ចាន់ សូវ៉េត សរសេរផ្ដាំផ្ញើរអ្វីជាចុងក្រោយ នៅលើហ្វេសប៊ុក?
បើគេរំលឹកពីលោក កាលពីលោកនៅមានជីវិតនោះ គេច្បាស់ជាស្គាល់ភ្លាម ថាជាវីរជនការពារសិទ្ធិមនុស្សមួយរូប ដែលតែងជួយទៅដល់អ្នកដែលត្រូវគេរំលោភសិទ្ធិ ដោយមិនខ្លាចនឿយហត់ និងមិនខ្លាចខ្លួនរងទុក្ខ។ ប៉ុន្តែចំពោះជីវិតឯកជនរបស់លោកវិញ គេបានដឹងតិចតួចបំផុត។ ហើយបើនិយាយពីជីវិតនៅលើហ្វេសប៊ុកទៅទៀតនោះ លោក ចាន់ សូវ៉េត ក៏កាន់តែមិនមែនជាតារាល្បី ប្រចាំលើបណ្ដាញសង្គម ដែលជាចំណូលចិត្ត របស់មនុស្សសម័យឥឡូវនោះដែរ។
ទោះជាយ៉ាងណាក៏ដោយ លោកបានប្រើប្រាស់បណ្ដាញសង្គម ដើម្បីចែករំលែកនូវមតិយោបល់ ការវិភាគ ឬការត្រិះរិះពិចារណា ក្នុងនាមលោកជាមន្ត្រីការពារសិទ្ធិ ទៅដល់ប្រិយមិត្តដ៏ស្ដួចស្ដើង ដែលមានចំនួនប្រមាណជាជាង១៥០នាក់។ អាចនិយាយបានថា មិត្តភ័ក្ររបស់លោក នៅលើគណនីរបស់លោកមានចំនួនតិចមែន [...]