ផ្ដល់ស្ត្រីអ្នកបម្រើលើយន្ដហោះម្នាក់ជូនអ្នកដំណើរ ដើម្បីសុំទោសការយឺតយ៉ាវ
ក្រុមហ៊ុនបម្រើសេវាកម្មធូរថ្លៃ «Lion Air» របស់ប្រទេសឥណ្ឌូនេស៊ី បានធ្វើការហាមអ្នកបើកបរយន្ដហោះមួយរូប មិនឲ្យធ្វើការហោះហើរ បន្ទាប់ពីអ្នកបើកបររូបនេះ ទំនងជាបានប្រកាសផ្ដល់ស្ត្រីអ្នកបម្រើ នៅលើយន្ដហោះម្នាក់ ទៅឲ្យបណ្ដាអ្នកដំណើរ ដើម្បីជាការលួងចិត្ត ជំនួសឲ្យការយឺតយ៉ាវ នៃការហោះហើររបស់ខ្លួន ទៅកាន់កោះបាលី ដែលជាកោះទេសចរណ៍ ដ៏ល្បីល្បាញរបស់ប្រទេស។
ហេតុការណ៍ដ៏ហួសចិត្ត ត្រូវបានអ្នកដំណើរម្នាក់ ទម្លាយឲ្យដឹង និងបង្កឲ្យមានភ្ញាក់ផ្អើលយ៉ាងខ្លាំង ដល់ប្រព័ន្ធផ្សព្វផ្សាយ។ អ្នកដំណើររូបនោះ លោក «Lambertus Maengkom» បានសរសេរសំបុត្រមួយច្បាប់ ទៅឲ្យក្រសួងដឹកជញ្ជូនឥណ្ឌូនេស៊ី ដើម្បីបរិហារ ពីការប្រកាសដ៏ចម្លែក តែពោរពេញដោយភាព«អាប់អោន» របស់ជំនួយការបើកបរយន្ដហោះម្នាក់ ដែលបាននិយាយតាមមីក្រូ នៅក្នុងយន្ដហោះ។
នៅបន្ទាប់ពីយន្ដហោះ បានប្រើពេលបន្ថែមជាច្រើននាទី ដើម្បីងើបខ្លួនពីក្រុង «Surabaya» នៃកោះជ្វា [...]
