ជម្លោះក្នុងបក្សនយោបាយបារាំង ត្រូវបានចំអកតាមចម្រៀងកូនមាន់«ពីយូ» (វីដេអូ)
បើគេនិយាយពីភាពជោគជ័យដ៏ភ្ញាក់ផ្អើល របស់បទចម្រៀង «Gangnam Style» នៃអ្នកចម្រៀងកូរ៉េខាងត្បូងម្នាក់នោះ នៅក្នុងអំឡុងពេលចុង ឆ្នាំ២០១២កន្លងមកនេះ នៅក្នុងប្រទេសបារាំងឯណេះវិញ មានចម្រៀងមួយបទ ក៏បានធ្វើអោយគេនឹកឃើញ និងចាក់យកមកស្ដាប់ជាច្រើនដងដែរ។ ចម្រៀងនោះ មានចំណងជើងថា «Poussin Piou» ឬកូនមាន់ «ពីយូ»។ ដោយសារតែជោគជ័យរបស់វា មានបណ្ដាជនជាច្រើន បានប្រែក្លាយទំនុកបទចម្រៀងនេះ ដោយជំនួសដោយទំនុកបទចម្រៀងដទៃៗទៀត ដើម្បីកំសាន្ដផ្ទាល់ខ្លួន បម្រើបុព្វហេតុអ្វីមួយ ឬជាការចំអកឡកឡឺយទៅអ្វីមួយ។
«គណបក្ស អ៊ុយ អឹម ប៉េ មិនដឹងជា"អាចម៍"ស្អីទេ»។ រូបភាពចម្លងពីអេក្រង់ របស់វីដេអូ។
សូមបញ្ជាក់ថា តាំងពីដាក់ក្លីបវីដេអូរបស់ខ្លួន ក្នុងគេហទំព័រចែកផ្សាយវីដេអូ យូធូប (Youtube) មកទល់នឹងពេលនេះ [...]