ឃាត់​ខ្លួន​​ជន​សង្ស័យ​ប្រើ​គ្រឿង​ញៀន​២នាក់ នៅ​ស្ទឺង​មានជ័យ

មន្ត្រីកងរាជអវុធហត្ថ រាជធានីភ្នំពេញ បានសហការ ជាមួយមន្រ្តីកងរាជអវុធហត្ថ ខណ្ឌមានជ័យ ចុះ ធ្វើការ​ឆែក​ឆេរ បន្ទប់ជួលមួយកន្លែង នៅសង្កាត់ស្ទឹងមានជ័យ បន្ទាប់ពីបានសង្ស័យថា មានប្រើប្រាស់គ្រឿងញៀន។ ការ​ចុះ​ឆែក​ឆេរ​នោះ ក្រុម​អាជ្ញាធរ​បាន​ឃាត់​ខ្លូន បុរសស្រ្តីពីរនាក់ និងបានរឹបអូសថ្នាំញៀន មួយចំនួន។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ១០ កក្កដា ២០១៥
  • កែប្រែចុងក្រោយ: July 10, 2015
  • ប្រធានបទ: គ្រឿងញៀន
  • អត្ថបទ: មានបញ្ហា?
  • មតិ-យោបល់

បើការប្រើប្រាស់គ្រឿង នៅតែមាន ជាបន្តជាប់រហូតដូច្នេះ គេគួរតែនាំគ្នាឆ្ងល់ថា តើបណ្ដាលមកពីហេតុអ្វី? បើ​ជនសង្ស័យ នៅតែមានគ្រឿងញៀនប្រើ មិនមែនមានន័យថា ពួកគេចេះជប់គ្រឿងញៀន មកដោយខ្លួនឯង​នោះ​ឡើយ។ នេះជាហេតុការណ៍មួយទៀត នៃការចុះចាប់ អ្នកប្រើប្រាស់គ្រឿងញៀន របស់​ក្រុម​អាជ្ញាធរ​រាជធានី​ភ្នំពេញ សហការជាមួយអាជ្ញាធរមូលដ្ឋាន។

ការចុះបង្ក្រាបនេះ បានធ្វើឡើង កាលពីវេលា ម៉ោង០៩ ថ្ងៃទី ០៩ ខែ កក្កដា ឆ្នាំ ២០១៥ នៅបន្ទប់ជួលក្នុងភូមិ ព្រែកលាស់ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ក្នុងការចុះត្រួតពិនិត្យនេះ មន្ត្រីកងរាជ​អាវុធ​ហត្ថ បានឃាត់ខ្លូនស្រ្តីម្នាក់ និងបុរសម្នាក់ រួមជាមួយថ្នាំញៀន មួយកញ្ចប់ធំផងដែរ។

កងកម្លាំងអាជ្ញាធរ បានបញ្ជាក់ប្រាប់អ្នកសារព័ត៌មានថា លោកបានឃើញស្រ្តីជនសង្ស័យព្យាយាម យកថ្នាំ​ញៀន​មួយចំនួន ដែលកំពុងប្រើប្រាស់ ទៅចាក់ចោលក្នុងបង្គន់ ខណៈដែលមន្រ្តីទាំងនោះ បានចុះទៅដល់។ ម្យ៉ាងវិញទៀត បុរសជនសង្ស័យ ដែលសមត្ថកិច្ចមិនស្គាល់អត្តសញ្ញាណ បានព្យាយាមប្រមូល សម្បក​ប្រដាប់​ប្រដា ប្រើប្រាស់ជាមួយថ្នាំញៀន ទៅលាក់។

ក្នុងការចុះឆែកឆេរ ដែលប្រើពេលអស់ប្រមាណកន្លះម៉ោងនេះ កងកម្លាំងនគរបាល បានដកហូតវត្ថុតាង​មួយ​ចំនួន នឹងឃាត់ខ្លូនជនសង្ស័យទាំងពីរ បញ្ជូនទៅកាន់កងរាជអវុធហត្ថរាជធានីភ្នំពេញ ដើម្បីបន្តធ្វើការ​សួរ​នាំ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...