Posts by "អ៊ុម វ៉ារី"

គណបក្សជាតិនិយម មិនមែនចុះចូលជាមួយ គណបក្សសង្គ្រោះជាតិទេ តែជាការរួបរួម ការរួមកម្លាំងប្រជាធិបតេយ្យ ដើម្បីធ្វើឲ្យកម្លាំងនោះកាន់តែខ្លាំង និងមិនបែកខ្ញែកគ្នា។ លោក មុត ចន្ថា អគ្គលេខាធិការគណបក្សជាតិនិយម បាន​បង្ហាញពីគោលជំហរ នៃការរួមរួបនេះថាគណបក្សលោក ក៏ដូចជាគណបក្សសង្គ្រោះជាតិ ចង់ធ្វើអ្វីទៅតាម​ឆន្ទៈរបស់​រាស្រ្ត ដែលចង់ឲ្យ​មាន​ការផ្លាស់ប្តូរ។

សមាជិកគណបក្សជាតិនិយម កាលពីពេលធ្វើការរួបរួមជាមួយគណបក្សហ្វុនស៊ីនប៉ិច។ (រូបថតគណបក្ស)

នយោបាយ - ក្នុងពិធីរំលឹកខួប១ឆ្នាំ នៃការបង្កើតគណបក្សសង្គ្រោះជាតិ នាព្រឹកថ្ងៃទី៧ ខែមេសានេះ នៅស្នាក់ការ​កណ្តាលគណបក្សសង្គ្រោះជាតិចាក់អង្រែលើ លោក ប៉ុល ហំម [...]

តើបទល្មើស នៅក្នុងក្រមព្រហ្មទណ្ឌកម្ពុជាឆ្នាំ២០០៩ មានអ្វីខ្លះ មានលក្ខណៈបែបណា និងមានទំងន់ទោសដូចម្ដេច​ខ្លះ? សូមចូលរួមស្វែងយក ពីបទល្មើសទាំងនេះ ជាមួយនឹងការបកស្រាយខាងក្រោមនេះ។

រូបថតនៃក្របសៀវភៅ «ក្រមព្រហ្មទណ្ឌ»នៃព្រះរាជាណាចក្រកម្ពុជាឆ្នាំ២០០៩។

ច្បាប់ព្រហ្មទណ្ឌ - ក្រមព្រហ្មទណ្ឌកម្ពុជា ត្រូវបានអនុម័តដោយរដ្ឋសភាកាលពីថ្ងៃទី១២ ខែតុលា ឆ្នាំ២០០៩ និង បានដាក់ឲ្យអនុវត្ត នៅថ្ងៃទី១១ ខែធ្នូ ឆ្នាំ២០១០ សម្រាប់រាជធានីភ្នំពេញ និងនៅថ្ងៃទី២១ ខែធ្នូ ឆ្នាំ២០១០ សម្រាប់​បណ្តា​ខេត្ត-ក្រុងនានា។ ហើយក្រមនេះ មានវិសាលភាពក្នុងការអនុវត្ត​របស់​ខ្លួន ពីរយ៉ាង៖ ទីមួយ វិសាលភាពតាម​ពេល​ មានន័យថា ក្រមព្រហ្មទណ្ឌអាចអនុវត្តបាន តែចំពោះបទល្មើស​ណា [...]

«លោកជាសមត្ថកិច្ច ត្រូវធ្វើការដោយសុចរិត។ បើមេលោកបញ្ជាថា គ្រាន់តែរុញច្រាន នោះលោកមានសិទ្ធិត្រឹម​តែ​រុញច្រានទេ។» អនុប្រធានផ្នែកសិទ្ធិមនុស្ស និងមេធាវីតំបន់របស់សមាគមការពារសិទ្ធិមនុស្សអាដហុក លោក ណៃ វ៉ង់ដា បានស្នើដល់ថ្នាក់លើនៃកងកម្លាំងរបស់អាជ្ញាធរ ឲ្យមានវិធានការលើមន្រ្តីដែលអនុវត្តល្មើសនឹងបទបញ្ជា ដែល​ជាភាពអុជអាលមួយឲ្យមានអំពើហិង្សាកើតឡើង។

