«បារ»បារាំង ដែលរងការបង្ក្រាប ពីមន្ត្រីសមត្ថកិច្ចនោះ មានទីតាំងនៅផ្ទះលេខ ៣៨ ផ្លូវ ១១០ ក្នុងសង្កាត់ផ្សារ​កណ្តាលទី១ ខណ្ឌដូនពេញ រាជធានី​ភ្នំពេញ។ អ្នកប្រើប្រាស់៧នាក់ ស្រីម្នាក់ ប្រុស៦នាក់ ត្រូវបានឃាត់ខ្លួន ដែល​មានទាំងប្រដាប់ប្រដារ ប្រើប្រាស់​ផ្សេងៗនៅ នឹងកន្លែងផងដែរ។ ករណីចុះបង្កា្របនេះ ដឹកនាំកម្លាំដោយ​ព្រះរាជអាជ្ញា លោក ប៊ុន ណារា និង​គណៈ​បញ្ជាកាអភិបាលខណ្ឌ លោក ហួត ចាន់យ៉ារ៉ាន និង លោក ចាន់ បណ្ឌិត​ នាយរងខណ្ឌដូនពេញ​ផង​ដែរ។

ហេតុការណ៍នេះ ត្រូវបានមន្រ្តីខាងលើបញ្ជាក់ថា បានចុះបង្ក្រាបកាលពីវេលាម៉ោង៣ និង ១៥នាទី​រសៀល​ថ្ងៃទី ១១ ខែមិថុនា ឆ្នាំ២០១៥ នៅទីតាំងខាងលើ ជាប់នឹងផ្សារកណ្តាល។ កន្លែងដែលមានបង្កប់អ្នកជក់ថ្នាំ ប្រភេទ ស៊ីហ្សា ដែលត្រូវបានសាលាដំបូង ចេញដីការបង្កាប់ឲ្យចាប់ខ្លួននោះ មានស្លាកយីហោ Crepes Cofe ដែល​ចាប់​បាន​ម្ចាស់អ្នកបើកម្នាក់ ឈ្មោះ ចាន់ ថា មានទីលំនៅក្នុង ទីតាំងជក់ថ្នាំខាងលើ ជាមួយប្រពន្ធកូន។

បន្ទាប់ពីការចុះបង្ក្រាបនេះ បានសម្រេច លោកអភិបាលរងខណ្ឌដូនពេញ បានបញ្ជាក់ឲ្យដឹងថា ក្រុមកម្លាំង​ចម្រុះ​បានដកហូតវត្ថុតាង និងសម្ភារៈមួយចំនួន និងឃាត់ខ្លូនម្ចាស់អាជីវកម្មខាងលើ រួមជាមួយអ្នកប្រព្រឹត្ត​៧នាក់​ទៀត បញ្ជូនទៅកាន់ស្នងការខណ្ឌដូនពេញ ដើម្បីរៀបចំសុំនុំរឿង បញ្ជូនទៅតុលាកា នៅថ្ងៃទី១២ ខែមិថុនា ឆ្នាំ​២០១៥​នេះ៕