Posts tagged as "CPP"

អង្គការ​ឃ្លាំមើលពិភពលោក ដែលហៅជាភាសាអង់គ្លេស «Global Witness» ​មិន​បាន​ទាក់​ទង​លោក​បណ្ឌិត​ កែម ឡី ដើម្បីរៀបចំ​របាយការណ៍​ស៊ើបអង្កេតចុងក្រោយបង្អស់ របស់​ខ្លួន ទាក់ទងនឹងកម្ពុជា ដែល​មាន​ចំណង​ជើង​​ថា «Hostile Takeover» ឬ «ការគ្រប់គ្រងដ៏អរិភាព» នោះទេ។ នេះ ​បើ​យោង​តាម​សេចក្តី​ថ្លែង​ការណ៍​មួយ ចេញ​ផ្សាយ​កាល​​ពី​ថ្ងៃ​​ព្រហស្បតិ៍​​ម្សិលម៉ិញ ​របស់​អង្គការដែលមានទីស្នាក់ការកណ្ដាល នៅក្នុងចក្រភព​អង់គ្លេស​មួយ​នេះ។

សហ​ស្ថាបនិក​នៃ​អង្គការឃ្លាំមើលពិភពលោក លោក ភែទ្រីក អែលី (Patrick Alley) បានសរសេរឲ្យដឹង ​នៅ​ក្នុង​សេចក្តី​ថ្លែង​ការណ៍នោះ​ថា៖ «លោក​ កែម ឡី មិនបាន​ជាប់​ពាក់ព័ន្ធ ​នឹង​ការ​ស៊ើបអង្កេត (ឬសម្រង់ទិន្នន័យ) ​របស់​​អង្គការ ​"Global Witness" សម្រាប់របាយការណ៍នេះទេ ដែលផ្ទុយគ្នាស្រឡះ ពីការចេញផ្សាយ​របស់​សារព័ត៌មាន​មួយ​ចំនួន» ។

របាយការណ៍ «ការគ្រប់គ្រងដ៏អរិភាព» របស់អង្គការ «Global [...]

អគ្គមេបញ្ជាការរង នៃកងយោធពល​ខេមរភូមិន្ទកម្ពុជា លោក គន់ គីម ដែលមានពាក់ផ្កាយមាស ចំនួន​បួន​គ្រាប់​នៅ​លើ​ស្មារ បានថ្លែង​តាមរយៈ​សារព័ត៌មាន​ក្នុងស្រុក ពីការពន្យល់ដ៏ខ្លីមួយ​​​របស់​​លោក​ដូច្នេះថា «ជាតិ គឺរដ្ឋាភិបាល ហើយរដ្ឋាភិបាល គឺលោក ហ៊ុន សែន»។

ការថ្លែងរបស់លោក គន់ គីម ជាប្រតិកម្មមួយ តបទៅនឹងខ្សែរាជវង្សកម្ពុជាមួយអង្គ ដែលបានរិះគន់ថា កងទ័ព​កម្ពុជា មិនបានគោរពព្រះមហាក្សត្រ តាមរយៈការតាំងរូបព្រះឆាយាល័ក្ខ នៅក្នុងបន្ទាយ​ធ្វើការ​របស់​ពួក​គេ​ទេ។ ផ្ទុយទៅវិញ កងទ័ពកម្ពុជា ដែលជាស្ថាប័នជាតិមួយ ត្រូវនៅជាឯករាជ្យអព្យាក្រិត្យ ទទួលការ​តែងតាំង​ពី​ព្រះ​​មហាក្សត្រ និងទទួលប្រាក់ខែពីពលរដ្ឋ (ដែលបង់ពន្ធជូនរដ្ឋ) បែរជាទៅតាំងរូបថត របស់​លោក ហ៊ុន សែន ឬ​លោក ហ៊ុន សែន និងភរិយា ឬរូបភាពបង្ហាញ ពីថ្ងៃ៧ ខែមករា ឆ្នាំ១៩៧៩ ទៅវិញ។

លោក គន់ គីម បានពន្យល់តប​ទៅខ្សែរាជវង្សអង្គនោះថា កងទ័ពកម្ពុជាបានគោរព និងអនុវត្ត [...]

ឃ្លាដ៏ល្បី របស់នាយករដ្ឋមន្ត្រីកម្ពុជា លោក ហ៊ុន សែន ដែលលើកឡើងថា «ខ្ញុំមិនមែនជាអាយ៉ងវៀតណាម» នោះ បានទាក់ទាញចំណាប់អារម្មណ៍ របស់ប្រធានគណបក្សអំណាចខ្មែរ លោក សួន សេរីរដ្ឋា ឲ្យធ្វើការ​«អស់​សំណើច» និងបរិហារសំណេររបស់លោក ហ៊ុន សែន ទាក់ទងនឹងឃ្លាខាងលើ ថាជា​«រឿងខ្ជីខ្ជា​ពេល​វេលា​របស់ នាយករដ្ឋមន្ត្រី»។

