Posts tagged as "Justice"

ក្នុងវេទិការ ជួបជាមួយនឹងសកម្មជន គណបក្សសង្គ្រោះជាតិ កាលពីថ្ងៃទី២១ ខែមេសា ម្សិលម៉ិញនេះ លោក មាជ សុវណ្ណារ៉ា បានធ្វើការប្តេជ្ញាចិត្តជាថ្មី បន្ទាប់ពីទទួលបានបទពិសោធ ក្នុងពន្ធគារ អស់រយៈពេលជិតប្រាំមួយខែ ក្រោម​បទ​ចោទ ពីការដឹកនាំការប្រើហិង្សា នៅស្ពាននាគ កាលពីថ្ងៃទី១៥ ខែកក្កដា ឆ្នាំ២០១៤ កន្លងមក។

កាលពីថ្ងៃទី១៣ ខែមេសា ឆ្នាំ២០១៥ សាលាដំបូងរាជធានីភ្នំពេញ បានដោះលែងលោកមាជ សុវណ្ណារ៉ា និងសកម្មជន​គណបក្សប្រឆាំង មួយចំនួនទៀត តាមការស្នើសុំរបស់មេធាវី និងស្របទៅតាមការធូរស្បើយ នៃភាពតានតឹង​ខាង​ផ្នែក​នយោបាយ។ សកម្មជនគណបក្សប្រឆាំងទាំងនោះ ត្រូវបានតុលាការសម្រេច ឲ្យដាក់ស្ថិតក្រោម ការត្រួតពិនិត្យ​តាម​ផ្លូវ​តុលាការ។

ប៉ុន្តែសម្រាប់លោក មាជ សុវណ្ណារ៉ា សកម្មជនគណបក្សសង្គ្រោះជាតិ ដែលទើបនឹង ត្រូវបានដោះលែងរូបនេះវិញ បាន​ចាត់ទុក ការសម្រេចរបស់តុលាការ ថាជាការ«គុកដាក់មនុស្ស តែដាក់ចិត្ត និងបញ្ញាមិនបានទេ»។ លោក [...]

យុវជន ជាប្រធានក្រុុមហ៊ុនឯកជនតូចមួយ អាយុ៣៤ឆ្នាំ រស់នៅក្រុង សានម៉ាទីណូ (San Martino) ភាគខាងជើងនៃ​ប្រទេស​អ៊ីតាលី ត្រូវបានផ្ដន្ទាទោស ឲ្យបង់ថ្លៃជម្ងឺចិត្ត និងសងការខូចខាត ចំនួន ១២ ០០០អ៊ឺរ៉ូ ពីបទបាន«រំខាន» និង​«បង្ក​ការក្ដៅក្រហាយ»។ បើនិយាយឲ្យខ្លី គ្រួសារដើមបណ្ដឹង បានប្ដឹងចោទប្រកាន់យុវជនរូបនេះ ពីសកម្មភាពរួមរ័ក្ស ខ្លាំងៗ និង​ការ​ស្រែកដង្ហក់ នៅពេលប្រតិបត្តិការ រួមភេទម្ដងៗ។ ហើយករណីនេះ មិនមែនកើតមាន តែមួយភ្លែតៗនោះទេ តែ​ប្រសិន​បើ បាន​ចាប់​ផ្ដើម ពីក្បាលព្រលប់ហើយ គឺយុវជន«សម្បើម» បានវាយ«ផ្ដាច់» ពេញមួយយប់តែម្ដង។

សារព័ត៌មាន «La Provincia Pavese»​ របស់អ៊ីតាលី បានផ្សាយ ពីករណីនេះ ឲ្យដឹងថា ការបង្កភាពក្ដៅក្រហាយ បាន​កើត​ឡើង នៅឆ្នាំ២០០៩ នៅពេលដែលអ្នកជិតខាង របស់យុវជន ដែលសុទ្ធតែមានកូន នៅតូចៗនោះ មិនអាចនៅ​ទ្រាំ​ស្ដាប់ សឹងជារៀងរាល់ថ្ងៃ នូវសន្ធឹកនៃការរួមរ័ក្សភិសម័យ របស់យុវជន និងស្ត្រីជាសង្សា [...]

បើទោះជា ព្រះរាជសារលើកលែងទោស បានជួយដោះលែង ក្រុមសកម្មជនដីធ្លី មកពីតំបន់បឹងកក់ ឲ្យបានរួចចេញ មាន​សេរីភាព ពីពន្ធនាគារហើយក៏ដោយ តែសម្រាប់ក្រុមស្ត្រីទាំងនេះ នៅតែសម្ដែងចិត្តទោមនស្ស ពីភាពអយុត្តិធម៌ ដែល​បាន​កើតឡើងចំពោះពួកខ្លួន។

