បន្ទាប់ពីប្រឡងវគ្គ «សុបិន្តក្លាយជាកាពិត» របស់ស្ថានីយ៍ទូរទស្សន៍ អាស៊ីអាគ្នេយ៍ កាលពីពេលថ្មីៗនេះ បាន​ទទួលលេខមួយ ប្រចាំសប្តាហ៍រួច បេក្ខជនម្នាក់ មកពីខេត្តព្រៃវែង បានបន្តកាន់តំណែងលេខ០១ នេះ រហូត​មកដល់ ការប្រឡងប្រចាំខែទៀត ដោយទទួលបានសម្លេងគាំទ្រច្រើនជាងគេ ពីអ្នកទស្សនានៅនឹងកន្លែង។អ្នកខ្លះបានពោលថា បេក្ខជនរូបនេះ មានសម្លេងដូច ឬជាម្ចាស់សម្លេងទីពីរ របស់លោក ខេមរៈសរីមន្ត។

ម្ចាស់ជ័យលាភីឯកប្រចាំខែនេះ ឈ្មោះ អំ សុណា បានច្រៀងបទ «លើសពី Fan បានអត់» ដែលជា​សំនៀង​ដើម របស់លោក ខេមរៈសេរីមន្ត ជាតារា ប្រចាំនៅផលិតកម្មសាន់ដេ។ បេក្ខជនវ័យ ២២ឆ្នាំខាងលើ មានស្រុក​កំណើត នៅភូមិបឹងប្រទិប ឃុំជាងដែក ស្រុកកំពង់ត្របែក ខេត្តព្រៃវែង បច្ចុប្បន្នស្នាក់នៅ សង្កាត់ទួលសង្កែ រាជធានីភ្នំពេញ។

កាលពីវគ្គប្រគួតប្រចាំសប្តាហ៍ មានបេក្ខជនប្រាំមួយរូប តែពេលប្រកូតវគ្គនេះ បានជម្រុះសល់តែ០៣ រូប​ប៉ុណ្ណោះ។ ក្នុងនោះអ្នកចម្រៀង ដែលច្រៀងបទលោក ខេមរៈសេរីមន្ត នៅតែអាចរក្សារតំណែង លេខ០១​បាន​ដដែល។ លើកនេះ អ្វីដែលធ្វើឲ្យអ្នកទស្សនា ទ្រាំមិនសរសើរសម្លេង របស់បេក្ខជន អំ សុណា មិនបាន គឺ​វគ្គ​ច្រៀងដោយគ្មានភ្លេង (ច្រៀងគោក) ដែលធ្វើឲ្យសម្លេង របស់បេក្ខជនខាងលើ ទទួលបានការគាំទ្រ​ខ្លាំង​ជាង​គេ៕

» ចង់ដឹងថា ពិតជាពិរោះ ដូចលោក ខេមរៈសេរីមន្ត ឬយ៉ាណា សូមទស្សនាវីដេអូបទ «លើសពី Fan បានអត់» ដូចខាងក្រោម៖