ឃ្លា «ខ្ញុំមិនមែនជាអាយ៉ងវៀតណាម» នេះ ត្រូវបានលោក ហ៊ុន សែន រំលឹកយកមកសរសេរយ៉ាងតិច ៤ដង​ហើយ នៅលើទំព័រហ្វេសប៊ុកផ្លូវការរបស់លោក នៅក្នុងរយៈពេល មិនដល់មួយខែស្រួលបួលផង។ លើក​ចុង​ក្រោយបំផុត គឺនៅយប់ថ្ងៃទី២៦ ចូលមកថ្ងៃទី២៧ ខែសីហា ដែលជាសំណេរ«ហួសប្រធានបទ»មួយ តប​ទៅ​នឹង​ការ​លើក​ឡើង របស់អ្នកលេងហ្វេសប៊ុកម្នាក់ ឈ្មោះ «Nguyen Van Tai»។

បន្ទាប់ពីបានឆ្លើយតប ទៅនឹងការលើកឡើង របស់អ្នកប្រើប្រាស់បណ្ដាញសង្គមខាងលើនេះ ទាក់ទងនឹង​បញ្ហា​សមុទ្រ​ចិនខាងកើតរួច លោក ហ៊ុន សែន បានឆ្លៀតយកឃ្លា «ខ្ញុំមិនមែនជាអាយ៉ងវៀតណាម» [...]

តើលោក ហ៊ុន សែន នាយករដ្ឋមន្ត្រីកម្ពុជា មានការងារអ្វីខ្លះ? នៅក្នុងរយៈចុងក្រោយនេះ គេឃើញ​លោក​រវល់​ចុះ​ផ្ទាល់ នៅតាមមូលដ្ឋាន ជួបជាមួយពលរដ្ឋ​សឹងតែរាល់ថ្ងៃ។ សកម្មភាពនេះ ត្រូវ​លោក​នាយក​រដ្ឋមន្ត្រី​ខ្លួន​ឯង​និយាយ​ថា លោកចុះស្វែងរកសម្លេងឆ្នោត។ ប៉ុន្តែបន្ទាប់ពីសកម្មភាពនេះ គឺឃើញលោក ហ៊ុន សែន មាន​ការងារ​ដ៏​ចាំបាច់​មួយ​ទៀត៖ តាមដានមតិយោបល់ របស់បណ្ដាអ្នកប្រើប្រាស់បណ្ដាញសង្គម និងឆ្លើយតប​ទៅ​កាន់​មតិ​យោបល់​ទាំង​នោះ ​យ៉ាងក្បោះក្បាយ។

សូម្បីមតិយោបល់ របស់អ្នកប្រើប្រាស់បណ្ដាញសង្គមម្នាក់ ដែលទំនងជាជនជាតិវៀតណាម ដាក់ឈ្មោះ «Nguyen Van Tai» សរសេរដាក់នៅខាងក្រោម ការបង្ហោះផ្សាយ​ របស់​ទំព័រ​ផ្លូវការ​របស់​នាយករដ្ឋមន្ត្រីនោះ ក៏​លោក ហ៊ុន សែន បានចំណាយពេលឆ្លើយតប រហូតឆ្លើយលើស ពីប្រធានបទ​ដែល​លើក​ឡើង​ ដូចជា​ឃ្លា​ថា លោក​មិន​មែន​ជា​អាយ៉ង របស់វៀតណាម និងសារផ្ដាំ​ផ្ញើរ​បន្ថែម​មួយ​ចំនួន​​ទៀត​ជាដើម។ ម្ចាស់គណនីជាតិ​វៀតណាម​នោះ [...]

លោក ហ៊ុន សែន នាយករដ្ឋមន្ត្រីបីទសវត្សន៍ជាង របស់កម្ពុជា «កំពុងមើលងាយពលរដ្ឋខ្មែរ រាប់លាននាក់ ថា​គ្មាន​សមត្ថភាព ព្រមទាំងមើលងាយធនធាន យុវជនក្នុងគណបក្ស ដែលខ្លួនឯងកំពុងដឹកនាំនោះផង» នេះ ជា​សំណេរ​ពន្យល់ របស់ប្រធានគណបក្សអំណាចខ្មែរ លោក សួន សេរីរដ្ឋា ទៅនឹងការលើកឡើង របស់លោក ហ៊ុន សែន ដែល​អះអាង នៅក្នុងវេទិកា «ការការពារ និងអភិរក្សធនធានធម្មជាតិ» ថាលោក «ចង់លាលែងពីតំណែង​ស្អែក​ក៏​បាន... តែមាន​នណា​មកជំនួសលោក?»។

ក្នុងវេទិការៀបចំឡើងដោយលោក​ ហ៊ុន សែន ផ្ទាល់ នាយករដ្ឋមន្ត្រីកម្ពុជារូបនេះ ដែលកំពុងបង្កើនសកម្មភាព​ចុះ​តាម​មូលដ្ឋាន តាំងពីច្រើនសប្ដាហ៍កន្លងមកនោះ បានលើកឡើង​ថា ​លោក​នឹង​ចុះ​ចេញ​ពី​តំណែង​ភ្លាម ​ប្រសិន​ជា​ការ​​ចុះ​ចេញ​​របស់​លោក អាច​នាំ​សន្តិភាព​ដល់​ប្រទេស។ ​លោក ហ៊ុន សែន បានបញ្ជាក់​ថា ​លោក​នឹង​នៅ​បន្ត​កាន់​អំណាច ​ដើម្បី​សុខ​សន្តិភាព​របស់​ប្រទេស ​បើទោះជាមានការ​រិះគន់​ថា​ [...]