«ឈឺត្រង់ពកណាស់» គឺ​ពក​ក្បាល​ហ្នឹង មិន​មែន​មាន​ន័យ​ផ្សេង​ទេ!

បទចម្រៀងថ្មីរបស់តារាកំប្លែងអ្នកនាង ស្រេង សុកាន់ដា ហៅនាង ខ្ញុង «ឈឺត្រង់ពកណាស់» ដែលធ្វើធ្វើឱ្យប្រិយមិត្ត និងទស្សនិកជន​មួយចំនួន មានការយល់ច្រឡំទៅន័យផ្សេង ត្រូវបានតារាកំប្លែងរូបនេះ ចេញបកស្រាយថា គ្រាន់តែ​ជាចំណងជើងដែលធ្វើអោយមានការចាប់អារម្មណ៏ និងកំប្លែង លេងសើចប៉ុណ្ណោះ។
Loading...
  • ដោយ: ប្រាថ្នា
  • កែប្រែចុងក្រោយ: April 05, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បទចម្រៀងថ្មីរបស់តារាកំប្លែងអ្នកនាង ស្រេង សុកាន់ដា ហៅនាង ខ្ញុង «ឈឺត្រង់ពកណាស់» ដែលធ្វើធ្វើឱ្យប្រិយមិត្ត និងទស្សនិកជន​មួយចំនួន មានការយល់ច្រឡំទៅន័យផ្សេង ត្រូវបានតារាកំប្លែងរូបនេះ ចេញបកស្រាយថា គ្រាន់តែ​ជាចំណងជើងដែលធ្វើអោយមានការចាប់អារម្មណ៏ និងកំប្លែង លេងសើចប៉ុណ្ណោះ។


អ្នកនាងខ្ញុង នៅក្នុងចម្រៀង«ឈឺត្រង់ពកណាស់»។ (រូបថតផ្តិតចេញពីវីដេអូផលិតកម្មថោន)

ចម្រៀង - «ឈឺត្រង់ពកណាស់» ជាចម្រៀងមួយបទក្នុងចំណោមបទមួយចំនួន របស់ផលិតកម្មទីក្រុងភាពយន្ត (Town Production) ដែលរងការរិះគន់ពីទស្សនិកជន និងអ្នកអភិរក្សវប្បធម៌មួយចំនួន ថាជាបទអាសអាភាស​មាន​ន័យចំអេះចំអាស់។ ដោយមានការរិះគន់ជាច្រើនមកលើបទនេះ ក៏ដូចជាមានប្រតិកម្មពីរដ្ឋមន្រ្តីក្រសួង​ព័ត៌មានផង​នោះ អ្នកនាង ខ្ញុង ដែលត្រូវបានទស្សនិកជនស្គាល់ តាមរយៈការសម្តែងរឿងកំប្លែង នៅលើកញ្ចក់ទួរទស្សន៍ស៊ីធីអ៊ីន បានចេញមុខមកស្រាយពីអត្ថន័យ នៃបទនេះថា «សូមបងប្អូនកុំច្រឡំ មិនមែនឈឺត្រង់ពកស្ដីគេនោះទេ គឺឈឺត្រង់​ពក គឺពកក្បាលហ្នឹង»។

ដកស្រង់សម្តីដោយ គេហទំព័រមួយក្នុងស្រុក អ្នកនាង ស្រេង សុកាន់ដា បានបញ្ជាក់ថា «ឈឺត្រង់ពកណាស់ បើ​ស្ដាប់​មួយភ្លែតប្រាកដជាមានន័យផ្សេងជាមិនខាន ប៉ុន្តែវាគ្រាន់តែជាចំណងជើងដែលធ្វើអោយមានការចាប់អារម្មណ៏ និង​កំប្លែង លេងសើចប៉ុណ្ណោះ ។

ក្នុងឱកាសបុណ្យចូលឆ្នាំខ្មែរ ឆ្នាំ២០១៤នេះ តារាកំប្លែងដ៏សំបូរវាហាស័ព្ទរូបនេះ បានច្រៀងចម្រៀងបីបទ ដែល​សុទ្ធ​សឹងជាបទមានន័យកំប្លែង ដើម្បីលក់សំរាប់អបអរពីធីបុណ្យចូលឆ្នាំខ្មែរ។ ប៉ុន្តែខណៈពេលដែលចម្រៀងទាំងបីបទ ដែលមានចំណង «ដួលគងចំប៉ាន់» «ការ៉េមអនាម័យ» និងបទ«ឈឺត្រង់ពកណាស់» របស់អ្នកនាង កំពុងចរាចរណ៍​នៅលើទីផ្សារ មានមតិមួយចំនួនបានរិះគន់ទៅលើបទចម្រៀងរបស់អ្នកនាង ដោយមានការលើកឡើងថា «ពាក្យ​មិនចំ តែន័យទៅរកតែណាផ្លួវមួយហ្នឹង»។ យ៉ាងណាក៏ដោយ ក៏មានប្រិយមិត្តជាច្រើននៅតែគាំទ្រ និងសរសើរពី​ទេពកោសល្យរបស់អ្នកនាង ទាំងក្នុងការច្រៀង និងការសម្តែង។

ឆ្លើយតប ជាមួយអ្នករិះគន់ និងអ្នកសរសើរ តារាកំប្លែងប្រចាំទូរទស្សន៍ស៊ីធីអ៊ីន និងតារាចម្រៀងរូបនេះ បានលើក​ឡើងថា ចំពោះរូបនាងការប្រើពាក្យកំប្លែងលេងសើច គឺវាសាកសមជាងមនោសញ្ចេតនា សម្រាប់នាងដែល​ជាតារា​កំប្លែងនោះ។ ហេតុដូចនេះហើយទើបអ្នកនិពន្ឋ បានជ្រើសរើសបទណាដែលស្ដាប់ទៅមាន ភាពកំប្លែង និងទាក់​ទាញមកជូននាងច្រៀង។

ឆ្នាំនេះ ផលិតកម្មថោនបានផលិតបទចម្រៀង ជាចង្វាក់រាំវង់ ឡាំលាវ កន្រ្ទឹមជាដើម ចំនួនបួនថាសចម្រៀង មាន​៤០បទ។ កន្លងមក​បទចម្រៀងមួយចំនួនរបស់ផលិតកម្មមួយនេះ ធ្លាប់ទទួលរងការរិះគន់យ៉ាងចាស់ដៃ ពីសំណាក់​អ្នក​តាម​ដាន​​​ពិភព​សិល្បៈ ថាបានចម្លងពីចម្រៀងបរទេសទាំងស្រុង និងចម្រៀងខ្លះមិនមានអត្ថន័យអប់រំ​សូម្បីបន្ដិច​ឡើយ៕

ស្តាប់បទបទចម្រៀងទាំងបីរបស់អ្នកនាងទាំងអស់គ្នា៖

-----------------------------------------------
ដោយ ក. ចាន់នីតា (ទំនាក់ទំនង៖ [email protected] ) -ភ្នំពេញ ថ្ងៃទី ០៥ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...