អ្នកស្រីយ៉ោម បុប្ផា អង្គុយនៅជាប់នឹងជើងរបស់កងកម្លាំងបង្ក្រាបកុបកម្ម។ (រូបថត MONOROOM.info/ O. Vary)

សិទ្ធិអំណាច - អនុប្រធានផ្នែកសិទ្ធិមនុស្ស និងមេធាវីតំបន់របស់សមាគមការពារសិទ្ធិមនុស្សអាដហុក លោក ណៃ វ៉ង់ដា បានបញ្ជាក់ថា មានសមត្ថកិច្ចមួយចំនួនរុញច្រាន ដោយសុចរិត [...]

គ្រូបង្រៀនម្នាក់ មានអតីតភាពការងារជាង២១ឆ្នាំ ត្រូវបាន«លុប»ឈ្មោះពីក្រសួងអប់រំ ដោយមិនដឹងខ្លួន តាម​ឯកសារក្លែងបន្លំហត្ថលេខា និងឈ្មោះរបស់លោក ក្រោយពីលោកបានព្យួការងារ និងចូលជាសមាជិក​ក្រុមប្រឹក្សា​ឃុំគោកកធិន ក្នុងគណបក្សសង្គ្រោះជាតិ។

សកម្មភាពឃោសនាបោះឆ្នោតរបស់គណបក្សសង្គ្រោះជាតិ នៅខេត្តបន្ទាយមានជ័យ កាលពីខែកក្កដាឆ្នាំ២០១៣។ (រូបថតហ្វេសប៊ុក)

មន្ត្រីរាជការសាធារណៈ - គ្រូបង្រៀនម្នាក់ នៃសាលាបឋមសិក្សាកាត្រៃ ស្ថិតក្នុងឃុំគោកកធិន ស្រុកថ្មភួក ខេត្ត​បន្ទាយមានជ័យ ត្រូវបានជនមិនស្គាល់មុខក្នុងក្រសួងស្ថាប័នអប់រំរបស់រដ្ឋ ក្លែងឯកសារសាធារណៈ ដោយធ្វើ​នូវ​លិខិតលាឈប់ពីការងារជំនួសលោក ទាំងលោកមិនបានដឹងខ្លួន។ លោកគ្រូ ផា សុខនឿត ដែលរងគ្រោះបាត់បង់​តួនាទី​ពីគ្រួបង្រៀន [...]

រដ្ឋសភាកម្ពុជា ដែលជាប្រកាន់យកតាមរបបប្រជាធិបតេយ្យសេរី ត្រូវតែជារដ្ឋសភាពហុបក្ស និងតំណាងឲ្យជាតិ​ទាំង​មូល ដែលមានតំណាងរាស្ត្រ​យ៉ាងតិច១២០នាក់។ មួយវិញទៀត ដើម្បីក្លាយជានាយករដ្ឋមន្ត្រី រដ្ឋសភាត្រូវជ្រើស​រើស​​តំណាង​រាស្រ្តណាម្នាក់ មកពីគណបក្សដែលមានសម្លេងច្រើនក្នុងរដ្ឋសភា ដើម្បីស្នើសុំសេចក្តីទុកចិត្ត ពី​សមាជិក​រដ្ឋសភាទាំងមូល (ដែលមានតំណាងរាស្ត្រយ៉ាងតិច១២០រូប)។ តែមិនដូច្នេះទេ ព្រោះ«នាយករដ្ឋមន្រ្តីហ៊ុន សែន» ត្រូវ​បាន​តែងតាំងជា​«មុន»​រួចស្រេចដោយព្រះមហាក្សត្រ មុននឹងបញ្ជូនទៅឲ្យរដ្ឋសភាទទួលយល់ព្រម និង​ថែមទាំង​បោះឆ្នោត​គាំទ្រដោយ«លើកដៃ»​ទៅទៀត។ ក្រុមប្រឆាំងបានបរិហារថា សកម្មភាពនេះ​បានធ្វើ​ឲ្យ​ប្រទេស​កម្ពុជា កំពុងដើរឈានទៅប្រកាន់​យករបប​«ផ្តាច់ការ»។ តើជាការត្រឹមត្រូវឬទេ?