ក្នុងកិច្ចសម្ភាសជាមួយទស្សនាវដ្តីមនោរម្យ.អាំងហ្វូ អ្នកស្រី ទេព វន្នី ដែលជាស្រ្តីដ៏សកម្មម្នាក់ ក្នុងការតស៊ូមតិ​ទាមទារ​នូវ​សិទ្ធិ និងសេរីភាពរស់នៅ សេរីភាពខាងលំនៅដ្ឋាន និងដីធ្លី និងជាតំណាងពលរដ្ឋរងគ្រោះ បានអះអាងនូវអារម្មណ៍​តូច​ចិត្ត និងការឈឺចាប់ថា ក្នុងនាមខ្លួន ជាប្រជាពលរដ្ឋស្អាតស្អំ បែរជារងនូវការសម្រេច ទាំងបំពាន ដោយតុលាការ​អយុត្តិធម៌។ អ្នកស្រីបានត្អូញត្អែរថា ប្រាំខែគត់ ក្នុងពន្ធនាគារលើកនេះ ជាមេរៀន និងបទពិសោធថ្មី សម្រាប់ស្រ្តីបឹង​កក់​ទាំង​អស់ ដែលគ្រាប់តែសុំការអន្តរាគមន៍ ពីអាជ្ញាធរ ដែលមិនអើពើ នឹងការរស់នៅរបស់ប្រជាពលរដ្ឋ ពិសេសពលរដ្ឋ​ដែល​រង​គ្រោះ [...]

លោក ថោង សារ៉ាត់ ជនសង្ស័យទីមួយ ក្នុងសំនុំរឿងឃាតកម្ម បាញ់សម្លាប់ឧកញ៉ា អ៊ឹង ម៉េងជឺ យ៉ាងកក្រើកភ្នំពេញ កាល​ពីចុងឆ្នាំ២០១៤ ត្រូវបានតុលាការសាលាដំបូង រាជធានីភ្នំពេញ សម្រេចឲ្យឃុំខ្លួន ទៅពន្ធនាគារព្រៃសរ ក្រោម​បទ​ចោទប្រកាន់ ថាបានផ្តួចផ្តើមគំនិត ក្នុងអំពើឃាតកម្មគិតទុក ជាមុន និងប្រើប្រាស់អាវុធ ដោយគ្មានការអនុញ្ញាត។

ការសម្រេចរបស់តុលាការ ត្រូវបានធ្វើភ្លាមៗ នៅវេលាម៉ោង៥ និង២០នាទី ល្ងាចថ្ងៃសុក្រ ទី១៧ ខែមេសា មួយថ្ងៃក្រោយ បន្ទាប់ពីអាជ្ញាធរនៃប្រទេសវៀតណាម បានចាប់ខ្លួនជនសង្ស័យរូបនេះ កាលពីថ្ងៃព្រហស្បត្តិ៍ និងបញ្ជូនមកឲ្យ​អាជ្ញាធរ​កម្ពុជា នៅយប់ថ្ងៃដដែល។

ការចាប់ឃាត់ខ្លួន លោក ថោង សារ៉ាត់ ដែលមានថានៈ ជាឧត្តមសេនីយ៍ទោ ក្នុងក្រសួងការពារជាតិរូបនេះ ដោយ​យោង​ទៅលើដីការឃាត់ខ្លួន របស់នគរបាលអន្តរជាតិ (Interpol) ដែលបានធ្វើ ទៅតាមការស្នើសុំ របស់អាជ្ញាធរកម្ពុជា ក្នុង​សំនុំ​រឿងឧក្រិដ្ឋកម្មធ្ងន់ធ្ងរ [...]

កាលពីថ្ងៃទី១៥ ខែកុម្ភៈកន្លងទៅ ក្រុមអ្នកជួយសង្គ្រោះបន្ទាន់មួយ បានចូលទៅក្រុង គ្រីមបាយ (Grimsby ភាគខាងកើត នៃចក្រភពអង់គ្លេស) ដើម្បីជួយទៅពិនិត្យព្យាបាល បុរសចំណាស់ម្នាក់ អាយុ ៩២ ឆ្នាំ ដែលជួបអាការៈ ឈឺចាប់ក្នុងទ្រូង យ៉ាងខ្លាំង។ ក្រុមអ្នកជួយសង្គ្រោះ បានចូលទៅក្នុងគេហដ្ឋាន របស់បុរសចំណាស់ ដោយបានទុកទ្វារថយន្ដ​សង្គ្រោះ​អ្នក​ជំងឺរបស់ពួកគេ នៅចំហរ ដោយពួកគេគិតថា អាចត្រូវការអ្វីៗពីក្នុងរថយន្ដ ដោយមិនចាំបាច់ បើកសោរទ្វារថយន្ដ។ នេះ បើតាមសេចក្ដីរាយការណ៍ របស់សារព័ត៌មានចម្រុះភាសា Huffington Post ចេញផ្សាយ ក្នុងប្រទេសអង់គ្លេស។

ប៉ុន្តែនៅពេលក្រុមអ្នកជួយសង្គ្រោះ បានត្រឡប់មករថយន្ដពួកគេវិញ ស្រាប់តែប្រទះឃើញ រឿងដ៏ហួសចិត្តមួយ បាន​កើត​ឡើង​ក្នុងរថយន្ដ។ យុវជនម្នាក់អាយុ១៨ឆ្នាំ កំពុងធ្វើសកម្មភាពរួមរ័ក្សស្នេហា នៅក្នុងនោះ នៅពីលើរទេះ​សម្រាប់​សែង​អ្នក​ជំងឺ។

ជាប់គុក៣ឆ្នាំ