សម រង្ស៊ី៖ ក្រុមហ៊ុនធ្វើអាជីវកម្មថ្ម នៅភ្នំសិលាកែវ ធ្វើសកម្មភាពលួចលាក់ (vdo)
បន្ទាប់ពីបានចុះទៅធ្វើទស្សនកិច្ច និងសំណេះសំណាល ប្រជាពលរដ្ឋនៅខេត្តបាត់ដំបងហើយ លោក សម រង្ស៊ី ប្រធានគណៈបក្សសង្គ្រោះជាតិ បានយកឱកាសនោះ ទៅតាមដានពីសកម្មភាព នៃការលួចធ្វើអាជីវកម្មថ្មកែវ នៅភ្នំសិលាកែវ ឃុំតាគៀម ស្រុកបាណន់ ខេត្តបាត់ដំបង កាលពីថ្ងៃទី ៣០ តុលាម្សិលម៉ិញនេះ។
ក្នុងវីដេអូមួយ ដែលត្រូវបានបង្ហោះ តាមគណនីហ្វេសប៊ុករបស់លោក បានបង្ហាញពីទិដ្ឋភាព នៃការទាញយកធនធានធម្មជាតិថ្មកែវ ដ៏ល្អប្រណិត ក្នុងនោះមានផ្ទាំងធំៗថ្លាល្អ និងមានតម្លៃថ្លៃជាងថ្មដទៃ។ ថ្មកែវនៅភ្នំសិលាកែវ ដែលអាចត្រូវបានយកទៅប្រើប្រាស់ ក្នុងសំណង់អាគារប្រណិតទំនើបៗនោះ ទំនងជាត្រូវបានដឹកចេញទៅលក់ នៅក្រៅប្រទេស ព្រោះថារថយន្តដែលដឹកជញ្ជូនថ្មនេះ មានស្លាកលេខវៀតណាម។
ការធ្វើអាជីវកម្មយកថ្មកែវនេះ មានដំណើរការជាយូមកហើយ ហើយនៅតែបន្តធ្វើ [...]
