អ៊ឹង និមល អោបថើបប្អូន ចន ច័ន្ទលក្ខិណា ដើម្បីទាញចំណាប់អារម្មណ៍
- ដោយ: ប្រាថ្នា ដោយ ក.ចាន់នីតា (ទាក់ទង៖ [email protected]) - ភ្នំពេញ ថ្ងៃទី០៣ កក្កដា ២០១៤
- កែប្រែចុងក្រោយ: July 03, 2014
- ប្រធានបទ:
- អត្ថបទ: មានបញ្ហា?
- មតិ-យោបល់
-
ទាំងប្រភពស្និតនឹងកញ្ញា អ៊ឹង និមល ព្រមទាំងលោក ចន ច័ន្ទតារា សុទ្ធបានចេញមុខបកស្រាយ ពីទំនាក់ទំនងរបស់តារាពីរនាក់នេះ បន្ទាប់ពីទស្សនិកជាប់មន្ទិលសង្ស័យ ជាមួយរូបថតអោបថើបដែលកញ្ញា អ៊ឹង និមល បានបង្ហោះនៅលើទំព័ររបស់ខ្លួនកន្លងមក។
កញ្ញា អ៊ឹង និមល និងលោក ចន ច័ន្ទតារា។ (រូបថត ហ្វេសប៊ុក)
តារា - ក្រោយពីតារាបង្ហាញម៉ូតរបស់ក្រុម Cambodia Super Model កញ្ញា អ៊ឹង និមល បានយករូបថតជាច្រើនសន្លឹក របស់នាងដោយបង្ហាញភាពស្និតស្នាលប្លែក ជាមួយប្អូនប្រុសរបស់អ្នកនាង ចន ច័ន្ទលក្ខិណា លោក ចន ច័ន្ទតារា នៅលើបណ្តាញទំនាក់ទំនងសង្គម ហ្វេសប៊ុក របស់នាងនោះមក ដែលធ្វើឱ្យទស្សនិកជនអ្នកដានតាមសិល្បៈ កាន់តែមានមន្ទិលសង្ស័យនោះ ត្រូវបានប្រភពដែលស្និតនឹងតារាទាំងពីរ ចេញមុខមកស្រាយជំនួសថា នោះគ្រាន់តែជាឆាកល្ខោនបន្លំភ្លែកទស្សជនតែប៉ុណ្ណោះ ដើម្បីទាញយកការចាប់អារម្មណ៍។
ប្រភពដែលមិនបញ្ចេញឈ្មោះនោះ បានប្រាប់ឱ្យទៀតដឹងថា រឿងស្នេហារវាងអ្នកទាំងពីរនោះ មិនមែនជាការពិតឡើយ ពួកគេរាប់អានគ្នា ត្រឹមតែជាមិត្តភក្តិ រួមអាជីពតែប៉ុណ្ណោះ។ រឿងស្រឡាញ់គ្នា គឺមិនមែនជារឿងពិតនោះទេ ហើយក៏គ្មានថ្ងៃដែលពួកគេស្រឡាញ់គ្នា ដូចពាក្យចចាមអារ៉ាមនោះឡើយ។ រីឯលោក ចន ច័ន្ទតារា ក៏ថ្លាប់ចេញមុខបកស្រាយពីបញ្ហានេះដែរថា ភាពសិ្នតស្នាលរវាងលោក និងកញ្ញ អ៊ឹង និមល គ្រាន់ជាមិត្តភាពនៃអ្នករួមអាជីពតែប៉ុណ្ណោះ។
ភាពស្និទ្ធស្នាលប្លែក រវាងប្អូនស្រីលោក អ៊ឹង រដ្ឋា ហៅ ទុយ គឺកញ្ញា អ៊ឹង និមល និងលោកចន ច័ន្ទតារា ក៏ធ្វើឱ្យទស្សនិកជនមានអារម្មណ៍ថាប្លែកណាស់ដែរ ព្រោះថា កន្លងមកតារាស្រីល្បីឈ្មោះគួរសមរូបនេះ មិនធ្លាប់បាន បង្ហាញសញ្ញាវិជ្ជមានណាមួយ ជាមួយប្អូនប្រុសរបស់ អ្នកនាង ចន ច័ន្ទលក្ខិណា ដោយបើកចំហរឡើយ ។ ហើយបញ្ហានេះ បានធ្វើឱ្យទស្សនិកជនជាច្រើនបាននាំគ្នាគិតថា ការដែលនាងបង្ហោះរូបភាព ផ្អែមល្ហែមឱបថើបគ្នានេះ គឺជាចេតនាមួយ ដើម្បីច្រានចោលព័ត៌មានស្នេហា ជាមួយអ្នកផ្សេងធ្លាប់លេចឮកន្លងមក ។
មួយរយៈចុងក្រោយនេះ តារាជើងថ្មី តែល្បីឈ្មោះ ក្នុងក្រុមបង្ហាញម៉ូដថ្នាក់ជាតិរូបនេះ ហាក់ដូចជាចាប់ផ្តើម មានសន្ទុះការងារ រីកចម្រើនខ្លាំងគួរឱ្យកត់សម្គាល់ ទន្ទឹមជាមួយគ្នានឹងភាពរីកចម្រើននេះដែរ ក៏មានបែកធ្លាយដំណឹងជាបន្តបន្ទាប់ ពាកព័ន្ធនឹងរឿងស្នេហា។
ដំណឹងថ្មីដែលធ្វើឱ្យគេចាប់អារម្មណ៍នោះ គឺថាពេលនេះ នាងកំពុងបង្កាត់ភ្លើងស្នេហា ជាមួយប្រុសក្មេងរូបសង្ហាម្នាក់ ជាអ្នកសិល្បៈ រួមអាជីពជាមួយគ្នា។ ប៉ុន្តែនេះមិនមែនជាលើកទី១ទេ ដែលស្រីស្អាត កញ្ញា អ៊ឹង និមល ត្រូវបានសារព័ត៌មានចុះផ្សាយពីរឿងស្នេហា បែបអាថ៌កំបាំង បើទោះបីជានាងចេញបដិសេធ នឹងស្នេហាអាថ៌កំបាំងទាំងនោះជាបន្តបន្ទាប់ក៏ដោយ៕