អ៊ូ វីរៈ៖ បិទគ្រប់ទីកន្លែង គ្រប់ពេលវេលា បង្ហាញថារដ្ឋាភិបាលផ្តាច់ការ
ប្រធានក្រុមប្រឹក្សាភិបាលនៃមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ បានចាត់ទុកការបិទទីលានប្រជាធិបតេយ្យ ដោយរដ្ឋាភិបាលកម្ពុជា គឺក្នុងហេតុផលនយោបាយ ច្រើនជាងហេតុផលសន្តិសុខ និងសណ្តាប់ធ្នាប់សង្គម និងជាការំលោភរដ្ឋធម្មនុញ្ញ។ ការលើកឡើងរបស់លោកអ៊ូ វីរៈ គឺស្របពេលដែលទីលានប្រជាធិបតេយ្យនៅបន្តបិទ ហើយបានហាមឃាត់មិនឲ្យមានការប្រមូលផ្តុំ បើសូម្បីតែអ្នកការសែត ឬបេក្ខជនតំណាងរាស្រ្ត។
ទីលានប្រជាធិបតេយ្យ នៅកណ្ដាលរាជធានីភ្នំពេញ។ (រូបថត MONOROOM.info/ D.KEO)
សិទ្ធិ - «រហូតមកដល់ពេលនេះ ប្រទេសកម្ពុជាយើងឥឡូវនេះ អត់មានចលាចលទេ ហើយសភាក៏មិនដែលប្រកាសចលាចលដែរ។ ហើយក៏អត់មានច្បាប់ណា ប្រកាសឲ្យបិទទីលានប្រជាធិបតេយ្យដែរ។ អញ្ចឹងការនិយាយបែបហ្នឹង [...]