមុខនេះ គឺជាខ្សែភាពយន្តខ្មោច និងលាយឡំទៅដោយកំប្លែង របស់ផលិតកម្មមួយនេះ បន្ទាប់ពីទទួលបានការគាំទ្រ ពីទស្សនិកជននូវខ្សែភាពយន្ដស្រដៀងគ្នានេះដែរ ដូចជារឿង«ក្រឡអីហ្នឹង» និងរឿង«អាបពាក់មួយសុវត្តិភាព»ជាដើម។
ក្នុងឈុតឆាកផ្សាយស្ពតខ្លី (Trailer) របស់ខ្សែភាពយន្តថ្មី «បង្គោលគ្រាក់សង្កត់វិញ្ញាណ»ដែលគ្រាន់តែមាន រយៈពេលប្រមាណជាជាង ៤ នាទីនេះ បានឆក់យកការគ្រាំទ្រពីទស្សនិកជនជាច្រើន ដោយសារខ្សែភាពយន្ដថ្មីមួយនេះ បានធ្វើឱ្យទស្សនិកជនមិនអាចទប់សំណើច ជាមួយនឹងផ្ទាំងទស្សនីយភាពបែបកំប្លុកកំប្លែង។
នាយគ្រឿន តារាកំប្លែង ពូកែវោរហាស័ព្ទរបស់ស្ថានីយ៍ទូរទស្សន៍ស៊ីធីអ៊ិន បន្ទាប់ពីបញ្ចប់ខ្សែភាពយន្តរបស់បងប្រុសរបស់ខ្លួន ដែលបានធ្វើឱ្យទស្សនិកជនអស់សំណើច រហូតដល់ហូរទឹកភ្នែកដោយមិនដឹងខ្លួន បានចូលខ្លួនជាថ្មី មកបំផ្ទុះសំណើចដល់ទស្សនិកជន តាមរយៈខ្សែភាពយន្តថ្មី «បង្គោលគ្រាក់ សង្កត់វិញ្ញាណ» របស់ផលិតកម្ម LD Picture។ អ្វីដែលធ្វើឱ្យទស្សនិកជនកាន់តែអស់សំណើចទៀតនោះ គឺតារាកំប្លែងស្ងួតរូបនេះ បានចាប់ដៃគូរគ្នាជាមួយ លោក ប៉ែន ចំរ៉ុង តារាល្បីខាងធ្វើតួឆ្កួត។
ស្ពតពាណិជ្ជកម្មខ្លីរបស់ខ្សែភាពយន្តរឿងខ្មោច លាយឡំដោយកំប្លែងមួយនេះ ក្រោយពីដាក់ផ្សព្វផ្សាយ នៅលើទំព័រសង្គមហ្វេសប៊ុក បានទទួលការចុច LIKE ច្រើនពាន់ និង SHARE រាប់ពាន់ដង។ ទស្សនិកជនខ្លះ បានសម្ដែងការអន្ទះអន្ទែងរួចហើយ ក្នុងការទៅទស្សនានូវខ្សែភាពយន្តថ្មីមួយនេះ៕
ទស្សនាទាំងអស់គ្នា ថាតើខ្សែភាពយន្ដ«បង្គោលគ្រាក់ សង្កត់វិញ្ញាណ»នេះល្អមើល និងគួរឲ្យអស់សំណើចប៉ុណ្ណា?