ក្រុម​ក្មេង​ស្ទាវ​ស្រវឹង បើក​ឡាន​ទំនើប ទំនើង​បុក​រះ​មួយ​ជួរ

«បុករះអស់មួយជួរ» តែវាជារឿងមួយ ដែលបង្កឲ្យមានការភ្ញាក់ផ្អើល ទាំងកណ្តាលយប់ នៅតាម​បណ្តោយ​ផ្លូវ​នរោត្តម។ ឡាន​មួយ​គ្រឿង បង្ករគ្រោះថ្នាក់ ដល់ឡាន០៤គ្រឿង និងម៉ូតូមួយគ្រឿងផ្សេងទៀត ដោយ​បាន​បុក​មួយ​ហើយ ទៅ​បន្ត​បុក​មួយ​ទៀត យ៉ាងសាហាវមិនព្រមឈប់។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ១៥ កក្កដា ២០១៥
  • កែប្រែចុងក្រោយ: July 15, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

ករណីគ្រោះថ្នាក់នេះ បានបង្ករការភ្ញាក់ផ្អើល កាលពីម៉ោង ១១យប់ថ្ងៃទី ១៤ ខែកក្កដាឆ្នាំ២០១៥ នៅតាម​បណ្តោយ​ផ្លូវនរោត្តម បន្តបុករហូតដល់ផ្លូវ៥៥ ត្រង់ចំណុចម្តុំផ្ទះយាយភូ ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។ តាមការបញ្ជាក់ របស់សាក្សីឲ្យដឹងថា រថយន្តបង្ករ ម៉ាក តាកុមា TACOMA ពណ៍ស ស្លាក​លេខ ២AD-០៣៣៨ បើកបរដោយ ក្រុមក្មេងស្ទាវ០៥នាក់ ទាំងអាការៈស្រវឹង ក្នុងល្បឿនលឿន។

សាក្សីបានបញ្ជាក់បន្ថែមថា គ្រោះថ្នាក់នេះ មិនមានអ្នកណាម្នាក់ រងរបួសនោះទេ ព្រោះរថយន្ដ ដែលរង​គ្រោះ​ថ្នាក់ទាំងបួន សុទ្ធតែចតនៅស្ងៀម។ ចំណែកឯម្ចាស់ម៉ូតូ និងរឺម៉កកង់បី មួយគ្រឿងទៀត ក៏មិនបានរង​បញ្ហា​អ្វី​ដែរ។

រថយន្តរងការខូចខាតទាំង០៤នោះ ទីមួយម៉ាកកូរ៉េ ស្លាកលេខភ្នំពេញ ២AC-៤៣០៧ បានខូចខាតមួយ​​ចំហៀង​ខាងឆ្វេង។ ទីពីរម៉ាក រេងរ៉ូវើ (RONG ROVER) ពណ៍ខ្មៅស្លាកលេខ ២Q-០០៣៣ ខ្ទេចស្តុបជ្រុលទៅ​បុក​ឡាន កូរ៉ូឡា(COROLA) ពណ៍ខ្មៅស្លាកលេខភ្នំពេញ ២J-៥៣៩០ មួយគ្រឿងទៀត។ ចុងក្រោយឡាន​កូរ៉ូឡា បាន​ជ្រុលទៅបុកបន្ថែម ឡានកាម៉ារី (CAMRY) ពណ៍ស ស្លាកលេខ ខេមរៈភូមិន្ទ២-០៦៣៩មួយ​ទៀត ខណៈ​ដែល​ឡានទាំងពីរ បុកពេញទំហឹងលាន់ដូចរន្ទះ មានម៉ូតូមួយគ្រឿង នៅក្នុងនោះម៉ាក PCX មិន​ស្គាល់​ស្លាក​​លេខ​រង​ការខូចខាត រួមជាជាមួយរឺម៉កង់បី មួយគ្រឿងទៀត យ៉ាងដំណំផងដែរ។

បន្ទាប់ពីហេតុការណ៍បុករះយ៉ាងរន្ធត់នេះ មន្រ្តីនគរបាលចរាចរណ៍ បានឃាត់ខ្លួនជនសង្ស័យ ដែលជាអ្នក​បើករថយន្តបង្ករបានចំនូន ៣ នាក់ ខណៈពីរនាក់ទៀត បានរត់គេចខ្លូនដោយសុវត្តិភាព។ អ្នកទាំងបី ត្រូវ​បាន​គេស្គាល់ថា មួយឈ្មោះ ផាន់ ផានី អាយុ១៨ ឆ្នាំជានិស្សិតនៅមហាវិទ្យាល័យ ស្នាក់នៅផ្ទះមួយ នៅតាម​បណ្តោយផ្លូវ ៣៩៨ សង្កាត់ភ្នំពេញថ្មី ខណ្ឌសែនសុខ (ជាម្ចាស់ឡានបង្ករ)។ ទីពីរឈ្មោះ ហេ សំបូរ អ្នករួម​ដំណើរជាមួយអាយុ ១៧ ឆ្នាំរស់នៅម្តុំផ្សារចាស់។ ម្នាក់ទៀតជាមិត្តភក្កិដែរនោះ ឈ្មោះ សុខ គន្ធា អាយុ១៨ ឆ្នាំ ស្នាក់នៅក្បែរផ្សាយសូរិយា សង្កាត់ផ្សារថ្មីទី១។

បច្ចុប្បន្នអ្នកទាំងបី ត្រូវបានមន្ត្រីនគរបាលបញ្ជូនខ្លួន រួមជាមួយវត្ថុតាងទាំងអស់ ទៅកាន់ទៅកាន់អធិការដ្ឋាន ខណ្ឌដូនពេញដើម្បី ធ្វើការដោះស្រាយ ទៅតាមច្បាប់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...