២០១៤ ជា«ឆ្នាំខ្មៅ» នៃវិស័យអាកាសចរណ៍ពិភពលោក
គ្រោះថ្នាក់យន្ដហោះចំនួនបីផ្ទួនៗគ្នា នៅចុងខែកក្កដានេះ បានធ្វើឲ្យគេយល់ថា ឆ្នាំ២០១៤នេះ ជាឆ្នាំដ៏ខ្មៅងងឹត នៃវិស័យអាកាសចរណ៍ពិភពលោក។ បើគេរាប់ចំនួនជនរងគ្រោះ ដែលបានស្លាប់ នៅក្នុងព្រឹត្តិការណ៍ធ្លាក់យន្ដហោះ ក្នុងឆ្នាំនេះ មានចំនួនដល់ទៅ ៧៦២នាក់។
ផ្សែងត្របាញ់ឡើងលើ ព្រោះយន្ដហោះរបស់អេស៊ីយ៉ាណា អ៊ែរឡាញ ចុះចតមិនស្រួលបណ្ដាលឲ្យឆេះ។
គ្រោះថ្នាក់យន្ដហោះ - គ្រាន់តែនៅក្នុងរវាងមួយសប្ដាហ៍ប៉ុណ្ណោះ គ្រោះថ្នាក់ធ្លាក់យន្ដហោះបីគ្រឿង បានកើតឡើងយ៉ាងរន្ធត់។ នៅថ្ងៃទី១៧ ខែកក្កដា យន្ដហោះនៃជើងហោះហើរ MH17 របស់ក្រុមហ៊ុន ម៉ាឡេស៊ីអ៊ែរឡាញ (Malaysia Airlines) ត្រូវបានបាញ់ទម្លាក់ បណ្ដាលឲ្យមនុស្ស២៩៨នាក់ស្លាប់។ [...]
