Posts tagged as "Phnom Penh"

សម្រាប់ស្ត្រីជាភរិយា របស់ជនរងគ្រោះវិញ អ្នកស្រី ឃ្លាំង ស្រីមុំ ដែលធ្វើដំណើរ មកដល់ទីកើតហេតុ ហើយ​ឃើញ​ស្វាមីដេកស្លាប់ ក្នុងថ្លុកឈាម យ៉ាងអាណោចអធ័មនោះ បានបដិសេធថា ប្ដីអ្នកស្រីគ្មានរឿង ជាមួយ​អ្នកណាទេ ហើយអ្នកស្រីក៏ទើបនិយាយ តាមទូរស័ព្ទជាមួយប្តីមុននេះដែរ។

ករណីបាញ់សម្លាប់ដ៍សាហាវ ទៅលើបុរស់ម្នាក់ខាងលើ បានកើតឡើង កាលពីវេលាម៉ោង៧ និង៤៥នាទី យប់​ថ្ងៃទី១៤ ខែមិថុនា ឆ្នាំ២០១៥ បណ្តាលឲ្យបុរសរូបនេះ ស្លាប់ភ្លាមៗក្នុងហាងមួយ ឈ្មោះ«គុយទាវឆ្នាំងភ្លើង សឹងហ៊ី​ភ្នំពេញ» ដែលស្ថិតក្នុងសង្កាត់ បឹងកេងកងទី១ ខណ្ឌចំការមន រាជធានីភ្នំពេញ ត្រងចំណុចក្បែរ​វិទ្យាល័យ បឹងកេងកង។ ជនរងគ្រោះ ដែលមានឈ្មោះ ឡោ សុភាព អាយុ៣២ ឆ្នាំ ត្រូវបានភរិយាបញ្ជាក់ថា ជា​ប្រធានរដ្ឋបាល នៅរោងចក្រសីនម៉ា ស្ថិតក្នុងម្តុំផ្លូវវេងស្រេង និងជាពលរដ្ឋរស់នៅ ក្នុងសង្កាត់បឹងកេងកងទី៣ ខណ្ឌចំការមន រាជធានីភ្នំពេញ។

ហេតុការណ៍នេះ បានបង្កភាពភ្ញាក់ផ្អើល [...]

ឲ្យតែពេលយប់ស្ងាត់ ដែលជិះម៉ូតូ ឬធ្វើដំណើរតាមផ្លូវ គេឃើញមានអ្នករស់នៅ តាមបែបរាត្រីចរមួយចំនួន បាន​នាំគ្នាអង្គុយពពាក់ពពួនគ្នា នៅតាមសួននានា ជាពិសេសអ្នកខ្លះ ឈានដល់ការប្រព្រឹត្ត អំពើឆក់ប្លន់ពេល​យប់​ក៏​មាន។ តើរូបភាព និងសកម្មភាព ដែលអាចរំខាន ដល់សន្តិសុខសង្គមទាំងអស់នេះ ត្រូវបានផ្នែកសមត្ថកិច្ច​ណា​មួយ ខ្វល់ខ្វាយឬទេ?

យ៉ាងហោចណាស់ លោកអភិបាលរងខណ្ឌដូនពេញ បានខ្វល់ខ្វាយពីបញ្ហានេះ ដោយបានដឹកនាំកម្លាំងចម្រុះ ប្រមាណ ១០៣នាក់ ចុះប្រមូលយកជនដែលរស់នៅ តាមសួនសាធារណៈទាំងនោះ រួមមាន៖ ស្រ្តីរកស៊ីផ្លូវភេទ អ្នកញៀនថ្នាំ និងក្រុមក្មេង គ្មានផ្ទះសំបែងជាដើម។ គេតែងប្រទះឃើញ អ្នកទាំងនោះដេកតាមសួននានា ក្នុង​ទីក្រុង​ភ្នំពេញ ដោយសារតែគ្មានចំណេះដឹង គ្មានមុខរបររកស៊ីច្បាស់លាស់ ឬគ្មានអ្នកផ្គត់ផ្គង់ជាដើម។

ករណីចុះប្រមូលអ្នកទាំងនោះ បានធ្វើឡើង កាលពីវេលាម៉ោង ៣ទៀបភ្លឺ ថ្ងៃទី១៥ ខែមិថុនា ឆ្នាំ២០១៥ នៅ​ចំណុច​តាមសួនមួយចំនួន ដូចជា៖ [...]

ប្រជាពលរដ្ឋ ក្នុងភូមិគោកឃ្លាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដែលបានចំណាយលុយ ដើម្បី​ភាពងាយស្រួល ក្នុងការស់នៅក្នុងភូមិនោះ បានសម្ដែងការភ្ញាក់ផ្អើលយ៉ាងខ្លាំង នឹងសកម្មភាពចុះ​មក​ហាម​ឃាត់នោះ ដោយមាននាំទាំងមន្រ្តីនគរបាល មកគម្រាមឲ្យបញ្ឈប់សកម្មភាព។ លោក ពិន វាត ជាពលម្នាក់ ក្នុង​ចំណោមអ្នកទាំង៣០គ្រួសារ ដែលកំពុងរស់នៅក្នុងភូមិ បានប្រាប់ទស្សនាវដ្តីមនោរម្យ.អាំងហ្វូ នៅព្រឹកថ្ងៃទី១៣ ខែមិថុនា ឆ្នាំ២០១៥នេះថា ក្រុមអ្នកភូមិ មិនមែនមិនបានសុំអនុញ្ញាត ពីមេភូមិចៅសង្កាត់នោះទេ គឺបានធ្វើ​រួច​រាល់​ហើយ ដែលថវិកាទាំងនោះ បានពីការចូលរួម របស់ប្រជាពលរដ្ឋទាំងអស់ ដែលចង់បណ្ដោះទឹកចេញពីភូមិ នៅពេលមានភ្លៀង ដែលមានលូប្រវែងប្រមាណ ជា១០០ម៉ែត្រ។

