ចន ច័ន្ទលក្ខិណា ថា«សុំចាញ់»រឿងចាក់ផ្សាយភាពយន្ដបរទេស?
នៅពេលថ្មីៗនេះ តារាសម្តែងនិងបង្ហាញម៉ូត ខ្ញីចាស់ដ៏ស្រស់សោភា អ្នកនាង ចន ច័ន្ទលក្ខិណា បានបង្ហាញសំនេរ នៅលើគណនីហ្វេសប៊ុករបស់ខ្លួន ហាក់ដូចជាមានអាម្មរណ៍សោកស្តាយ គ្មានសង្ឃឹមសោះឡើយ ពីរឿងអ្វីមួយ។
តារារូបនេះ បានចាប់ផ្ដើម ដោយពាក្យមួយឃ្លានេះថា «មនុស្សដែលចាញ់គ្រប់យ៉ាង» មុននឹងសរសេរបន្តថា៖ «ខ្ញុំសុំនិយាយថា ខ្ញុំសុំចុះចាញ់ហើយ ហើយក៏ឆ្អែតបំផុត ឆ្អែតឡើងក្អួត ចេញមកវិញ។ ដើម្បីសិល្បះវប្បធម៌ជាតិ ខ្ញុំត្រូវមនុស្សមួយប្រទេសជេរ និងរិះគន់យ៉ាងអាម៉ាស់។ តែខ្ញុំទទួលយកបានទាំងអស់ ឲ្យតែសិល្បះខ្មែរមានដង្ហើម។ តែអ្វីៗគឺខុសទាំងអស់ ហើយក្លាយជាជនដែលស្គាល់តែការខុស ព្រោះខ្ញុំមិនចេះ ធ្វើជាមនុស្សអាត្មានិយម មិនចេះស្តោះហើយលេប មិនចំណុះគេ មិនចេះយកមុខយកមាត់។ ពីពេលនេះទៅ គឺសុំធ្វើជាមនុស្សអាត្មានិយម និងលែងជឿជាក់គ្រប់វិស័យ ព្រោះវាគ្មានជំនឿទៀតទេ។ អ្នកធ្វើគឺខ្ញុំ អ្នកស្រែកគឺគេ អ្នកបានផលគឺឈ្មួញ។ ហើយ [...]