Posts tagged as "Phnom Penh"

ហេតុការណ៍នេះ បានបង្កឲ្យមានការភ្ញាក់ផ្អើល កាលពីវេលាម៉ោង ១២ និង៣០នាទី យប់ថ្ងៃទី០៨ ខែ កក្កដា ឆ្នាំ២០១៥ នៅតាមបណ្តោយផ្លូវ ម៉ៅសេងទុង ក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ។ បង្គោលភ្លើង ដែលត្រូវបានឡានបុកនោះ នៅក្បែរស្តុបទួលទំពូង ទល់មុខបណ្ណាគារ iBC។

សាក្សីនៅកន្លែងកើតហេតុ បានប្រាប់ទស្សនាវដ្តីមនោរម្យ.អាំងហ្វូថា ឡានរងគ្រោះម៉ាក ម៉ាស្តា ពណ៍ទឹកប្រាក់ ស្លាកលេខភ្នំពេញ ២AA-៥៩៥៨ បើកបរដោយបុរសម្នាក់ មិនស្គាល់អត្តសញ្ញាណ ទាំងអាការៈស្រវឹង។ សាក្សី​បានបន្ថែមទៀតថា គេមិនឃើញម្ចាស់រថយន្ត មានគ្រោះថ្នាក់នោះទេ តែឡានរងការខូចខាតស្ទើរទាំងស្រុង។

មន្រ្តីនគរបាលចររាចរណ៍ នៅទីតាំងកើតហេតុ បានបញ្ជាក់ថា រថយន្តគ្រោះថ្នាក់ ត្រូវបានសមត្ថកិច្ច​ចរាចរណ៍​ក្រុង ស្ទូចទៅរក្សារទុក ដើម្បីដោះស្រាយទៅតាមផ្លូវច្បាប់។ លោកក៏បានបញ្ជាក់ដែរថា អ្នកបើកបររថយន្ត បង្ក​គ្រោះថ្នាក់ខ្លូនឯងនេះ បើកបរក្នុងសភាពស្រវឹងជោគ [...]

យុវតីជំទង់ ដែលជាជនរងគ្រោះ ត្រូវបានគេស្គាល់ថា ឈ្មោះ ង៉ូវ គឹមឡេង អាយុ១៧ឆ្នាំ រស់នៅភូមិបូរី​សន្តិភាព​២ សង្កាត់ចោមចៅ ខណ្ឌពោធ៍សែនជ័យ រាជធានីភ្នំពេញ។ ហេតុការណ៍គ្រោះថ្នាក់នេះ បានកើតឡើង កាល​ពីវេលាម៉ោង ១៦ និង ៤៥ នាទីថ្ងៃទី ០៧ ខែកក្កដា ឆ្នាំ ២០១៥ នៅតាមបណ្តោយផ្លូវ គីឡូម៉ែត្រលេខ៣០ ស្ថិត​នៅសង្កាត់ចោមចៅ ខណៈដែលនាងចេញ ពីសាលារៀនភាសាចិន នៅពេលរសៀល។

សាក្សី ដែលឃើញហេតុការណ៍នេះ បានប្រាប់ឲ្យដឹងថា ម៉ូតូរងគ្រោះ មានម៉ាក ធូដេ (Today) ពណ៍ក្រហម ស្លាកលេខ ភ្នំពេញ ១CS-១២៩៣ និងបើកបរដោយយុវតី រងគ្រោះខាងលើ។ ចំណែកឯឡានដឹងដីបង្ករម៉ាក នីណូ (NINO) ស្លាកលេខ កំពង់ធំ ៣A-០៩៨៤ បើកបរដោយបុរសម្នាក់ មិនស្គាល់អត្តសញ្ញាណ។ បុរសនេះ ត្រូវបានមន្រ្តីនគរបាលចរាចរណ៍ឃាត់ខ្លូន បន្ទាប់ពីព្យាយាមគេចខ្លួន នៅក្រោយការកើតហេតុ។

បច្ចុប្បន្ន សពជនរងគ្រោះ ត្រូវបានបគរបាលជំនាញ ប្រគល់ឲ្យក្រុមគ្រួសារ យកធ្វើបុណ្យតាមប្រពៃណី [...]

ជនរងគ្រោះ ក្នុងហេតុការណ៍នេះ ឈ្មោះអាន រង្សី ភេទប្រុស អាយុ១៩ឆ្នាំ ស្នាក់នៅផ្ទះជួល ក្នុងសង្កាត់​បឹង​ត្របែក ត្រូវគ្រាប់កាំភ្លើងមួយគ្រាប់ចំដៃ។ សាក្សីនៅកន្លែងកើតហេតុ លោក សុខ នាថ បានប្រាប់ឲ្យដឹង នៅ​វេលាម៉ោង១ និង៣០នាទីថ្ងៃទី០៧ ខែកក្កដា ឆ្នាំ២០១៥ បន្ទាប់ពីហេតុការណ៍នេះ កើតភ្លាមថា ម្ចាស់កាំភ្លើង ដែលបង្ករឲ្យជនរងគ្រោះ មានរបួសឈ្មោះ ហ៊ុន សុផល អាយុ ៥៦ ជាមន្រ្តីអាវុធហត្ថ ឋានៈវិរៈសេនីយ៍ត្រី រស់​នៅភូមិត្នោតជ្រំ សង្កាត់បឹងជំពន់ ខណ្ឌមានជ័យ ស្រុកកំណើតនៅ ស្រុកពាមរ៍ ខេត្តព្រៃវែង ។ លោកបន្ថែម​ថា កាំភ្លើងនោះជ្រុះពីដៃម្ចាស់កាំភ្លើង ហើយរាលកៃ ផ្ទុះត្រូវជនរងគ្រោះតែម្តង។

ដោយឡែក មន្រ្តីប៉ុស្តិ៍រដ្ឋាបាលនគរបាល ផ្សារដើមថ្កូវម្នាក់ មិនបញ្ចេញឈ្មោះ បានប្រាប់ទស្សនាវដ្តី​មនោរម្យ.អាំងហ្វូ នៅថ្ងៃទី០៨ ខែកក្កដានេះថា មន្រ្តីមានសមត្ថកិច្ច នៅមិនទាន់ចាប់បាន ម្ចាស់កាំភ្លើង​នោះ​នៅ​ឡើយ។ ភ្នាក់ងារនគរបាល [...]