លោកថា នៅពេលបានសម្រេច នាំគ្នាស្រុះស្រួល ដាក់ជួលគ្រឿងចក្រឲ្យគេធ្វើ ហេតុអ្វីបានជាក្រុមហ៊ុននោះ មក​ឃាត់ហើយថា ប្រជាពលរដ្ឋទាំងនេះ ធ្វើដោយគ្មានច្បាប់អនុញ្ញាតត្រឹមត្រូវ [...]

«បារ»បារាំង ដែលរងការបង្ក្រាប ពីមន្ត្រីសមត្ថកិច្ចនោះ មានទីតាំងនៅផ្ទះលេខ ៣៨ ផ្លូវ ១១០ ក្នុងសង្កាត់ផ្សារ​កណ្តាលទី១ ខណ្ឌដូនពេញ រាជធានី​ភ្នំពេញ។ អ្នកប្រើប្រាស់៧នាក់ ស្រីម្នាក់ ប្រុស៦នាក់ ត្រូវបានឃាត់ខ្លួន ដែល​មានទាំងប្រដាប់ប្រដារ ប្រើប្រាស់​ផ្សេងៗនៅ នឹងកន្លែងផងដែរ។ ករណីចុះបង្កា្របនេះ ដឹកនាំកម្លាំដោយ​ព្រះរាជអាជ្ញា លោក ប៊ុន ណារា និង​គណៈ​បញ្ជាកាអភិបាលខណ្ឌ លោក ហួត ចាន់យ៉ារ៉ាន និង លោក ចាន់ បណ្ឌិត​ នាយរងខណ្ឌដូនពេញ​ផង​ដែរ។

ហេតុការណ៍នេះ ត្រូវបានមន្រ្តីខាងលើបញ្ជាក់ថា បានចុះបង្ក្រាបកាលពីវេលាម៉ោង៣ និង ១៥នាទី​រសៀល​ថ្ងៃទី ១១ ខែមិថុនា ឆ្នាំ២០១៥ នៅទីតាំងខាងលើ ជាប់នឹងផ្សារកណ្តាល។ កន្លែងដែលមានបង្កប់អ្នកជក់ថ្នាំ ប្រភេទ ស៊ីហ្សា ដែលត្រូវបានសាលាដំបូង ចេញដីការបង្កាប់ឲ្យចាប់ខ្លួននោះ មានស្លាកយីហោ Crepes Cofe ដែល​ចាប់​បាន​ម្ចាស់អ្នកបើកម្នាក់ ឈ្មោះ ចាន់ ថា មានទីលំនៅក្នុង ទីតាំងជក់ថ្នាំខាងលើ [...]

យកប្រាក់ខែពីរដ្ឋ ដែលសុទ្ធសឹងជាការបង់ពន្ទ របស់ពលរដ្ឋ តែមិនអនុវត្តន៍តាមតួនាទីរបស់ខ្លួន។ តើនៅ​ប្រទេស​កម្ពុជា មានមន្ត្រីអាជ្ញាធរ របៀបនេះប៉ុន្មាននាក់? គ្រោះថ្នាក់ចរាចរណ៍ ដែលបានកើតឡើង ត្រូវការកិច្ច​អន្តរាគមន៍ជាបន្ទាន់ ពីមន្ត្រីទទួលបន្ទុកទាំងនោះ។ ផ្ទុយទៅវិញ នៅពេលពលរដ្ឋទៅហៅ ឲ្យមកបំពេញតួនាទី ស្រាប់តែមន្ត្រីម្នាក់នោះ បាននិយាយមកវិញថា «រវល់ដេក»។

ហេតុការណ៍នេះ បានបង្កការហួសចិត្ត បន្ទាប់ពីគ្រោះថ្នាក់ រវាងម៉ូតូ និងរឺម៉កដឹកបន្លែ បានកើតឡើងកាល​ពី​វេលាម៉ោង២ និង១០នាទី យប់ថ្ងៃទី១១ ខែមិថុនា ២ឆ្នាំ២០១៥ នៅចំណុចស្តុបផ្សារដើមគ តាមបណ្តោយ​ផ្លូវ​មុន្នីរ៉េត។ បន្ទាប់ពីមានគ្រោះថ្នាក់ភ្លាម ជនរងគ្រោះដែលគេស្គាល់ឈ្មោះ ជួន ស៊ីណាត អាយុ២៧ឆ្នាំ រស់នៅ​ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល ដែលមានកាត ជាសិក្ខាកាម រដ្ឋបាលរាជធានី​ភ្នំពេញ​នៅជាប់ខ្លូន។

ពលរដ្ឋដែលនៅក្នុងហេតុការណ៍នេះ [...]